Jeremaia 22:16 - Chuukese Bible

¹⁶ A peni ekewe mi wöüngau me mwelele lon kapwüng, iei mine a fefeitä. Ifa usun, esap pwärätä pwe a sileei ren ei sokun föför?

Jeremaia 22:16 Iomraidhean Croise

1. Kronika 28:9

Nge en Salomon nei mwän, kopwe lükü än semom we Kot, kopwe pwal angang ngeni ren unusen lelukom me mochenin letipom. Pun ewe Samol mi Lapalap a etittina letip meinisin o weweiti iteiten akot me ekiek. Are ka kul ngeni Kot, i epwe etiwok, nge are ka likitala i, i epwe pöütukela tori feilfeilachök.

Kölfel 109:31

Pun i a peni ewe chon mwelele, pwe epwe amanaua seni chokewe mi atipisi pwe epwe mäla.

Kölfel 36:10

Kose mochen kopwe sopwela om tong ellet ngeni chokewe mi sileek, kopwe pwal sopwela om amanaua chokewe mi wenechar leluker.

Kölfel 9:10

Chokewe mi silei en ra anomu ar apilükülük womw, pun en, ai Samol mi Lapalap, kosap kul seni chokewe mi feito reöm.

Än Salomon Fos 31:9

Kopwe kapas o eäni kapwüng fän pwüng, kopwe peni än ekewe chon wöüngau me chon mwelele pwüng.

Aisea 1:17

Iwe, oupwe kaiö föföröch o kütta pwüngüöch, nge oupwe epeti angangen chon mwänewüs. Oupwe peni chokewe mi mäsen, oupwe pwal alisi ekewe fefin mi mä pwülüer.”

Jeremaia 5:28

ra pwal kitinupula o lükümisimis. Ar föföringau esap wor aükükün. Resap alisi ekewe mi mäsen lon kapwüng pwe repwe win, resap pwal peni ekewe chon mwelele pwe epwe toriir ar pwüüng.

Jeremaia 9:16

Üpwe atoropaseer lein chon ekewe mwü, ir me ar kewe lewo resap sileer me mwan. Üpwe pwal tinala mürir mwichen sounfiu, pwe repwe maun ngeniir tori üpwe aroserela.”

Jeremaia 9:24

Nge ewe mi aingaing epwe aingaing lon an eäni weweöch o sileei, pwe ngang ewe Samol mi Lapalap mi eäni tong ellet, pwüng me wenechar won fanüfan. Pun ikei ekei föför üa pwapwa ren. Ngang ewe Samol mi Lapalap üa kapas.”

Jeremaia 9:3

Iei alon ewe Samol mi Lapalap, “Iteiten fansoun nei aramas ra chök kapas chofana. Chofana a chöchöla lon ewe fanü, nge sap let. Nei aramas ra chök föri föför mi ngau, nge resap alletä pwe ngang ar Kot.”

Mika 6:8

En aramas, ewe Samol mi Lapalap a aiti ngonuk mine a mürina. Met a mochen pwe kopwe föri? A mochen pwe kopwe föri mine a pwüng o eäni kirikiröch, kopwe pwal tipetekison fän mesen om we Kot.

Johannes 16:3

Aramas repwe föri ekei sokun föför ngenikemi, pun resap mwo silei Semei, resap pwal sileei.

Johannes 17:3

Iwe, iei manau esemüch: Ar repwe silei en, ewe eman chök Kot mi let, repwe pwal silei Jesus Kraist, ewe ka tinato.

Johannes 17:6

Üa pwärala itom ngeni chokewe ka ngeniei seni won fanüfan. Ir noumw kewe, nge ka fang ir ngeniei o ra aleasochisi om kewe kapas.

Johannes 8:19

Mürin ra aisini, “Ia semom a nom ie?” Jesus a pölüeniir, “Ämi ousap sileei are silei Semei. Are oupwe sileei, oupwe pwal silei Semei.”

Titus 1:16

Ra apasa pwe ra silei Kot, nge ar föför a pwärätä pwe resap silei i. Ra anioput me ren Kot, ra lükümach, resap tongeni ar repwe föri och mi mürina.

1. Samuel 2:2

Esap wor eman mi pin usun ewe Samol mi Lapalap, esap wor eman lükün i, esap pwal wor eu achau usun ach we Kot.