Jeremaia 22:11 - Chuukese Bible

¹¹ Pun iei alon ewe Samol mi Lapalap fänäsengesin Joahas ewe kingen Juta nöün Josia we mwän, ätewe mi siwili saman we le nemenem, “A feila seni ei leni, nge esap fokun chüen liwinsefäl.

Jeremaia 22:11 Iomraidhean Croise

2. King 23:29

Lupwen fansoun än Josia nemenem, Farao Neko ewe kingen Isip a feila ngeni ewe chanpupu Oifrat, pwe epwe alisi ewe kingen Asiria. Iwe, ewe king Josia a feila pwe epwe maun ngeni. Nge lupwen ra maunfengen, Farao Neko a niela Josia me lon Mekito.

2. King 23:30

Iwe, nöün chon angang ra uwala inisin won efoch woken seni Mekito tori Jerusalem o peiaseni lon püsin peiasan. Iwe, aramasen ewe fanü ra filätä Joahas nöün Josia we mwän, ra epiti o seikätä, pwe epwe siwili saman we lon wisan wisen king.

2. King 23:31

Iwe, Joahas a ierini rüe me ülüngat, lupwen a tolong lon wisan wisen king. A nom lon Jerusalem o nemeni Juta lon ükükün ülüngat maram. Iten inan Hamutal nöün Jeremaia fefin seni Lipna.

2. King 23:34

Farao Neko a seikätä Eliakim nöün Josia we mwän, pwe epwe siwili saman we lon wisan wisen king. Iwe, a siwili itan ngeni Jehoiakim. Nge Farao Neko a uwala Joahas Isip. Iwe Joahas a mäla ikenan.

1. Kronika 3:15

Iwe, a wor föman nöün Josia kewe mwän: Johanan ewe mwänichi, Jehoiakim, Setekia me Salum.

2. Kronika 28:12

Mürin, ekoch samol seni ewe ainangen Efraim iter Asaria nöün Johanan we mwän, Perekia nöün Mesilemot we mwän, Jehiskia nöün Salum we mwän me Amasa nöün Hatlai we mwän ra pwal pälüeni ätekewe mi liwinto seni maun

2. Kronika 34:22

Iei mine Hilkia me chokewe ewe king a titi ra feila ren ewe soufos fefin Hulta mi nom lon aruuen kinikinin ewe telinimw Jerusalem. Pwülüen neminei Salum nöün Tikwa we mwän, nge Tikwa nöün Haras. Salum a wisen tütümwünü üföüfen lon ewe imwenfel. Iwe, ra apworausa ngeni neminewe mine a fis.

Jeremaia 22:27

Nge ewe fanü oua positi, ousap fokun liwiniti.”

Sefanaia 1:1

Iei alon ewe Samol mi Lapalap ngeni Sefanaia nöün Kusi we mwän. Kusi nöün Ketalia, Ketalia nöün Amaria, nge Amaria nöün Hiskia. Ei a fis lon mwün Josia ewe kingen Juta nöün Amon we mwän.