Jeremaia 22:10 - Chuukese Bible

¹⁰ Ämi aramasen Juta, ousap kechüeiti ika letipeta usun ewe king Josia, ätewe mi mäla. Nge oupwe kechüangaueiti Joahas nöün we, ätewe mi oola, pun esap chüen liwinsefäl o küna poputän fanüan.

Jeremaia 22:10 Iomraidhean Croise

2. King 22:20

Iei mine lupwen kopwe mäla, kopwe mäla fän kinamwe o peias ren om kewe lewo, nge kosap küna ewe feiengau üpwe awarato won ei leni.’” Iwe, ekewe mwän ra liwinla o uwala ekei kapas ren ewe king.

2. King 23:29

Lupwen fansoun än Josia nemenem, Farao Neko ewe kingen Isip a feila ngeni ewe chanpupu Oifrat, pwe epwe alisi ewe kingen Asiria. Iwe, ewe king Josia a feila pwe epwe maun ngeni. Nge lupwen ra maunfengen, Farao Neko a niela Josia me lon Mekito.

2. Kronika 36:4

Iwe, Neko ewe kingen Isip a seikätä Eliakim pwin Joahas we, pwe epwe kingen Juta me Jerusalem, nge a siwili itan ngeni Jehoiakim. Nge Neko a angei Joahas o uweela Isip.

Än Salomon Afalafal 4:2

Iwe, üa ekieki pwe chokewe ra fen mäla ra feiöch seni chokewe mi chüen manau.

Aisea 57:1

Iwe, ekewe chon pwüng ra mäfeiengau, nge esap wor eman a ekieki usur. Ekewe chon lükü Kot ra mäla, nge esap wor eman a silei popun. Iwe, ekewe chon pwüng ra mäla mwen ewe ränin feiengau a war,

Jeremaia 16:7

Esap wor eman epwe uwato mongö pwe epwe achipa chokewe mi letipeta fän iten ewe mi mäla, inamwo ika i eman sam ika in. Esap pwal wor eman epwe ngeniir ünümer pwe repwe chip.

Jeremaia 22:11

Pun iei alon ewe Samol mi Lapalap fänäsengesin Joahas ewe kingen Juta nöün Josia we mwän, ätewe mi siwili saman we le nemenem, “A feila seni ei leni, nge esap fokun chüen liwinsefäl.

Jeremaia 22:18

Iei mine ewe Samol mi Lapalap a apasa fän äsengesin Jehoiakim ewe kingen Juta nöün Josia we mwän, “Aramas resap kechüeiti, lupwen epwe mäla, o üra, ‘Woko pwi’ ika ‘Wole mongeei.’ Resap kechüeiti o apasa, ‘Woko äm samol’ ika ‘Woko äm king.’

Jeremaia 22:27

Nge ewe fanü oua positi, ousap fokun liwiniti.”

Jeremaia 25:27

Mürin, ewe Samol mi Lapalap a üreniei, “Kopwe kapas ngeni ekewe aramas pwe iei alon ewe Samol mi Unusen Manaman, ewe Koten Israel, ‘Oupwe ün tori oupwe pulas o mus. Oupwe turula, nge ousap chüen ütäsefäl pokiten ewe maun üpwe tinala remi.’

Jeremaia 28:4

Üpwe pwal aliwinato ngeni ei leni Jehoiachin ewe kingen Juta nöün Jehoiakim we mwän me ekewe chon oola meinisin seni Juta mi feila Papilon, pun üpwe kupi ewe waas än ewe kingen Papilon. Ngang ewe Samol mi Lapalap üa kapas.”

Jeremaia 42:18

Pun iei alon ewe Samol mi Unusen Manaman, ewe Koten Israel, ‘Usun üa song me lingeringer ngeni ekewe chon Jerusalem, iei usun üpwe song me lingeringer ngenikemi, lupwen oupwe feila Isip. Aramas repwe leawenikemi lon ar ottek, oupwe wiliti och minen eniweniw o küna turunufas me itengau, nge ousap chüen künasefäli ei leni.’

Jeremaia 44:14

Esap wor eman chon Juta mi chüen manau mi fen feila Isip, pwe epwe nonom ie, epwe sechiwu ika manau. Esap wor eman epwe liwiniti Juta, ewe fanü a positi an mochen liwinla ngeni o nonom ie. Pun chon Juta resap fokun liwin, chilon chök ekoch choisä.”

Kölün kechü 4:9

Chokewe mi mäla lon maun ra feiöch seni chokewe mi mäla ren echik, ir chokewe mi kichüchüla o mäla, pun esap wor ener mongö seni ekewe mälämäl.

Isikiel 24:16

“Nöün aramas, nengeni, iei chök üpwe angei senuk ewe aramas ka fokun echeni. Nge en, kopwe tümwünü pwe kosap ngüngüres, kosap pwal kechü pwe chönün mesom esap suputiu.

Lukas 23:28

Nge Jesus a sap ngeniir o üreniir, “Ämi fin Jerusalem! Ousap kechüeitiei, nge oupwe püsin kechüeitikemi me nöümi kana.