Jeremaia 21:9 - Chuukese Bible

⁹ Chokewe mi nomotiu lon ei telinimw repwe mäla ren maun, ren lengita pwal ren mätter. Nge chokewe mi towu seni ei telinimw o fangatä ngeni ekewe chon Papilon mi pwelifeili ei telinimw fän pisekin maun repwe manau, repwe chök kütta en me püsin manauan.

Jeremaia 21:9 Iomraidhean Croise

Jeremaia 14:12

Inamwo ika ra echikefel, nge üsap rongorong ar siö. Inamwo ika ra eäni asoren kek me asoren mongö, nge üsap etiweer. Nge üpwe nirela ren maun, ren lengita me mätter.”

Jeremaia 21:7

Mürin, üpwe föri pwe en Setekia ewe kingen Juta fiti noum kewe nöüwis me aramasen ei telinimw, ir ekewe mi chüen manau seni mätter, seni maun me lengita, oupwe sechilong lepöün Nepukatnesar ewe kingen Papilon, pwal lepöün chon oputemi mi mochen angei manauemi. Nepukatnesar epwe nikemiila, nge esap tongeekemi ika achikakemi ika ümöümöch ngenikemi. Ngang ewe Samol mi Lapalap üa kapas.’”

Jeremaia 24:10

Üpwe tinato rer maun, lengita me mätter tori repwe fokun rosola seni lon ewe fanü üa ngeniir me ar kewe lewo.”

Jeremaia 27:11

Nge are chon eu mwü repwe ämwäralong üwer fän ewe waas än ewe kingen Papilon o angang ngeni, üpwe mwüt ngeniir pwe repwe nom won püsin fanüer, repwe angang won o imweimw ie. Ngang ewe Samol mi Lapalap üa kapas.’”

Jeremaia 27:12

Iwe, üa pwal kapas ngeni Setekia ewe kingen Juta lon ei chök ititin, “Oupwe ämwäralong üemi fän ewe waas än ewe kingen Papilon. Oupwe angang ngeni me nöün aramas pwe oupwe manau.

Jeremaia 27:13

Pwota ämi me noum aramas oupwe mäla ren maun, ren lengita me mätter, usun ewe Samol mi Lapalap a fen apasa epwe fis ngeni chon ekewe mwü meinisin resap mochen angang ngeni ewe kingen Papilon?

Jeremaia 38:2

“Iei alon ewe Samol mi Lapalap: Iteiten eman me eman mi nomotiu lon ei telinimw epwe mäla ren maun, ren lengita me mätter. Nge iteiten eman me eman mi fangatä ngeni ekewe chon Papilon esap mäla. Repwe en me püsin kütta manauan.

Jeremaia 38:3

Ewe Samol mi Lapalap a pwal apasa: Ei telinimw epwe fokun oolong lepöün ekewe sounfiu nöün ewe kingen Papilon, pun repwe liapeni.”

Jeremaia 39:18

Üpwe fokun amanauok pwe kosap mäla. En kopwe küna manau, pun ka anomu om lükülük woi. Ngang ewe Samol mi Lapalap üa kapas.”

Jeremaia 45:5

Ifa usun, ka kütta mettoch mi watte fän itom? Kosap kütteer. Pun üpwe awarato feiengau won aramas meinisin. Nge ngang üpwe amwöchü manauom lon ekewe leni meinisin ia kopwe feila ie. Ngang ewe Samol mi Lapalap üa kapas.”

Isikiel 5:12

Iwe, eu leülüngat me leimi repwe mäla ren mätter me lengita me lon telinimwemi, eu leülüngat repwe mäla ren ketilas lükün telinimwemi, nge eu leülüngat üpwe atoropasafeiliir ekis meinisin o tapweriir fän nei ketilas.