Jeremaia 21:7 - Chuukese Bible

⁷ Mürin, üpwe föri pwe en Setekia ewe kingen Juta fiti noum kewe nöüwis me aramasen ei telinimw, ir ekewe mi chüen manau seni mätter, seni maun me lengita, oupwe sechilong lepöün Nepukatnesar ewe kingen Papilon, pwal lepöün chon oputemi mi mochen angei manauemi. Nepukatnesar epwe nikemiila, nge esap tongeekemi ika achikakemi ika ümöümöch ngenikemi. Ngang ewe Samol mi Lapalap üa kapas.’”

Jeremaia 21:7 Iomraidhean Croise

Aisea 27:11

Ekewe aramas ra wewe ngeni palen ekewe irä mi pwas, ra kuputiu. Iwe, fefin repwe feito o rusifengeniir pwe repwe eäniir amüch. Pun ir eu mwichen aramas resap mirit. Iei mine Kot ewe mi föriir esap tongeäsiniir, esap pwal ümöümöch ngeniir.

Aisea 47:6

Iwe, üa songeiti nei aramas o atolongeer lon itengau, üa pwal asechirelong lepoum, nge en kosap tongeer. Ka fen uwätä efoch waas mi fokun chou won afaren ekewe chinlap.

Jeremaia 13:14

Mürin üpwe atatakisifengeniir eman ngeni eman, ekewe sam ngeni nöür kewe, usun eman a amökkü eu pör ngeni pwal eu. Üsap tongeer ika achikeer, üsap eäni ümöümöch ngeniir, nge üpwe aroserela.”

Jeremaia 14:12

Inamwo ika ra echikefel, nge üsap rongorong ar siö. Inamwo ika ra eäni asoren kek me asoren mongö, nge üsap etiweer. Nge üpwe nirela ren maun, ren lengita me mätter.”

Jeremaia 15:5

Iei alon ewe Samol mi Lapalap, “Iö epwe tongeekemi, ämi chon Jerusalem, ika iö epwe lolilenäsinikemi? Iö epwe üla o ais usumi?

Jeremaia 15:9

Neminewe mi nöüni füman mwän, nge ra mäla, a apwangapwangala o kükünüla an ngasangas. An saram a wiliti rochopwak, a säw o itengau. Nge ekewe ekoch mi chüen manau, üpwe föri pwe chon oputer repwe nirela. Ngang ewe Samol mi Lapalap üa kapas.”

Jeremaia 19:7

Iwe, lon ei leni üpwe atai än chon Juta me chon Jerusalem akot. Üpwe föri pwe ekewe aramas repwe kuf ren chon oputer o mäla lon maun. Üpwe aochocha ngeni ekewe machang me ekewe manmwacho ekewe somä.

Jeremaia 20:4

Pun iei alon ewe Samol mi Lapalap: Üpwe föri pwe kopwe eu niuokus watte ngeni püsin en, pwal ngeni chiechiom meinisin. Ir repwe mäla ren nöün chon oputer ketilas, nge en kopwe nenengeniir. Üpwe asechalong chon Juta meinisin fän nemenien ewe kingen Papilon. I epwe emwenala ekoch Papilon, nge ekoch epwe nirela.

Jeremaia 22:25

o asechukolong lepöün chokewe mi mochen angei manauom, lepöün chokewe ka niuokusitiir, fokun lepöün Nepukatnesar ewe kingen Papilon me nöün kewe sounfiu.

Jeremaia 27:6

Iei üa uwalong fän nemenien nei chon angang Nepukatnesar ewe kingen Papilon ekei fanü meinisin. Üa föri pwe ekewe manmwacho mwo nge repwe pwal angang ngeni.

Jeremaia 32:4

Nge Setekia esap tongeni sü seni ekewe chon Papilon. Iwe, epwe fokun tolong lepöün ewe kingen Papilon, epwe küna ren mesan o püsin kapas newenewen ngeni.

Jeremaia 34:3

Kosap fokun tongeni sü seni, nge kopwe oolong o sechilong lepöün. Kopwe küna ewe kingen Papilon ren mesom o püsin kapas newenewen ngeni. Kopwe fokun feila Papilon.’

Jeremaia 36:29

Nge kopwe üreni Jehoiakim ewe kingen Juta, ‘Iei alon ewe Samol mi Lapalap: Ka kenala ewe toropwe o üra, “Pwota ka makei lon pwe ewe kingen Papilon epwe fokun feito o ataela ei fanü, epwe pwal ärala aramas me man seni?”

Jeremaia 37:17

Mürin, ewe king Setekia a titi Jeremaia o etiwa i. Iwe, a kapas ais ngeni lemonomon me lon imwan o üra, “Ifa usun, mi wor eu kapas seni ewe Samol mi Lapalap?” Nge Jeremaia a pälüeni, “Mi wor. Kopwe tolong lepöün ewe kingen Papilon.”

Jeremaia 50:17

Iei alon ewe Samol mi Lapalap, “Chon Israel ra usun chök sip mi toropas, ekewe laion ra cherela. Ewe kingen Asiria a akomwen ocheer, mürin Nepukatnesar ewe kingen Papilon a ineei chüür.

Kölün kechü 2:20

Ai Samol mi Lapalap, kopwe nenengeni o ekieki! Ka föri ngeni iö ei sokun? Ifa usun, fefin repwe ochei nöür semirit ra tümwünüöchüür o tongeer? Ifa usun, ekewe souasor me soufos repwe ninnila lon ewe imwenfel?

Kölün kechü 2:22

Ka körifengeni chon aniuokusuei seni ekis meinisin, usun aramas ra kökköto ngeni eu ränin chulap. Esap wor eman aramas a tongeni sü ika manau lon ränin om song. Ewe chon oputaei a niela chokewe üa oupuur o foleniir.

Isikiel 23:28

Pun iei aloi ngang Kot ewe Samol mi Lapalap: Üpwe atolongok lepöün chokewe ka kul seniir o oputeer.

Isikiel 7:9

Iwe, üsap chüen achikok, üsap pwal chüen tongeek. Üpwe liwini ngonuk liwinin om föför mi anioput ka chök sopwela le föri. Ren ei kopwe silei pwe ngang ewe Samol mi Lapalap, ewe mi afeiengauok.”

Isikiel 8:18

Iei mine üpwe apwüngüür fän ai song. Üsap achikeer, üsap pwal eäni tong ngeniir. Inamwo are repwe kechü ngeniei fän leüömong lon ar iotek, üsap fokun aüselingeer.”

Isikiel 9:10

Iei mine üsap achikeer, üsap pwal tongeer, nge üpwe liwini ngeniir ükükün liwinin ar kewe föför meinisin.”

Tuteronomi 28:50

Repwe afochongau, resap meniniti ekewe mi chinlap, resap pwal tongei ekewe semirit.