Jeremaia 21:5 - Chuukese Bible

⁵ Püsin ngang üpwe maun ngenikemi lon ai song, lon ai chou me lon ai lingeringer mi fokun watte ren pei mi manaman o aköüpöü.

Jeremaia 21:5 Iomraidhean Croise

Ekistos 6:6

Iei mine kopwe üreni ekewe aramasen Israel, ‘Ngang ewe Samol mi Lapalap. Üpwe emwenikemiiwu seni fän ämi angangochou ngeni chon Isip, üpwe pwal angasakemi seni ar nöünikemi amanau o amanauakemi fän pei mi manaman pwal ren apwüng mi lapalap.

Ekistos 9:15

Üa fen tongeni aitiela pei o afeiengauok me noum kewe aramas ren mätter, pwe manauemi epwe müchüla me won fanüfan.

Aisea 10:4

Esap wor och mine oupwe tongeni föri lükün chök ämi oupwe nom lein chon oola ika lein chokewe mi mäla lon maun. Iwe, lon ekei feiengau än Kot song esap kisikisila, nge pöün a chüen afeiengaueer.

Aisea 5:25

Iei mine ewe Samol mi Lapalap a fokun song ngeni nöün aramas o aitiela pöün pwe epwe apwüngüür. Iwe, ekewe chuk repwe chechech, nge ekewe somä repwe nonom won ekewe al usun chök pipi. Iei mwo nge än Kot song esamwo kul seniir, pöün a chüen afeiengaueer.

Aisea 63:10

Nge ir ra chök ü ngeni Kot o achouala Ngünün mi pin. Iei mine a wiliti eman chon oputer, a pwal püsin fiu ngeniir.

Aisea 9:12

Ekewe chon Siria mi nom ötiu me ekewe chon Filistia mi nom lotou ra amasala awer o oromala Israel. Iwe, lon ekei feiengau än Kot song esap kisikisila, nge pöün a chüen afeiengaueer.

Aisea 9:17

Iei popun ewe Samol esap echika nöür alüal, esap pwal tongei chokewe mi mäsen me ekewe fefin mi mä pwülüer. Pun ir meinisin resap niueiti Kot, ra pwal föföringau, nge kapasen awer a ngau. Iwe, lon ekei feiengau än Kot song esap kisikisila, nge pöün a chüen afeiengaueer.

Aisea 9:21

Ekewe aramasen Manasa me ekewe aramasen Efraim ra püsin nifengeniir. Nge ir meinisin ra ni ekewe aramasen Juta. Iwe, lon ekei feiengau än Kot song esap kisikisila, nge pöün a chüen afeiengaueer.

Jeremaia 32:17

‘Ai Kot Samol mi Lapalap! En ewe mi föri läng me fanüfan ren om manaman mi watte pwal ren poum mi pöchökül. Esap wor och mine a weires ngonuk.

Jeremaia 32:37

Üpwe achufengeni ekewe aramas seni ekewe fanü meinisin ia üa asürela ie fän ai song me lingeringer watte. Üpwe aliwinireto ngeni ei leni o föri pwe repwe nom fän kinamwe.

Jeremaia 36:7

Eli repwe iotekin tüngor ngeni ewe Samol mi Lapalap o kul seni ar föför mi ngau. Pun a fokun watte än ewe Samol mi Lapalap song me lingeringer a apwüngü ngeni ekei aramas.”

Jeremaia 37:10

Are oupwe fen akufu unusen ewe mwichen sounfiun Papilon mi maun ngenikemi, nge epwe chök wor ekoch me leir mi kinas mi nom lon imwer imw mangaku, ir repwe ütä o kenala ei telinimw.’”

Jeremaia 6:12

Chon ekis repwe imweni imwer kewe, repwe pwal fanüeni fanüer o pwülüeni pwülüer. Üpwe apwüngü chon ei fanü.

Kölün kechü 2:3

A atatakisi pöchökülen Israel meinisin lon an song mi fokun watte. Esap mochen alisikich, lupwen chon oputach kewe ra feito. An lingeringeritikich a usun chök eu ekkei lon Israel mi kenala mettoch meinisin mi nom ünükün.

Isikiel 39:3

Ikenan üpwe pöni poum pwe om likapich epwe turutiu seni pöüimöngum, nge om föün likapich epwe turutiu seni pöüifichum.

Isikiel 5:8

Iei mine ngang Kot ewe Samol mi Lapalap üa apasa: Ngang won inisi üpwe fokun ü ngenikemi, üpwe awarato ai apwüng womi me mwen ekewe mwü.

Tuteronomi 4:23

Oupwe püsin äfälikemi pwe ousap manlükala ewe pwon ewe Samol mi Lapalap ämi we Kot a föri ngenikemi. Ousap föri eu uluulun anümwäl lon lapalapen mettoch meinisin i a pinei senikemi.

Tuteronomi 4:34

Are ifa usun, mi wor eman kot a fen sotuni le feito o angeawu eu mwichen aramas seni eu mwü fän püsin itan ren asisil me manaman, ren maun, ren pöün mi manaman o aköüpöü, pwal ren watten föför mi eniwokus, usun ewe Samol mi Lapalap ämi we Kot a föri fän itemi lon Isip me fän mesemi?