Jeremaia 21:2 - Chuukese Bible

² “Kose mochen kopwe kapas ngeni ewe Samol mi Lapalap fän item. Pun Nepukatnesar ewe kingen Papilon a maun ngenikem. Eli ewe Samol mi Lapalap epwe föri eu manaman fän item o föri pwe Nepukatnesar epwe kul senikem.”

Jeremaia 21:2 Iomraidhean Croise

Keneses 10:10

Iwe, Nimrot a popuetä mwün lon Papilon, Erech, Akkat me Kalne. Ir meinisin ra nom lon ewe fanü Papilon.

2. King 1:3

Nge nöün ewe Samol mi Lapalap chon läng a üreni Elias ewe soufos seni Tispe, pwe epwe feila o churi ekewe chon künö seni ewe kingen Samaria o üreniir, “Ifa usun, esap wor eman Kot lon Israel, ina oupwe feila o aisini Paalsepup ewe koten Ekron?

2. King 17:24

Iwe, ewe kingen Asiria a emwenato aramas seni Papilon, Kuta, Awa, Hata me Sefarwaim o anomuur lon ekewe telinimwen Samaria siwilin ekewe aramasen Israel mi oola. Ekei aramas ra fanüeni Samaria o imweimw lon ekewe telinimw.

2. Kronika 32:21

Iwe, ewe Samol mi Lapalap a tinala eman chon läng, a niela ekewe sounfiu mi pwora meinisin, ekewe sounemenem me ekewe meilap lon ewe leni ia nöün ewe kingen Asiria kewe sounfiu ra nom ie. Iei mine Sanherip a liwiniti fanüan fän säw. Nge lupwen a tolong lon imwen an kot, ekoch me lein nöün kewe mwän ra niela i me ikenan ren ketilas.

Ekistos 9:28

Oupwe iotekin tüngor ngeni ewe Samol mi Lapalap pwe epwe aükätiu ewe chopulap me ütten fau, pun a kon lapalap. Üpwe mwüt ngenikemi pwe oupwe feila, nge üsap chüen amwöchükemi.”

Aisea 48:2

Iwe, oua püsin aita ngenikemi chon ewe telinimw mi pin o apilükülükü ewe Koten Israel, itan ewe Samol mi Unusen Manaman.

Jeremaia 15:11

Iwe, ewe Samol mi Lapalap a üreniei, “Ellet, üpwe angasok ren eu popun mi mürina. Ellet, üpwe föri pwe chon oputom repwe tütüngor ngonuk lon fansoun feiengau me riaföü.

Jeremaia 21:3

Mürin Jeremaia a üreniir,

Jeremaia 32:17

‘Ai Kot Samol mi Lapalap! En ewe mi föri läng me fanüfan ren om manaman mi watte pwal ren poum mi pöchökül. Esap wor och mine a weires ngonuk.

Jeremaia 32:24

Ekewe chon Papilon ra senätä ewe ororen maun pwelin ünükün ewe telinimw. Iwe, ra maun ngeni pwe repwe liapeni. Pokiten ewe maun, ewe lengita me ewe mätter, ewe telinimw epwe oolong lepöür. Ka püsin küna pwe a fisitä mine ka kapas usun.

Jeremaia 34:1

Iwe, ewe Samol mi Lapalap a kapas ngeni Jeremaia, lupwen Nepukatnesar ewe kingen Papilon me nöün mwichen sounfiu meinisin, pwal chon ekewe mwü me ainang meinisin won fanüfan mi nom fän nemenian ra maun ngeni Jerusalem me ekewe telinimw ünükün.

Jeremaia 37:17

Mürin, ewe king Setekia a titi Jeremaia o etiwa i. Iwe, a kapas ais ngeni lemonomon me lon imwan o üra, “Ifa usun, mi wor eu kapas seni ewe Samol mi Lapalap?” Nge Jeremaia a pälüeni, “Mi wor. Kopwe tolong lepöün ewe kingen Papilon.”

Jeremaia 37:3

Iwe, ewe king Setekia a tinala Jehukal nöün Selemia we mwän me ewe souasor Sefania nöün Maseia we mwän ren ewe soufos Jeremaia o üreni, “Kopwe iotek fän item ngeni ewe Samol mi Lapalap äm we Kot.”

Jeremaia 37:7

“Kopwe üreni ewe kingen Juta mi tinukoto rei, pwe iei alon ewe Samol mi Lapalap, ewe Koten Israel, ‘Nöün Farao mwichen sounfiu mi feito pwe repwe alisikemi repwele liwinsefäliti Isip lon poputän fanüer.

Isikiel 7:26

Feiengau epwe war, feiengau epwe chök afawun, nge epwe chök wor pworausen afeiengau. Iwe, repwe tüngor ngeni soufos pwe repwe osuni ngeniir. Ekewe souasor resap chüen aiti ngeniir ekewe allük, ekewe souakom esap chüen wor ar öüröür.

Soukapwüng 20:27

Iwe, ekewe aramasen Israel ra aisini ewe Samol mi Lapalap mine repwe föri. Lon ena fansoun än Kot we pworofel a nom ikenan,

1. Samuel 10:22

Iei mine ra aissefäl ngeni ewe Samol mi Lapalap, “Ifa usun, ewe mwän a feito ikei?” Nge ewe Samol mi Lapalap a pälüeni, “Ina i, a op lein ekana pisek.”

1. Samuel 28:15

Mürin, Samuel a aisini Saul, “Pwota ka aosukosukaei ren om awaraeito?” Nge Saul a üra, “Ngang üa nom lon riaföü watte. Pun ekewe chon Filistia ra maun ngeniei, nge Kot a kul seniei, esap pwal chüen pälüeniei ren ekewe soufos ika ren tan. Iei mine üa köruketo pwe kopwe üreniei mine üpwe föri.”

1. Samuel 28:6

Iei mine Saul a aisini ewe Samol mi Lapalap mine epwe föri, nge ewe Samol mi Lapalap esap pälüeni ren tan ika ren Urim ika ren soufos.