Jeremaia 21:14 - Chuukese Bible

¹⁴ Üpwe apwüngükemi fänäsengesin ämi föför. Üpwe aküw eu ekkei lon ämi kewe wöllap, epwe kenala meinisin mine a nom ünükün. Ngang ewe Samol mi Lapalap üa kapas.”

Jeremaia 21:14 Iomraidhean Croise

2. Kronika 36:19

Iwe, ra kenala ewe imwenfel o ataetiu tittin Jerusalem, ra pwal kenala ekewe imw watte o ataela ekewe pisek aüchea meinisin.

Än Salomon Fos 1:31

iei mine oupwe kini uän ämi föför, oupwe notä ren mine oua püsin ekiekietä.

Än Salomon Fos 12:14

Eman aramas epwe angei liwinin alongolong won mine a apasa ika föri, epwe chök angei mine a fichiti.

Aisea 10:12

Nge ewe Samol a apasa, “Lupwen üa awesala ai angangen apwüng meinisin won ewe chuk Sion pwal won Jerusalem, üpwe pwal apwüngü ewe kingen Asiria pokiten an sikesik me lamalamtekia.”

Aisea 10:16

Iei mine ewe Samol, ewe Samol mi Unusen Manaman, epwe tinato samau mi afeiengau ren nöün ewe kingen Asiria sounfiu mi pöchökül, epwe pwal fisala lingan pwe epwe karala.

Aisea 24:21

Lon ena fansoun ewe Samol mi Lapalap epwe apwüngü ekewe mwichen chon läng, epwe pwal apwüngü ekewe king mi nom won fanüfan.

Aisea 37:24

Ren noum kewe chon angang ka turunufaseei ngang ewe Samol mi Lapalap, ka pwal apasa fän om aingaing, “Üa feitä won ungen ekewe chuk tori wochikin ewe chuk Lepanon won wai woken mi chomong. Üa pöküela setaren won mi fokun langatam, pwal saipiresin won mi fokun mürina. Üa tori wochikin o tolong lein wöllapan mi fokun pachefengen.

Jeremaia 11:16

Me lom, ngang ewe Samol mi Lapalap üa aita ngeniir pwe ir efoch irä olif mi märöch a uani ua mi mürina. Nge ren ngüngün eu mölümöl mi watte ngang üpwe kenala chön o kupi palan kewe.

Jeremaia 11:22

Iei mine ewe Samol mi Unusen Manaman a apasa, “Üpwe apwüngüür. Nöür kewe alüal repwe mäla lon maun, nge nöür kewe ät me nengin repwe mäla ren echik,

Jeremaia 17:10

Ngang ewe Samol mi Lapalap üa atittina ekiekin aramas o sotuni leluker, pwe üpwe ngeni iteiten eman me eman aükükün lapalapen manauan me uän an föför.”

Jeremaia 17:27

Nge are ousap mochen aüselingaei, are ousap pinini pinin ewe ränin sapat, nge oua mwärei och o tolong lon asamalapen Jerusalem lon ewe ränin sapat, mürin üpwe aküw eu ekkei pwe epwe kenala asamalapen ei telinimw, pwal ekewe imwen king, nge esap wor eman a tongeni kunuela.”

Jeremaia 22:1

Iei alon ewe Samol mi Lapalap ngeniei, “Kopwe feitiu lon imwen ewe kingen Juta o apasa ikenan ekei kapas,

Jeremaia 22:7

Üpwe tinala chon kata, repwe ataok iteiten eman me eman fän an pisekin kata. Repwe pöküela om kewe irä setar mi fokun mürina o atururolong lon ekkei.

Jeremaia 32:19

Om öüröür a tekia, om föför ra manaman. Ka küna meinisin mine aramas ra föri, ka liwini ngeni eman me eman ükükün an föför.

Jeremaia 46:23

Repwe pöküela an we wöllap, inamwo ika a fokun malül. Ra fokun chomong seni lifichimas, rese tongeni lea.

Jeremaia 50:32

En mi lamalamtekia kopwe chepetek o turula, nge esap wor eman epwe aütäsefälik. Ngang üpwe aküw eu ekkei lon om we telinimw, epwe kenala meinisin mi nom pwelin ünükün.”

Jeremaia 52:13

Iwe, a kenala imwen ewe Samol mi Lapalap me imwen ewe king, pwal ekewe imw meinisin lon Jerusalem. Iteiten imw mi aüchea a kenala.

Jeremaia 6:19

Oupwe aüseling, ämi chon fanüfan. Nengeni, üpwe awarato feiengau won ekewe aramas pwe uän ar föför, pokiten resap mochen aüselinga ai kewe kapas, ra pwal aleasolap ngeni ai kewe allük.

Jeremaia 6:29

Ewe um a fokun kü pwe epwe etelala ewe pilom. A lomotongau än ewe chon ketel angang, pun ekewe aramasangau resap imwüla.

Jeremaia 9:25

Iei alon ewe Samol mi Lapalap, “Epwe war ewe fansoun, lupwen üpwe apwüngü chokewe ra chök sirkomsais ren inisir:

Kölün kechü 2:3

A atatakisi pöchökülen Israel meinisin lon an song mi fokun watte. Esap mochen alisikich, lupwen chon oputach kewe ra feito. An lingeringeritikich a usun chök eu ekkei lon Israel mi kenala mettoch meinisin mi nom ünükün.

Isikiel 21:3

Kopwe üreni ewe fanü Israel, ‘Iei alon ewe Samol mi Lapalap: Nengeni, üpwe pälüenuk, üpwe üttawu nei ketilas seni lon tükütükün o niela me lomw ekewe chon pwüng me chon pwüngingau meinisin.

Mika 7:13

Nge fanüfan epwe wiliti eu fanüapö pokiten föföringauen chokewe mi nonom won.

Sekaraia 11:1

Kopwe suki asamalapom kewe, en Lepanon, pwe ewe ekkei epwe kenala om kewe setar.