Jeremaia 21:13 - Chuukese Bible

¹³ Ngang üpwe ü ngenikemi, ämi chon Jerusalem mi imweimw lon ewe lemol won ewe achau mi sonosonöch, ämi chokewe mi apasa, ‘Iö epwe tongeni feito o mauneekich, ika iö epwe tongeni tolong lon leniach?’

Jeremaia 21:13 Iomraidhean Croise

Kölfel 125:2

Usun ekewe chuk ra nom pwelin ünükün Jerusalem, iei usun ewe Samol mi Lapalap a nom pwelin ünükün nöün aramas seni ei fansoun tori feilfeilachök.

Ekistos 13:20

Iwe, ekewe chon Israel ra feil seni Sukot o tori Etam mi nom ünükün ewe fanüapö. Ikenan ra asösö.

Ekistos 13:8

Lon ewe rän oupwe awewei ngeni en me nöün mwän, ‘Iei achechemenien usun mine ewe Samol mi Lapalap a föri ngeniei, lupwen üa towu seni Isip.’

Aisea 22:1

Iei än Kot kapas usun ewe lemolun pwärätä: Met popun ämi meinisin oua tötä won imwemi?

Jeremaia 17:3

pwal won ekewe chuk lon ewe fanü. Iwe, üpwe föri pwe chon oputakemi repwe liapeni wöümi kana me ämi pisek mi aüchea meinisin, pun liwinin ämi tipis oua föriir lemenen unusen fanüemi.

Jeremaia 21:5

Püsin ngang üpwe maun ngenikemi lon ai song, lon ai chou me lon ai lingeringer mi fokun watte ren pei mi manaman o aköüpöü.

Jeremaia 49:16

Än aramas niuokusituk me lamalamtekian lelukom ra atupuk, en ewe mi nom lon ekewe pwangen achau o nonom won ungen ewe chuk. Inamwo ika ka föri leniom wilitekia usun lenien ekewe ikel, epwe chök aturuketiu seni ikenan. Ewe Samol mi Lapalap a kapas.

Jeremaia 50:31

Iei alon Kot ewe Samol mi Unusen Manaman, “Üa ü ngonuk, Papilon, en mi lamalamtekia. A war ränum, ewe fansoun om kopwe küna apwüng lon.

Jeremaia 51:25

Iei alon ewe Samol mi Lapalap, “Papilon, en ka wewe ngeni eu chuk mi ataala unusen fanüfan. Nge ngang üpwe ü ngonuk. Üpwe turufuk pwe üpwe asokopeluketiu lepökün ewe achau o föri pwe kopwe wiliti eu chuk mi karala.

Jeremaia 7:4

Ousap lükü ekei kapasen atuputup ra apasa, ‘Aisap feiengau. Iei än ewe Samol mi Lapalap imwenfel, än ewe Samol mi Lapalap imwenfel, än ewe Samol mi Lapalap imwenfel.’

Kölün kechü 4:12

Kingen ekewe mwü me ekewe chon fanüfan resap lükü, pwe ekewe chon pälüeni ika chon oputa Juta repwe tongeni tolong lon ekewe asamalapen Jerusalem.

Isikiel 13:8

Iei mine ngang Kot ewe Samol mi Lapalap üa apasa: Pokiten a atuputup mine oua osuni, a pwal mwakel mine oua küna, üpwe ü ngenikemi.

Isikiel 21:3

Kopwe üreni ewe fanü Israel, ‘Iei alon ewe Samol mi Lapalap: Nengeni, üpwe pälüenuk, üpwe üttawu nei ketilas seni lon tükütükün o niela me lomw ekewe chon pwüng me chon pwüngingau meinisin.

Isikiel 34:10

Ngang Kot ewe Samol mi Lapalap üa apasa: Üa ü ngenikemi, ämi chon mas. Üpwe angei senikemi nei kewe sip o awesikemi seni wisen chon mas, pwe ousap chüen tongeni püsin tümwünükemi. Iwe, üpwe amanaua nei kewe sip senikemi, pwe ousap chüen tongeni ocheer.

Isikiel 5:8

Iei mine ngang Kot ewe Samol mi Lapalap üa apasa: Ngang won inisi üpwe fokun ü ngenikemi, üpwe awarato ai apwüng womi me mwen ekewe mwü.

Mika 3:11

Ekewe souemwenin Jerusalem ra angei lifangen amichimich, lupwen ra eäni kapwüng, ekewe souasor ra awewei än Kot kewe allük fän iten ar repwe angei liwin, nge ekewe soufos ra föri pwee fän iten ar repwe angei moni. Nge ra pwal anomu ar apilükülük won ewe Samol mi Lapalap o üra, “Ewe Samol mi Lapalap a nom lefilach. Esor feiengau epwe torikich.”

Nahum 2:13

Iei alon ewe Samol mi Unusen Manaman, “Ngang üa ü ngonuk, Ninifa. Ngang üpwe kenala waom kewe wokenin maun. Noum kewe sounfiu repwe mäla lon maun. Üpwe angei senuk liapom kewe ka angei seni chon fanüfan, nge esap chüen wor eman epwe rong mwelien noum kewe chon künö.”