Jeremaia 21:10 - Chuukese Bible

¹⁰ Üa fen apwüngala pwe üpwe ataala ei telinimw, nge üsap achika. Epwe oolong lepöün ewe kingen Papilon, iwe, epwe kenala. Ngang ewe Samol mi Lapalap üa kapas.”

Jeremaia 21:10 Iomraidhean Croise

2. Kronika 36:19

Iwe, ra kenala ewe imwenfel o ataetiu tittin Jerusalem, ra pwal kenala ekewe imw watte o ataela ekewe pisek aüchea meinisin.

Kölfel 34:16

Nge a ü ngeni chokewe mi föri mine a ngau, a föri pwe mürin ar mäla aramas repwe müttir manlükirela.

Jeremaia 17:27

Nge are ousap mochen aüselingaei, are ousap pinini pinin ewe ränin sapat, nge oua mwärei och o tolong lon asamalapen Jerusalem lon ewe ränin sapat, mürin üpwe aküw eu ekkei pwe epwe kenala asamalapen ei telinimw, pwal ekewe imwen king, nge esap wor eman a tongeni kunuela.”

Jeremaia 26:6

mürin üpwe föri pwe ei imwenfel epwe wewe ngeni ewe lon Silo, nge chon ekewe mwü meinisin won fanüfan repwe eäni ottek iten ei telinimw.’”

Jeremaia 33:5

Lon ewe maun ngeni ekewe chon Papilon, ekewe imw repwe ur ren somän chokewe ngang üpwe nirela lon ai song me lingeringer. Pun üa kul seni ei telinimw pokiten än ekewe aramas föföringau meinisin.

Jeremaia 34:2

Ewe Samol mi Lapalap, ewe Koten Israel a üreni Jeremaia, “Kopwe feila o asile ngeni Setekia ewe kingen Juta, pwe iei aloi, ‘Üpwe atolonga ei telinimw lepöün ewe kingen Papilon, nge i epwe kenala.

Jeremaia 34:22

Üpwe allük ngeniir pwe repwe liwiniti ei telinimw, repwe maun ngeni, repwe liapeni o kenala. Üpwe föri pwe ekewe telinimwen Juta repwe pönüla, nge resap chüen so. Ngang ewe Samol mi Lapalap üa kapas.”

Jeremaia 38:17

Mürin, Jeremaia a üreni Setekia, “Iei alon Kot ewe Samol mi Unusen Manaman, ewe Koten Israel: Are kopwe fangatä ngeni nöün ewe kingen Papilon kewe meilap, mürin kosap mäla, nge ei telinimw esap karala. Iwe, ämi me chon leimwom oupwe manau.

Jeremaia 38:18

Nge are kosap fangatä ngeniir, mürin ei telinimw epwe oolong lepöün ekewe chon Papilon. Iwe, repwe kenala, nge en kosap tongeni sü seni lepöür.”

Jeremaia 38:23

Repwe emwenawu pwülüom kewe me noum kewe ren ekewe chon Papilon, nge püsin en kosap tongeni sü seniir. Ewe kingen Papilon epwe turufuk, nge ei telinimw epwe karala.”

Jeremaia 38:3

Ewe Samol mi Lapalap a pwal apasa: Ei telinimw epwe fokun oolong lepöün ekewe sounfiu nöün ewe kingen Papilon, pun repwe liapeni.”

Jeremaia 39:16

pwe epwe üreni Epet-melek ewe re Itiopia, “Iei alon ewe Samol mi Unusen Manaman, ewe Koten Israel: Iei üpwele apwönüetä ai kei kapas üa üra fän äsengesin ei telinimw, pwe üpwe afeiengaua, nge üsap afeiöchü. Nge lupwen epwe pwönüetä, en kopwe küna ren mesom.

Jeremaia 39:8

Iwe, ekewe chon Papilon ra kenala ewe imwen king me imwen ekewe aramas, ra pwal ataetiu tittin Jerusalem.

Jeremaia 44:11

Iei mine ewe Samol mi Unusen Manaman, ewe Koten Israel a apasa, “Üpwe ü ngenikemi pwe üpwe afeiengauakemi o ärala chon Juta meinisin.

Jeremaia 44:27

Üa mamasa pwe üpwe atoto womi feiengau, nge sap feiöch. Ämi aramasen Juta meinisin mi nom lon ei fanü Isip oupwe rosola lon maun pwal ren lengita tori esap chüen wor eman lusun.

Jeremaia 52:13

Iwe, a kenala imwen ewe Samol mi Lapalap me imwen ewe king, pwal ekewe imw meinisin lon Jerusalem. Iteiten imw mi aüchea a kenala.

Isikiel 15:7

Iwe, üpwe ü ngeniir. Inamwo ika ra sü seni lon ekkei, ekkei epwe chök kenirela. Nge lupwen üpwe ü ngeniir, oupwe silei pwe ngang ewe Samol mi Lapalap.

Isikiel 24:11

Iei kopwe isetä ewe kama mi pön won ekkei pwe epwe sarara. Mürin, limengauen lon me parangan repwe morola.

Lifitikos 17:10

“Iwe, are eman aramas me lein chon Israel ika eman chon ekis mi nom rer a ün cha, ngang üpwe ü ngeni ewe aramas o ärawu me lein aramasan.

Lifitikos 26:17

Üpwe ü ngenikemi, nge oupwe kuf ren chon oputakemi. Chokewe mi oputakemi repwe nemenikemi. Iwe, ämi oupwe sü, ngei esap wor eman a tapwerikemi.

Amos 2:5

Iei mine üpwe tinala ekkei pwe epwe kenala Juta me ekewe imwen maun mi pöchökül me lon Jerusalem.”

Amos 9:4

Inamwo are ra oola ren chon oputeer, üpwe allük pwe repwe ninniila. Üa fen apwüngala pwe üpwe aroserela, nge üsap achikeer.”

Sekaraia 1:6

Ifa usun, ai kewe kapas me ai kewe allük üa allük ngeni nei kewe chon angang ekewe soufos resap küw ämi kewe lewo? Iei mine ra ekieksefäl o üra: Usun mine ewe Samol mi Unusen Manaman a ekiekietä pwe epwe föri ngenikem fän iten äm kewe lapalap me föför, iei usun a föri ngenikem.”