Jeremaia 20:8 - Chuukese Bible

⁸ Pun fansoun meinisin lupwen üa kapas, üa wisen leüömong le kapas o üra, “Angangen mwänewüs me kata!” Ai Samol mi Lapalap, aramas ra ämängauaei o turunufaseei iteiten rän, pun üa asilefeili om kapas.

Jeremaia 20:8 Iomraidhean Croise

2. King 2:23

Mürin, Elisa a feila seni Jeriko tori Petel. Nge lupwen a fetal won al, ekoch kükün ät ra towu seni ewe telinimw, ra ngäri o kökkö, “Kopwe süla, en möküröpan, kopwe süla, en möküröpan.”

2. Kronika 36:16

Nge ir ra chök sopwela le turunufasei nöün Kot kewe chon künö, ra oput an kapas o ämängaua nöün kewe soufos, tori ewe Samol mi Lapalap a aworato an lingeringer won nöün aramas, nge esap chüen wor eman a tongeni sü seni.

Aisea 57:4

Iö oua takiri? Iö oua ämängaua o achönaw ngeni? Ifa usun, sap ämi nöün chon tipis pwal mwirimwirin chon chofana?

Jeremaia 15:10

Inei, üa feiengau, pun ka nöünieitiu. Ngang eman aramas unusen chon ei fanü ra anini o afitikoko ngeni. Esap wor eman a tüngor och seniei, üsap pwal liwinimang ngeni eman, nge ir meinisin ra ottekiei.

Jeremaia 15:15

Mürin Jeremaia a apasa, “Ai Samol mi Lapalap, en ka silei mettoch meinisin. Kopwe chechemeniei o alisiei. Fän itei kopwe ngeni chon ariaföüüei chappen ar föför. Lon om mosonotam kosap angei manauei. Kopwe chechemeni pwe üa itengau fän itom.

Jeremaia 17:27

Nge are ousap mochen aüselingaei, are ousap pinini pinin ewe ränin sapat, nge oua mwärei och o tolong lon asamalapen Jerusalem lon ewe ränin sapat, mürin üpwe aküw eu ekkei pwe epwe kenala asamalapen ei telinimw, pwal ekewe imwen king, nge esap wor eman a tongeni kunuela.”

Jeremaia 20:7

Ai Samol mi Lapalap, ka echimwaei, nge ngang üa chimw reöm, en ka pöchökül seniei, en ka akufuei. Üa uretakir iteiten rän, aramas meinisin ra turunufaseei.

Jeremaia 28:8

Ekewe soufos mi akom mwom me mwei ra osuni seni me lomlom usun maun, lengita me mätter fän äsengesin chomong fanü me mwü mi lap.

Jeremaia 5:1

Oupwe akaliwin won ekewe alen Jerusalem, oupwe nenefetal o katol. Oupwe ouwasacha ekewe lenien amwicheich, are oupwe tongeni küna eman chök aramas mi föri mine a pwüng o kütta mine a wenechar, pwe ewe Samol mi Lapalap epwe amusala än chon ei telinimw tipis.

Jeremaia 5:6

Iei mine eman laion seni ewe wöllap epwe niirela, eman wolif seni ewe fanüapö epwe afeiengaueer. Eman manmwacho itan lepart a operi ar kewe telinimw, epwe atatakisi ekewe aramas mi towu me lor, pokiten chomongun ar tipis me watten ar tokola seni Kot.

Jeremaia 6:10

Nge üa apasa, “Iö üpwe fos ngeni o eäni kapasen fön ngeni? Iö epwe rongorong? Nengeni, ra pineela selinger pwe resap mochen rongorong om kapas. Ra takiri mine ka akünö ngeniei pwe üpwe üreniir.

Jeremaia 7:9

Oua solä, niela aramas, föri föförün lisowu, akapelmwäl, keni apach mi pwokus ngeni ewe anü Paal o fel ngeni pwal ekoch kot ousap sileer me mwan.

Apakuk 1:3

Pwota ka föri pwe üa küna ei sokun weires? Pwota ka tongeni nenengeni ei sokun föför mi ngau? Feiengau me angangen mwänewüs ra nonom mwei, fiu me änini ra fis ekis meinisin.

Lukas 11:45

Iwe, eman lein ekewe Sensen Allük a üreni Jesus, “Sense, lupwen ka kapas usun ekei mettoch, ka pwal aitengauakem.”

Ipru 11:26

A ekieki pwe an küna itengau fän iten ewe Mesaia a aüchea seni wöün Isip, pun a nenengeni ewe liwin epwe angei me mürin.

Ipru 13:13

Iei mine ousipwe feila ren lükün ewe leni ia ekewe aramas ra nom ie, pwe sipwe eti i lon an itengau.

1. Petrus 4:14

Oua feiöch are oua küna turunufas pokiten ämi tapwela mürin Kraist, pun ewe Ngünün ling, Ngünün Kot epwe nonom lomi.