Jeremaia 20:6 - Chuukese Bible

⁶ Nge en Pasur me chon leimwom meinisin, oupwe oola. Oupwe feila Papilon o mäla ikenan, oupwe pwal peias ikenan, ämi me chiechiom kewe meinisin, chokewe ka kapas chofana le osuni ngeniir.”

Jeremaia 20:6 Iomraidhean Croise

Aisea 9:15

Iwe, ekewe souakom me ekewe aramas tekia ra wewe ngeni möküren Israel, nge ekewe soufos chofana ra wewe ngeni wükün.

Jeremaia 14:13

Mürin üa üra, “Ai Kot Samol mi Lapalap, ka silei pwe ekewe soufos ra üreni ekewe aramas pwe esap wor maun, esap pwal wor lengita, pun en kopwe ngeniir kinamwe esap müchüla me lon ei fanü.”

Jeremaia 14:16

Nge ekewe aramas ir ra osuni ngeniir repwe ninnila usun chök ekewe soufos. Somär repwe koturulong lon ekewe alen Jerusalem, nge esap wor eman epwe peiaseniir. Ei epwe fis ngeniir meinisin fiti pwülüer me nöür mwän me fefin. Pun üpwe awarato wor liwinin püsin ar föföringau.

Jeremaia 20:1

Iwe, ewe souasor Pasur nöün Imer we mwän, i ewe meilapen imwen ewe Samol mi Lapalap, a rongorong än Jeremaia osuni usun ekei mettoch.

Jeremaia 20:4

Pun iei alon ewe Samol mi Lapalap: Üpwe föri pwe kopwe eu niuokus watte ngeni püsin en, pwal ngeni chiechiom meinisin. Ir repwe mäla ren nöün chon oputer ketilas, nge en kopwe nenengeniir. Üpwe asechalong chon Juta meinisin fän nemenien ewe kingen Papilon. I epwe emwenala ekoch Papilon, nge ekoch epwe nirela.

Jeremaia 23:32

Oupwe aüselinga mine ngang ewe Samol mi Lapalap üa apasa: Nengeni, üa ü ngeni chokewe mi osuni ar tan mi chofana, chokewe mi apworausa ekewe tan o atoka nei kewe aramas ren ar kapas chofana me ar tunosikesik. Ngang üsap tinirela ika akünöör, iei mine resap fokun alisi ekei aramas. Ngang ewe Samol mi Lapalap üa kapas.”

Jeremaia 29:32

iei mine üpwe apwüngü Semaia seni Neelam me mwirimwirin kana. Esap wor eman me lein aramasan epwe manau o küna ewe feiöch üpwe ngeni nei aramas, pun a üreni ekewe aramas pwe repwe ü ngeniei. Ngang ewe Samol mi Lapalap üa kapas.’”

Jeremaia 5:31

Än ekewe soufos osuni a chofana, nge ekewe souasor ra nemenem fän püsin ar mochen. Nei aramas ra sani an epwe iei usun. Nge met repwe föri lon ewe fansoun sopolan?”

Kölün kechü 2:14

Künan noum kewe soufos fän itom ra mwäl o chofana. Resap pwäri ngonuk om kewe tipis, pwe repwe epeti senuk om kopwe oola. Nge osunier fän itom ra mwäl o atuputup.

Isikiel 22:28

Iwe, ekewe soufos ra aitöchü föförür, usun sa apwecha och mettoch mi limengau. A wor künaer mi mwakel, ra pwal osuni mine a chofana fän iter. Iwe, ra apasa, ‘Iei alon Kot ewe Samol mi Lapalap,’ nge ngang ewe Samol mi Lapalap üsap fos ngeniir.

Lifitikos 26:17

Üpwe ü ngenikemi, nge oupwe kuf ren chon oputakemi. Chokewe mi oputakemi repwe nemenikemi. Iwe, ämi oupwe sü, ngei esap wor eman a tapwerikemi.

Mika 2:11

Are eman chon chofana me eman chon atuputup epwe feito o üreni ekewe aramas, pwe epwe wor chomong ünümer wain me sakau mi pwichikar, ätewe epwe fokun nöür soufos.

Sekaraia 13:3

Nge ika eman a chüen osuni, püsin saman me inan repwe üreni, ‘Kopwe fokun ninnila, pun ka apasa pwe om kapasen osuni a pop seni ewe Samol mi Lapalap, nge ka chofana.’ Püsin saman me inan repwe posu, lupwen a osuni.

Tuteronomi 28:25

Iwe, ewe Samol mi Lapalap epwe föri pwe oupwe kuf ren chon oputemi. Oupwe feila won efoch al pwe oupwe maun ngeniir, nge oupwe sü me mwer won fufoch al. Chon ekewe mwü meinisin won fanüfan repwe fokun niuokus, lupwen repwe küna mine a fis ngenikemi.