Jeremaia 20:5 - Chuukese Bible

⁵ Üpwe pwal ngeni chon oputer wöün ei telinimw meinisin, än chon ei telinimw win me pisekir meinisin ra aücheani, pwal än ekewe kingen Juta pisek mi aüchea meinisin. Ir repwe angei ekewe pisek meinisin fän pöchökül pwe liaper o uweerela Papilon.

Jeremaia 20:5 Iomraidhean Croise

2. Kronika 36:10

Iwe, wesin ewe ier, ewe king Nepukatnesar a tinala chon künö pwe repwe uwala Jehoiachin Papilon fiti ekewe pisek aüchea seni lon imwen ewe Samol mi Lapalap. Mürin a seikätä Setekia pwin saman we, pwe epwe kingen Juta me Jerusalem.

Aisea 39:6

Lon kan fansoun repwe feito epwe fis pwe aramas repwe uwala lon ewe fanü Papilon meinisin mine a nom lon imwom, pwal mine om kewe lewo ra ionifengeni tori ikenai. Resap fokun likiti och.

Jeremaia 12:12

Ekewe chon kata ra feito won ungen ekewe chuk meinisin me lon ewe fanüapö. Üa awarato maun pwe unusen ewe fanü a tala ren. Esap wor eman aramas epwe kinamwe.

Jeremaia 15:13

Ewe Samol mi Lapalap a pwal üra, “Üpwe tinato chon oputen nei aramas, repwe uwala wöür me pisekir pwe liaper. Ei epwe fis pokiten ar kewe tipis meinisin ra föri lemenen unusen ewe fanü.

Jeremaia 17:3

pwal won ekewe chuk lon ewe fanü. Iwe, üpwe föri pwe chon oputakemi repwe liapeni wöümi kana me ämi pisek mi aüchea meinisin, pun liwinin ämi tipis oua föriir lemenen unusen fanüemi.

Jeremaia 3:24

Nge ren äm fel ngeni ewe anü Paal mi ässäw, aia lus won meinisin mine äm kewe lewo ra angang ngeni seni me lom. Aia lus won nöüm pwiin sip me kow, pwal nöüm alüal me föpwül.

Jeremaia 32:24

Ekewe chon Papilon ra senätä ewe ororen maun pwelin ünükün ewe telinimw. Iwe, ra maun ngeni pwe repwe liapeni. Pokiten ewe maun, ewe lengita me ewe mätter, ewe telinimw epwe oolong lepöür. Ka püsin küna pwe a fisitä mine ka kapas usun.

Jeremaia 39:2

Nge lon engol me aeuin ierin mwün Setekia, lon atiuen ränin ewe arüanün maram a pwang tittin ewe telinimw.

Jeremaia 39:8

Iwe, ekewe chon Papilon ra kenala ewe imwen king me imwen ekewe aramas, ra pwal ataetiu tittin Jerusalem.

Jeremaia 4:20

Feiengau a chök afaün, unusen ewe fanü a tala. Imwei kewe imw mangaku ra müttir tatiu, pwölüpwöli ra kamwetiu lon eu chök otun.

Kölün kechü 1:10

Ekewe chon oputan ra angeala än Jerusalem pisek mi aüchea meinisin. Ewer, a küna pwe chon ekewe mwü ra ipwelong lon ewe Imwenfel, ir chokewe ewe Samol mi Lapalap esap mwüt ngeniir pwe repwe nonom lon an mwich.

Kölün kechü 1:7

Lupwen Jerusalem a riaföü, a chechemeni an kewe pisek mi aüchea a eäni me lomlom. Lupwen nöün kewe aramas ra sechilong lepöün chon oputan, esap wor eman mi alisi. Ekewe chon oputan ra esita o takirin ämängaua pokiten an turula.

Kölün kechü 4:12

Kingen ekewe mwü me ekewe chon fanüfan resap lükü, pwe ekewe chon pälüeni ika chon oputa Juta repwe tongeni tolong lon ekewe asamalapen Jerusalem.

Isikiel 22:25

Ekewe samol mi nom lon ra föri ar rawangau. Usun eman laion mi wörüwör a ochei liapan, ina usun ra ochei aramas. Ra angei wöür me pisekir mi aüchea fän pöchökül, ra pwal achomonga ekewe fefin mi mä pwülüer me lon.

Taniel 1:2

Iwe, ewe Samol a asechalong Joiakim ewe kingen Juta lepöün Nepukatnesar. Nepukatnesar a pwal angei ekoch pisek seni Imwenfelin Kot o uweerela lon ewe fanü Papilon lon imwen an we kot, pwe epwe iseis lon an lenien pisek mi aüchea.

Osea 13:15

Inamwo ika Israel epwe mämäritä usun ekewe wowo, üpwe tinato eu asepwälin ötiu, epwe enito seni ewe fanüapö. Epwe amorätä an kewe puächen koluk me an kewe chönüttu. Aramas repwe angei fän pöchökül an kewe pisek aüchea meinisin seni an we lenien iseis.