Jeremaia 20:4 - Chuukese Bible

⁴ Pun iei alon ewe Samol mi Lapalap: Üpwe föri pwe kopwe eu niuokus watte ngeni püsin en, pwal ngeni chiechiom meinisin. Ir repwe mäla ren nöün chon oputer ketilas, nge en kopwe nenengeniir. Üpwe asechalong chon Juta meinisin fän nemenien ewe kingen Papilon. I epwe emwenala ekoch Papilon, nge ekoch epwe nirela.

Jeremaia 20:4 Iomraidhean Croise

2. King 25:7

Iwe, ra niela nöün Setekia kewe mwän me fän mesan. Mürin ra alusawu föün mesan, ra föti ngeni sein seni piras o uwala Papilon.

Kölfel 73:19

Ra rosola lon eu chök otun, ra moropöküla ren niuokus.

Jeremaia 13:10

Ekei aramas mi ngau, resap mochen aleasochisiei. Ra chök ülöförea le chei mochenin letiper. Ra fel ngeni pwal ekoch kot o angang ngeniir. Iei mine repwe wewe ngeni ei achök mi lomotongau.

Jeremaia 13:19

Ekewe telinimwen Juta mi nom ör ra tala, nge esap wor eman a nom pwe epwe aüsefäliretä. Chon Juta meinisin ra oola, fokun meinisin ra oola.”

Jeremaia 19:15

“Iei alon ewe Samol mi Unusen Manaman ewe Koten Israel: Üpwe awarato won ei telinimw, pwal won ekewe telinimw ünükün ekewe feiengau meinisin üa fen apwüngala fän iter, pun chon ekei telinimw ra ülöförea, resap mochen aüselinga ai kewe kapas.”

Jeremaia 20:6

Nge en Pasur me chon leimwom meinisin, oupwe oola. Oupwe feila Papilon o mäla ikenan, oupwe pwal peias ikenan, ämi me chiechiom kewe meinisin, chokewe ka kapas chofana le osuni ngeniir.”

Jeremaia 25:9

üpwe titila ren chon ekewe mwü meinisin mi nom efeng, pwal ren nei chon angang Nepukatnesar ewe kingen Papilon. Üpwe emwenireto pwe repwe maun ngeni ei fanü Juta me aramasan, pwal ngeni chon ekewe mwü meinisin mi nom pwelin ünükün. Üpwe fokun aroserela o föri pwe repwe och minen eniweniw, och minen turunufas me itengau tori feilfeilachök. Ngang ewe Samol mi Lapalap üa kapas.

Jeremaia 29:21

Ewe Samol mi Unusen Manaman, ewe Koten Israel a apasa fänäsengesin Ahap nöün Kolaia we mwän me Setekia nöün Maseia we mi chofana osunier ngenikemi fän itan. A apasa pwe epwe atolongeer fän nemenien Nepukatnesar ewe kingen Papilon, nge i epwe nirela me fän mesemi.

Jeremaia 46:5

Nge met üa küna? Ra rükö o kulsefäl. Ekewe sounfiu ra kuf o müttir le sü. Resap nenesökür, niuokus watte a nom ünükür meinisin.” Iei alon ewe Samol mi Lapalap.

Jeremaia 52:24

Iwe, Nepusaratan ewe meilapen chon tümwünü ewe king a angei Seraia ewe souasor mi lap me Sefania ewe aruomanün souasor, pwal ekewe ülüman chon mamasa ewe asamalap.

Jeremaia 52:27

Iwe, ewe kingen Papilon a awateer o nirela me lon Ripla lon ewe fanü Hamat. Iei usun chon Juta ra oola seni fanüer.

Jeremaia 6:25

Sisap tongeni feiliwu lon ekewe mälämäl ika fetal won ekewe al, pun ewe mi oputakich a wor nöün ketilas, nge eniweniw a pweli ünüküch.”

1. Samuel 2:33

Nge iö me leimi ngang üsap aräla seni an angang ngeni ai we rongen asor epwe chök kekechü o letipeta. Nge mwirimwirum kana repwe mäla, lupwen ra mwän.