Jeremaia 20:2 - Chuukese Bible

² Mürin, Pasur a akünöü eman pwe epwe wichi ewe soufos Jeremaia, epwe anükü pechen lefilen irä o anomu ünükün ewe Asamalapen Peniamin me asan me lon imwen ewe Samol mi Lapalap.

Jeremaia 20:2 Iomraidhean Croise

1. King 13:4

Nge lupwen ewe king a rongorong än ewe soufos kapas ngeni ewe rongen asor lon Petel, a aitiewu pöün me ünükün ewe rongen asor o üra, “Oupwe turufi ätenan.” Lon ewe chök otun pöün Jeropoam we mi itini ngeni ewe soufos a mä, pwe esap chüen tongeni pworesefälielong.

1. King 22:27

Kopwe üreniir pwe repwe aturalong ei mwän lon imwen fötek o akükünü anan mongö me ünüman koluk tori üpwe liwinto fän kinamwe.”

2. Kronika 16:10

Mürin, Asa a song ngeni ewe soufos pokiten an kei kapas. A fokun lingeringer pwe a aturalong lon imwen fötek. Lon ewe chök fansoun Asa a pwal fokun ariaföüü ekoch me lein ekewe aramas.

2. Kronika 18:23

Mürin, ewe soufos Setekia a kan ngeni Mikaia, a pösapei o üreni, “Inet Ngünün ewe Samol mi Lapalap a towu seniei, pwe epwe kapas ngonuk?”

2. Kronika 24:21

Nge ekewe aramas ra rawangauei Sekaraia. Fän än ewe king allük ra monei ngeni fau lon ewe leni lükün imwen ewe Samol mi Lapalap.

Hiop 13:27

Ka anüküchara pechei lefilen irä o mamasafichi ai kewe föför meinisin, ka fen föri aükükün rasen ipwei.

Hiop 33:11

A anüküchara pechei lefilen irä o mamasafichi mwökütüküti meinisin.’

Jeremaia 1:19

Ir repwe maun ngonuk, nge resap tongeni akufuk, pun ngang üa etuk pwe üpwe tümwünuk. Ngang ewe Samol mi Lapalap üa kapas.”

Jeremaia 26:10

Nge lupwen ekewe nöüwisen Juta ra rongorong ekei pworaus, ra feila seni imwen ewe king o feila ren imwen ewe Samol mi Lapalap. Iwe, ra mot won ar lenien mot lon ewe Asamalap mi Fö me lon imwen ewe Samol mi Lapalap.

Jeremaia 26:8

Nge lupwen Jeremaia a wes le apasatä meinisin mine ewe Samol mi Lapalap a allük ngeni pwe epwe üreni ekewe aramas, mürin ekewe souasor me ekewe soufos pwal ekewe aramas meinisin ra turufi o apasa, “Kopwe fokun mäla.

Jeremaia 29:26

‘Ewe Samol mi Lapalap a filuk pwe kopwe souasor siwilin ewe souasor Joiata o tümwünü imwen ewe Samol mi Lapalap. Iei wisom pwe kopwe annükü lefilen irä pöün me pechen ekewe chon umwes mi osuni usun eman soufos, kopwe pwal atolonga üer lon efoch ring seni mächä.

Jeremaia 36:26

Nge a fen allük ngeni Jeramel nöün we mwän, pwal ngeni Seraia nöün Asriel me Selemia nöün Aptel, pwe repwe feila o turufi ewe soumak Paruk me ewe soufos Jeremaia. Nge ewe Samol mi Lapalap a aopeer.

Jeremaia 37:13

Lupwen a tori ewe Asamalapen Peniamin, ewe meilapen mwichen chon mas itan Iria nöün Selemia we mwän, nge Selemia nöün Hanania, a turufi Jeremaia o üra, “En ka mochen sü ngeni ekewe chon Papilon.”

Jeremaia 37:21

Mürin, ewe king Setekia a awora eu allük pwe Jeremaia epwe lokkolong lon ewe lenien chon mas. Ra pwal ngeni efoch pilawa seni ewe lenien um pilawa iteiten rän tori pilawa meinisin me lon ewe telinimw a itela. Iei usun Jeremaia a nonom lon ewe lenien chon mas.

Sekaraia 14:10

Iwe, unusen ewe fanü epwe siwil ngeni eu maasies seni Kepa mi nom efeng tori Rimon mi nom ör. Nge Jerusalem epwe tekia o nonom chök lon lenian seni ewe Asamalapen Peniamin tori lenien ewe aeuin asamalap, pwal tori ewe Asamalapen Pwokuku, pwal seni ewe imw tekia än Hananel tori än ewe king kewe lenien üchüch föün wain.

Mateus 21:35

Iwe, ekewe chon mälämäl ra turufi nöün kewe chon angang. Ra wichi eman, ra niela pwal eman o monei fau ngeni pwal eman.

Föför 4:3

Iei mine ra turufiir o atururelong lon imwen fötek tori sorotän ewe rän, pun a fen lekuniolula.

Föför 5:18

Iwe, ra turufiir o atururelong lon imwen fötek.

Föför 5:40

Iwe, ra köralong ekewe soukünö. Mürin ra allük ngeni ekewe chon mas pwe repwe wichiir, ra pwal pöchökül le fönöü ngeniir, pwe resap fokun chüen afalafal usun iten Jesus. Mürin ra amuseerela.

Föför 7:52

Ifa usun, mi wor eman soufos ämi kewe lewo resap ariaföüü? Ra niela nöün Kot kewe chon künö, chokewe ra arongato me lom usun waren nöün Kot we Chon Angang mi pwüng. Iwe, iei ämi oua afangamä i o niela.

Pwärätä 17:6

Üa küna ewe fefin pwe a puchula ren chaan ekewe chon pin me chaan chokewe mi ninnila pokiten ar allükülük ngeni Jesus. Lupwen üa küna neminewe, üa fokun mairü.

Pwärätä 2:10

Kosap niuokusiti och riaföü epwe toruk. Nengeni, ewe Tefil epwe sotunikemi ren an epwe aturalong lon imwen fötek ekoch me leimi, nge oupwe küna riaföü lon ükükün engol rän. Kopwe likitü le lükü, inamwo ika kopwe tolong lon mäla, iwe, üpwe ngonuk ewe mwärin manau.