Jeremaia 20:16 - Chuukese Bible

¹⁶ Amwo ewe aramas epwe wewe ngeni ekewe telinimw ewe Samol mi Lapalap a ataarala, nge esap eäni tong. Amwo epwe rongorong puchörün metek lesosor me kökkön maun leoloas,

Jeremaia 20:16 Iomraidhean Croise

Jeremaia 18:22

Aramas repwe rongorong eu puchörün niuokus seni lon imwer kewe, lupwen kopwe müttir tinato wor eu mwichen chon angei pisek fän pöchökül. Pun ra tuw eu pwang pwe üpwe turulong lon, ra pwal soni eu likatup pwe pechei epwe fif lon.

Jeremaia 18:8

Nge are chon ewe mwü üa kapas usun ra kul seni ar föför mi ngau, ngang üpwe siwili ai ekiekin afeiengaueer.

Jeremaia 23:14

Nge üa küna ekewe soufosun Jerusalem, pwe ra fen ngau seniir. Ra föri föförün lisowu o eäni kapas chofana. Ra alisätä ekewe aramas lon ar föföringau, iei mine esap wor eman a kul seni an föför mi ngau. Ir meinisin ra ngau ngeniei usun chök ekewe aramasen Sotom me Komora.

Jeremaia 26:13

Iei mine oupwe siwili ämi kewe lapalap me ämi kewe föför o aleasochis ngeni alon ewe Samol mi Lapalap ämi we Kot, mürin ewe Samol mi Lapalap epwe siwili an ekiekin afeiengauakemi usun a fen apasa.

Jeremaia 4:19

Üa fokun riaföü, üa fokun riaföü. Üa wilikilikiei fän ai cheuch. Riaföün letipei! Lelukei a fokun mwökütüküt. Üsap tongeni fanafanala. Üa rongorong tikin ewe rappwa mi tik fän iten maun.

Kölün kechü 4:6

Än Kot apwüngü nei aramas a kon watte seni an apwüngü Sotom, ewe telinimw mi tala lon eu chök otun ren pöün Kot.

Isikiel 21:22

Nge pwüngün ewe pwee mi nom pöüifichin a fän iten Jerusalem. Ikenan epwe eäni kökkön maun fän leüömong, epwe anomu an mwesinnen kata mi weneiti ekewe asamalap, epwe pwal senätä oror o aüetä imwen maun.

Osea 10:14

iei mine maun epwe tori nöümi aramas, nge ämi kewe imwen maun mi pöchökül meinisin repwe tala. Epwe usun ewe fansoun Salman a ataela Pet-arpel, lupwen a maun ngeni o atatakisi ekewe inelap fengen me nöür.

Osea 11:8

Ifa usun ai üpwe tongeni fangatä, en Israel? Ifa usun ai üpwe tongeni likitukela? Ifa usun ai üpwe ataakela usun ai ataela Atma? Ifa usun ai üpwe tongeni föri ngonuk usun mine üa föri ngeni Sepoim? Letipei a siwil, ai tong a pwichikar o nüküchar.

Osea 13:14

Üpwe fokun amanaueer seni ewe lenien sotup. Üpwe angaseer seni ewe manamanen mäla. En mäla, ifa om kewe mätter? En lenien sotup, ifa om afeiengau? Usap chüen tongei ekei aramas.

Amos 1:14

Iei mine üpwe aküw eu ekkei pwe epwe kenala tittin ewe telinimw Rapa me an kewe imwen maun mi pöchökül. Epwe wor arükak lon ewe ränin maun, nge ewe maun epwe usun chök eu mölümöl.

Amos 2:2

Iei mine üpwe tinala ekkei pwe epwe kenala Moap me ekewe imwen maun mi pöchökül lon Keriot. Ekewe chon Moap repwe mäla, lupwen epwe fis akürangen maun, lupwen ekewe sounfiu repwe arükak o ettiki rappwa.

Amos 4:11

Üa niela ekoch me leimi usun üa niela ekewe chon Sotom me Komora. Nge chokewe mi chüen manau me leimi ra usun esop mwüch a katowu seni ekkei. Iei mwo nge ämi ousap liwinto rei.” Iei usun mine ewe Samol mi Lapalap a apasa.

Sona 3:4

Iwe, Sona a tolong lon ewe telinimw ükükün fetalin eu rän. Iwe, a kökö, “Mürin faik rän Ninifa epwe tala.”

Sona 4:2

Mürin a iotek ngeni ewe Samol mi Lapalap o apasa, “Ai Samol mi Lapalap, ifa usun, sap iei usun mine üa apasa pwe kopwe föri, lupwen üa chüen nonom won fanüei? Iei popun ai süla Tarsis, pun üa silei pwe en eman Kot mi ümöümöch o lukpwetete, ka pwal songomang o tongotam. Iwe, üa pwal silei pwe ka tipemecheres le siwili om ekiekin afeiengaua aramas kana.

Sefanaia 1:16

epwe pwal eu ränin tikin rappwa me puchörün maun, lupwen ekewe sounfiu repwe maun ngeni ekewe telinimw mi pöchökül tittir me ekewe imw tekia mi nom lon ekewe pwokuku.

Sefanaia 2:9

Mwo manauei, ekewe fanü Moap me Amon repwe tala usun Sotom me Komora, repwe wiliti eu fanüen pötöwölingau me pwangen salt, repwe eu fanüapö tori feilfeilachök. Nei aramas mi chüen manau repwe angei pisekir fän pöchökül o fanüeni fanüer.”

Lukas 17:29

Nge lon ewe rän lupwen Lot a towu seni Sotom, ekkei me primston a püngütiu seni läng o niirela meinisin.

Tuteronomi 29:22

Iwe, ekewe täppin aramas repwe up me mürin, ir mwirimwirimi kewe me ekewe chon ekis mi feito seni fanü toau repwe küna feiengauen ewe fanü me samaun chon, ewe Samol mi Lapalap epwe aworato wor.

Tuteronomi 29:23

Unusen ewe fanü epwe fokun tala o pönüla ren pirimston me salt, pwe esap wor eman a tongeni fotuki ika ämärätä och won, esap pwal pwük fetil won. Ewe fanü epwe usun chök Sotom me Komora, Atma me Sepoim, lupwen ewe Samol mi Lapalap a ataarala lon an song me lingeringer.

2. Petrus 2:6

Kot a apwüngü ekewe telinimw Sotom me Komora o atarela ren ekkei. A föri pwe ir eu lenien eniweniw ngeni chokewe resap meniniti Kot.

Jutas 1:7

Oupwe chechemeni Sotom me Komora me ekewe telinimw mi nom ünükür, aramasen lor ra föri sokun föför usun chök ekewe chon läng. Ra föri sokun föförün lisowu mi ngau o lapalapangau. Ra nom lon riaföün ewe ekkei esekun pwe ina liwinin ar tipis. Iei eu kapasen fön mi fatöch ngeni aramas meinisin.