Jeremaia 20:12 - Chuukese Bible

¹² Ai Samol mi Unusen Manaman, ka sotuni ekewe chon pwüng o küna leluker me ekiekir. Kopwe mwüt ngeniei ai üpwe küna om kopwe ngeni chon oputaei chappen ar föför, pun üa likiti ngonuk pwe kopwe peniei.

Jeremaia 20:12 Iomraidhean Croise

2. Kronika 24:22

Iei usun ewe king Joas esap chechemeni än Jehoiata semen Sekaraia kirikiröch ngeni, nge a niela nöün mwän. Iwe, lupwen än Sekaraia mäla a apasa, “Ewe Samol mi Lapalap a küna ei föför, i epwe ngonuk chappan.”

Kölfel 11:5

Ewe Samol mi Lapalap a sotuni ekewe aramas mi pwüng me ekewe aramasangau, a oput ätewe mi föri föförün mwäneson.

Kölfel 139:23

Ai Kot, kopwe atittinaei o silei letipei. Kopwe sotuniei o silei ai ekiek.

Kölfel 17:3

En ka atittina lelukei, ka äämwaei lepwin, ka sotuniei, nge kosap küna och ekiek mi ngau rei. Üsap apasa och mi ngau.

Kölfel 54:7

En ka angasaei seni ai riaföü meinisin, nge üa pwapwa, lupwen üa küna pwe chon oputaei ra kuf.

Kölfel 58:10

Ekewe chon pwüng repwe pwapwa, lupwen repwe küna pwe Kot a apwüngü ekewe chon tipis, repwe talü pecher lon chan ekewe aramasangau.

Kölfel 59:10

Ai Kot epwe feito rei fän an tong ellet, ai Kot epwe föri pwe üpwe nenengeni än chon oputaei kuf.

Kölfel 62:8

Ämi aramas, oupwe lükü Kot fansoun meinisin. Oupwe pwäri ngeni ämi weires meinisin, pun i ach lenien op.

Kölfel 7:9

En ewe Kot mi pwüng, ka etittina ekiekin me tipen aramas. Kopwe aükätiu än ekewe aramasangau föför mi ngau, nge kopwe anüküchara ekewe chon pwüng.

Kölfel 86:4

Kopwe apwapwai leluken noum ei chon angang, ai Samol, pun üa suki ngonuk lelukei.

Aisea 37:14

Iwe, Hiskia a angei ewe toropwe seni lepöün ekewe chon künö o aleani. Mürin, a feila lon ewe imwenfel o oletala fän mesen ewe Samol mi Lapalap.

Aisea 38:14

Iwe, üa tikitik usun eman ekiek ika eman kawakaw, üa pwal ngüngü usun eman lisom. Mesei a ächikichik ren ai netä läng. Ai Samol, üa nom lon riaföü, kose mochen kopwe alisiei.

Jeremaia 11:20

Mürin üa iotek, “Ai Samol mi Unusen Manaman, en ewe mi eäni kapwüng fän pwüng o sotuni leluk me ekiekin aramas. Kopwe mwüt ngeniei ai üpwe küna om kopwe ngeni ekei aramas chappen ar föför, pun üa likiti ngonuk pwe kopwe peniei.”

Jeremaia 12:8

Püsin nei aramas ra ü ngeniei, ra wörüwör ngeniei usun eman laion lein wöllap, iei mine üa oput ir.

Jeremaia 17:10

Ngang ewe Samol mi Lapalap üa atittina ekiekin aramas o sotuni leluker, pwe üpwe ngeni iteiten eman me eman aükükün lapalapen manauan me uän an föför.”

Jeremaia 17:18

Chokewe mi ariaföüüei repwe küna säw, nge kosap mwüt ngeniei pwe üpwe küna säw. Kopwe arüköör, nge kosap arüköei. Kopwe awarato feiengau wor o fokun atatakisiir.

1. Petrus 2:23

Lupwen ra kapasingau usun esap pwal pölüeni lon kapas mi ngau. Lupwen aramas ra ariaföüü esap pwal eniweer, nge a anomu an apilükülüköch won Kot ewe soukapwüng mi eäni pwüng lon kapwüng.

1. Petrus 4:19

Iei mine chokewe mi küna riaföü pokiten iei letipen Kot ngeniir, repwe atolonga manauer lepöün ewe Chon Föriir mi allükülük o sopwela le föri mine a mürina.

Pwärätä 18:20

En läng, kopwe fokun pwapwa pokiten ewe telinimw a tala. Oupwe fokun pwapwa ämi kewe chon pin, ämi kewe soukünö me ämi kewe soufos! Pun Kot a apwüngü ewe telinimw ren met a föri ngenikemi.

Pwärätä 2:23

Üpwe pwal niela nöün kana. Mürin chon ekewe mwichefel meinisin repwe silei pwe ngang ewe eman mi silei ekiek me letipen aramas meinisin. Iwe, üpwe liwini ngeni eman me eman ükükün liwinin an föför.

Pwärätä 6:10

Ra kökkö fän mwelier mi leüömong, “Äm Samol mi Unusen Manaman, ka pin o let. Ifa langatamen fansoun tori om kopwe apwüngü ekewe aramas won fanüfan o kopwe ngeniir chappen ar nikeemila?”

1. Samuel 1:15

Nge Hana a üreni, “Apwi, ai samol, ngang üsap ün wain ika sakau mi pwichikar, ngang eman fefin mi fokun riaföü. Iei üa pwärawu mine a nom lon lelukei fän mesen ewe Samol mi Lapalap.