Jeremaia 20:10 - Chuukese Bible

¹⁰ Üa rongorong möngününgünün chomong aramas, “Niuokus watte a nom ekis meinisin. Ousipwe aturu i, ousipwe aturu i.” Pwal chiechiei kewe meinisin ra witiwiti ai üpwe turula. Ra apasa, “Eli epwe tup, mürin sipwe liapeni o ngeni chappen an föför.”

Jeremaia 20:10 Iomraidhean Croise

1. King 19:2

Mürin, Isipel a tinala eman chon künö ren Elias pwe epwe üreni, “Ekewe kot repwe nieila ika üsap föri ngonuk lesor lon ei otun usun mine ka föri ngeni ekewe soufos.”

1. King 21:20

Iwe, lupwen Ahap a küna Elias, a üreni, “Ifa usun, ka sereniei, en chon oputaei?” Elias a pälüeni, “Ewer, üa serenuk. Ka fangala inisum pwe kopwe föri mine a ngau me fän mesen ewe Samol mi Lapalap.

1. King 22:27

Kopwe üreniir pwe repwe aturalong ei mwän lon imwen fötek o akükünü anan mongö me ünüman koluk tori üpwe liwinto fän kinamwe.”

1. King 22:8

Iwe, ewe kingen Israel a pälüeni, “Mi chüen wor eman mwän, sa tongeni angei öüröürach seni ewe Samol mi Lapalap me ren, itan Mikaia nöün Imla we mwän. Nge ngang üa oput, pun esap fän eu mwo an epwe osuni och mi mürina usi, pwe mi ngau chök.” Nge Jehosafat a üra, “King Ahap, kosap aloni na.”

Hiop 19:19

Chiechiei kewe meinisin mi kan ngeniei ra fokun oputaei, nge chokewe meinisin üa tongeer ra kul o ü ngeniei.

Kölfel 31:13

Ewer, üa rongorong pwe chomong ra möngününgün. Lupwen ra raweei usun ar repwe angei manauei, niuokus watte a nom pwelin ünüki.

Kölfel 31:14

Nge ngang üa apilükuk, ai Samol mi Lapalap, üa apasa, “En ai Kot.”

Kölfel 41:10

Nge en, ai Samol mi Lapalap, kopwe ümöümöch ngeniei o apöchökülaei, pwe üpwe tongeni liwini ngeni ekewe chon oputaei ükükün ar föför.

Kölfel 41:9

Pwal chiechiei mi fokun kan ngeniei, üa pwal fokun lükü, ätewe mi mongö rei, a ü ngeniei.

Kölfel 57:4

Chon oputaei mi wewe ngeni laion mi mwäräräiti le ochei aramas ra pwelifeiliei, ngir ra usun chök siles me föün esefich, nge chönawer ra usun chök ketilas mi ken.

Än Salomon Fos 10:18

Eman mi aopala an oput i eman chon chofana, nge eman mi luapas i eman chon tiparoch.

Aisea 29:21

Kot epwe arosala chokewe mi atipisi aramas, chokewe mi sorei pwüngün kapwüng fän iten chon föföringau, pwal chokewe mi apasätä kapas chofana pwe repwe pinei än ekewe chon wenechar pwüng.

Jeremaia 1:19

Ir repwe maun ngonuk, nge resap tongeni akufuk, pun ngang üa etuk pwe üpwe tümwünuk. Ngang ewe Samol mi Lapalap üa kapas.”

Jeremaia 11:19

Nge ngang üa usun chök eman apanen sip mi mosonoson, aramas ra emwenala ren ewe chon niela. Ngang üsap mefi pwe ra ekiekin rawangauaei, lupwen ra apasa, “Ousipwe ataala ewe irä fiti uan. Ousipwe ukufala i me lon fanüen chokewe mi manau, pwe esap chüen wor eman epwe chechemeni itan.”

Jeremaia 11:21

Ekewe re Anatot ra mochen nieila. Ra üreniei pwe repwe nieila, are üpwe sopwela le asilefeili än ewe Samol mi Lapalap kewe kapas.

Jeremaia 18:18

Mürin, ekewe aramas ra apasa, “Ousipwe rawangauei Jeremaia. Pun a chüen wor ekewe souasor mi aiti ngenikich ekewe allük, ika ekewe soutipachem mi öüröürakich, ika ekewe soufos mi afalafalakich. Ousipwe atipisi, nge sisap afäli mine a apasa.”

Jeremaia 20:3

Iwe, sorotan ewe rän, lupwen Pasur a amusawu Jeremaia seni lefilen ekewe irä, Jeremaia a üreni Pasur, “Ewe Samol mi Lapalap esap chüen aita ngonuk Pasur, ngei epwe aita ngonuk ‘Niuokus watte a nom pwelin ünükum’.

Jeremaia 37:13

Lupwen a tori ewe Asamalapen Peniamin, ewe meilapen mwichen chon mas itan Iria nöün Selemia we mwän, nge Selemia nöün Hanania, a turufi Jeremaia o üra, “En ka mochen sü ngeni ekewe chon Papilon.”

Jeremaia 6:25

Sisap tongeni feiliwu lon ekewe mälämäl ika fetal won ekewe al, pun ewe mi oputakich a wor nöün ketilas, nge eniweniw a pweli ünüküch.”

Isikiel 22:9

Iwe, a wor ekoch aramas me lon ei telinimw mi chofonätä usun ekoch pwe repwe ninnila, a pwal wor chon mongö föten anü me won ekewe chukutekia, a pwal fis angangen mocheisou lon.

Taniel 6:4

Mürin, ekewe nöüwis tekia me ekewe kepina ra kütta och mwälin lon än Taniel angang pwe repwe tongeni tip ngeni, nge resap tongeni küna och popun, pun Taniel a allükülük, nge esap wor mwälin ika tümwününgauan.

Lukas 20:20

Iei mine ra mamasa Jesus o tinala chon operi i mi pomweni pomwen aramas mi öch, pwe repwe särei Jesus ren ar kapas ais, pun repwe tongeni atolonga fän nemenemen me pöchökülen ewe kepina.

Föför 24:13

Resap pwal tongeni alletätä pwe a let ekewe kapasen atipisi ra aturuei won iei.

Föför 5:33

Iwe, lupwen chon ewe mwichen soupwüng ra rong ekei kapas, ra fokun lingeringer, pwe ra ekiekin niela ekewe soukünö.

Föför 7:54

Iwe, lupwen chon ewe mwichen soupwüng ra rongorong ngeni än Stefanus afalafal, ra fokun lingeringer o asüngürü ngiir lon ar song.