Jeremaia 2:4 - Chuukese Bible

⁴ Oupwe aüseling alon ewe Samol mi Lapalap, ämi mwirimwirin Jakop, ämi chon ekewe ainangen Israel meinisin.

Jeremaia 2:4 Iomraidhean Croise

Jeremaia 10:1

Oupwe rongorong mine ewe Samol mi Lapalap a ürenikemi ämi chon Israel.

Jeremaia 13:15

Oupwe rongorong o aü selingemi, ämi chon Juta. Ousap lamalamtekia, pun ewe Samol mi Lapalap a kapas.

Jeremaia 19:3

Kopwe apasa, ‘Oupwe rongorong, ämi kingen Juta me ämi chon Jerusalem, usun mine ngang ewe Samol mi Unusen Manaman ewe Koten Israel üa apasa: Üpwe awarato eu sokun feiengau won ei leni, pwe iteiten eman me eman mi rongorong usun epwe mairü ren.

Jeremaia 2:3

Israel, en ka pin fän itei, ngang echök üa nöünuk. Chokewe meinisin mi afeiengauok üa ariaföüür o afeiengaueer. Ngang ewe Samol mi Lapalap üa kapas.”

Jeremaia 2:5

Iei alon ewe Samol mi Lapalap, “Met mwäli ämi kewe lewo ra küna, pwe ra feila toau seniei? Ra fel ngeni ekewe uluulun anümwäl mi lomotongau o wiliti aramas mi lomotongau.

Jeremaia 31:1

Iei alon ewe Samol mi Lapalap, “Lon ena fansoun ngang üpwe än ekewe ainangen Israel meinisin Kot, nge ir repwe nei aramas.

Jeremaia 33:24

“Ifa usun, kosap rongorong än ekei aramas apasa pwe ngang ewe Samol mi Lapalap üa pöütala Israel me Juta, ekewe ruu mwü üa fen filiretä? Iei usun ra turunufasei nei aramas, pwe resap chüen ekieki pwe ir eu mwü.

Jeremaia 34:4

Nge en Setekia kingen Juta, kopwe rong aloi fänäsengesum, ‘Kosap mäla ren ketilas,

Jeremaia 5:21

Oupwe rongorong ekei kapas, ämi aramas mi umwes o miritingau. A wor mesemi, nge ousap küna. A wor selingemi, nge ousap rongorong.

Jeremaia 7:2

pwe epwe feila o ütä leasamalapen ewe imwenfel. Epwe aronga ekei kapas ngeni ekewe chon Juta meinisin mi feito pwe repwe fel ngeni ewe Samol mi Lapalap,

Osea 4:1

Ämi chon Israel, oupwe rongorong än ewe Samol mi Lapalap kapas. Pun iei an kapasen atipisi chon ewe fanü: Esap wor allükülük ika tong me lon ewe fanü, esap pwal wor ar silei pwe ngang ar Kot.

Mika 6:1

Oupwe aüseling ngeni mine ewe Samol mi Lapalap a apasa. Oupwe ütä o pwärätä ämi osukosuk me mwen ekewe chuk, nge ekewe chukutekison repwe rongorong mweliemi.