Jeremaia 2:36 - Chuukese Bible

³⁶ Pwota a fokun mecheres ngonuk om kopwe siwili alom? Kopwe lichipüng ren chon Isip, usun ka fen lichipüng ren chon Asiria.

Jeremaia 2:36 Iomraidhean Croise

2. Kronika 28:16

Lon ena fansoun ewe king Ahas a titi Tiklat-pileser ewe kingen Asiria pwe epwe alisi.

Aisea 20:5

Iwe, chokewe mi anomu ar apilükülük won Itiopia o aingaing won Isip repwe lichipüng o apilükingau.

Jeremaia 2:18

Met om feiöch ren om feila Isip pwe kopwe ün seni kolukun ewe chanpupu Nil? Ika met om feiöch ren om feila Asiria pwe kopwe ün seni kolukun ewe chanpupu Oifrat?

Jeremaia 2:23

Pwota ka tongeni apasa, ‘Ngang üsap limengau. Ngang üsap fel ngeni ekewe anü Paal.’ Kopwe nenengeni om kewe föför ka föriir me lon ewe lemol o chechemeni mine ka föri. Ka usun chök eman liefefinin kamel mi säfeil ekis meinisin, lupwen a mochen etieti.

Jeremaia 2:33

Israel, ka fokun silelap le kütta alen om kamwet. Pwal ekewe fefin mi fokun ingau ra tongeni kaiö senuk.

Jeremaia 22:20

Ämi aramasen Jerusalem, oupwe feitä won ewe chuk Lepanon o puchör, oupwe alapatä mweliemi lon Pasan o siö me won ekewe chukun Moap, pun peliemi meinisin ra kuf.

Jeremaia 22:22

Asepwäl epwe pönala nöümi kewe chon emwen meinisin, nge peliemi kewe repwe oola. Mürin oupwe säw o itengau pokiten ämi kewe föföringau meinisin.

Jeremaia 31:22

Ifa ükükün fansoun om kopwe rikirikfetal, en Israel kosap allükülük? Ngang ewe Samol mi Lapalap üa afisätä och mettoch mi fö o sokola won fanüfan: Israel epwe fitipacheiti Kot.”

Jeremaia 37:7

“Kopwe üreni ewe kingen Juta mi tinukoto rei, pwe iei alon ewe Samol mi Lapalap, ewe Koten Israel, ‘Nöün Farao mwichen sounfiu mi feito pwe repwe alisikemi repwele liwinsefäliti Isip lon poputän fanüer.

Jeremaia 46:12

Chon ekewe mwü ra rongorong usun ämi itengau, aramas meinisin ra rongorong ämi siö. Eman sounfiu a chepetek won eman, ra turupöküla.”

Kölün kechü 4:17

Sa weires le nenefetalei ika eman epwe alisikich, nge esap wor lomotan. Sa akawitiwiti ach alilis seni eu mwü esap tongeni amanauakich.

Kölün kechü 5:6

Äm aia feila Isip me Asiria o tüngor enem mongö pwe aipwe tongeni manau.

Isikiel 16:28

Iwe, pokiten kosap menemenöch, ka pwal amömö inisum ngeni chon Asiria. Ewer, ka lisowu ngeniir, iei mwo nge kosap pwal menemenöch ren.

Isikiel 29:7

Lupwen ra amwöchuk, ka sätekis o ekinasa lon pöür, nge lupwen ra üllenuk, ka kupula pwe sökürür a fingau.

Osea 10:6

Ewer, repwe uweela ewe uluulun anümwäl ngeni Asiria pwe eu lifang ngeni ewe king mi lap. Chon Israel repwe itengau me säw ren ar we uluulun anümwäl.

Osea 12:1

Chon Israel ra chök föri mine a lomotongau o afeiengau iteiten rän. Ra achomonga ar chofana me ar angangen mwänewüs. Ra föri eu pwonen atipeeu ngeni Asiria o tinala apüra seni föün olif ngeni Isip.

Osea 14:3

Asiria esap tongeni amanauakem, ekewe orisin maun resap tongeni alisikem. Aisap chüen apasa ngeni äm kewe uluulun anümwäl pwe ir äm Kot. Ekewe mi mäsen ra küna ümöümöch me reöm.”

Osea 5:13

Iwe, lupwen Israel a küna an samau o Juta a küna kinasan, mürin Israel a feila Asiria o tüngor än ewe king mi lap alilis. Nge i esap tongeni alisiir ika amoela kinaser.

Osea 7:11

Chon Israel ra wewe ngeni eman lisom, ra tupukai, esap pwal wor ar mirit. Ra siö ngeni Isip, mürin ra pwal feila Asiria.