Jeremaia 2:34 - Chuukese Bible

³⁴ A pwä me won ufom chan ekewe chon wöüngau esap wor ar tipis, nge ka küna pwe sap ir chon solä. Iei mwo an fis ekei föför meinisin,

Jeremaia 2:34 Iomraidhean Croise

2. King 21:16

Manasa a pwal niela chomong aramas esap wor ar tipis, pwe ekewe alen Jerusalem ra kula ren cha. Ei a föri lükün ewe tipis, pwe a emweni chon Juta ngeni ar repwe föri mine a ngau me fän mesen ewe Samol mi Lapalap.

2. King 24:4

pwal pokiten än Manasa niela chomong aramas esap wor ar tipis, pwe Jerusalem a kula ren char. Iwe, ewe Samol mi Lapalap esap amusala an tipis.

Ekistos 22:1

“Iwe, are eman aramas a soläi eman kow ika eman sip o niela ika amömöla, ätewe epwe liwini limman kow fän iten eman, pwal föman sip fän iten eman. Ewe chon solä epwe aliwinisefäli liwinin mine a soläni fiti liwinin an tipis. Nge are esap wor och ren, repwe amömöla ewe mwän.

Ekistos 22:2

Are eman a liapeni eman chon solä lepwin o wichi, nge a mäla, esap wor liwinin tipisin nimanau ngeni.

Aisea 57:5

Ämi oua mocheisoufengen lefilemi, lupwen oua fel ngeni ekewe uluulun anümwäl fän ekewe irä ook, pwal fän sokun irä mi mwuresires, oua pwal eäni asor nöümi semirit lon ekewe lemol, pwal fän ekewe säpereperen achau.

Aisea 59:3

Pun pöümi a limengau ren ämi niela aramas me ämi föföringau, awemi a chofana o kapasingau.

Aisea 59:7

Iwe, pecher ra fetalekai ngeni mine a ngau, ra müttir ngeni ni aramas esap wor ar tipis, ra chök ekiekingau lon letiper, nge ia ra feila ie a chök fis feiengau.

Jeremaia 19:4

Üpwe föri ei, pun ekewe aramas ra likitieila. Ra apiningaua pinin ei leni ren ar keni apach mi pwokus ngeni pwal ekoch kot, sokun kot ir me ar kewe lewo pwal ekewe kingen Juta resap sileer. Ra aura ei leni ren chan chokewe esap wor ar tipis.

Jeremaia 2:33

Israel, ka fokun silelap le kütta alen om kamwet. Pwal ekewe fefin mi fokun ingau ra tongeni kaiö senuk.

Jeremaia 6:15

Ifa usun, ra säw ren ar föri föför mi anioput? Apwi, resap fokun säw, esap pwal sokola wowor. Iei mine repwe pöütütiu lein chokewe mi pöütütiu, repwe feiengau lupwen üpwe apwüngüür. Ngang ewe Samol mi Lapalap üa kapas.”

Jeremaia 7:31

Ra aüetä eu lenien fel itan Tofet mi nom lon ewe lemolun Hinom, pwe repwe kenala nöür ät me nengin. Ei sokun föför üsap allük ngeniir, esap pwal nom lon ai ekiek.

Jeremaia 7:6

Oupwe ükütiu le ariaföüü ekewe chon ekis, ekewe mi mäsen ika ekewe fefin mi mä pwülüer. Oupwe ükütiu le niela chokewe esap wor ar tipis me lon ei leni. Oupwe ükütiu le fel ngeni pwal ekoch kot, pun ren ei oupwe chök atoto feiengau womi.

Jeremaia 8:12

Ifa usun, oua säw lupwen oua föri ekei föför mi anioput? Apwi, ousap fokun säw, esap pwal wilila wowomi. Iei mine oupwe pöütütiu lein chokewe mi pöütütiu, oupwe feiengau lupwen üpwe apwüngükemi. Ngang ewe Samol mi Lapalap üa kapas.

Kölün kechü 1:9

An limengau a nom lon üfan, nge i esap ekieki an feiengau. Iei mine an turula a fokun afeiengau, esap wor eman a achipa. “Ai Samol mi Lapalap, kopwe nenengeni ai riaföü, pun ewe chon oputaei a win.”

Kölün kechü 4:14

Ra fetal won ekewe al usun chon mesechun, a fokun limengau üfer ren cha, iei popun esap wor eman a mochen atapeer.

Isikiel 20:31

Lupwen oua uwato ämi kewe lifang o eäni asoren kek nöümi kana ngeni ekewe uluulun anümwäl, oua püsin alimengauakemi tori ikenai. Ifa usun, üpwe mwüt ngenikemi chon Israel, pwe oupwe angei ämi öüröür seniei? Mwo manauei, ngang Kot ewe Samol mi Lapalap üa apasa, üsap fokun mwüt ngenikemi pwe oupwe aisiniei.

Isikiel 22:25

Ekewe samol mi nom lon ra föri ar rawangau. Usun eman laion mi wörüwör a ochei liapan, ina usun ra ochei aramas. Ra angei wöür me pisekir mi aüchea fän pöchökül, ra pwal achomonga ekewe fefin mi mä pwülüer me lon.

Isikiel 23:45

Nge mwän mi pwüng repwe eäni apwüng wor. Repwe apwüngüür usun ar apwüngü fin lisowu me fefin mi nimanauei aramas, pun ir wesewesen fin lisowu, nge pöür ra limengau ren ar nimanau.”

Isikiel 24:7

Pun a fis nimanau lon ewe telinimw. Nge chon ewe telinimw resap ninätiu ewe cha won pwül pwe epwe irela, nge ra ninätiu won achau.

Isikiel 9:9

Iwe, Kot a pälüeniei, “Än chon Israel me chon Juta tipis a fokun wattela. Ra nimanauei aramas lon unusen ewe fanü o föri mine a pwüngingau lon Jerusalem. Ra apasa, ‘Ewe Samol mi Lapalap a likitala ei fanü, esap pwal küna mine sa föri.’