Jeremaia 2:32 - Chuukese Bible

³² Ifa usun, eman föpwül a tongeni manlükala foutan, ika eman fin apwüpwülü söfö üfan üföüfen apwüpwülü? Nge nei aramas ra manlükieila lon chomong rän resap lea.

Jeremaia 2:32 Iomraidhean Croise

Keneses 24:22

Iwe, lupwen ekewe kamel ra wes me ün, ewe mwän a angei efoch ring o ngeni ewe föpwül, nge choun ewe ring ina epwe eu lelimu aunus. Iwe, a pwal ngeni ruu lälä seni kolt fän iten pöün, nge choun eu lälä ina epwe rüanü aunus.

Keneses 24:30

Pun lupwen Lapan a küna ewe ring me ekewe lälä won pöün fefinan we, a pwal rong mine Repeka a apworausa usun alon ewe mwän ngeni, a feila ren nöün Apraham we chon angang mi ütä ren nöün kewe kamel ünükün ewe chönüttu.

Keneses 24:53

Mürin, ewe chon angang a uwawu fout seni silifer me kolt pwal mangaku o ngeni Repeka. Iwe, a pwal kisen ngeni mongeen Repeka we me inan pisek mi aüchea.

2. Samuel 1:24

Ämi föpwülün Israel, oupwe kechüeiti Saul mi aüfa ngenikemi üf mi parapar o fokun mürina, a pwal fouteekemi ren fout seni kolt.

Kölfel 106:21

Ra manlükala Kot ar Chon Amanau mi föri föför mi manaman me lon Isip.

Kölfel 9:17

Iwe, ekewe aramasangau repwe fokun feil ngeni mäla, pwal chon ekewe mwü meinisin mi pöütala Kot.

Aisea 17:10

Israel, ka manlükala Kot om Chon Amanau, kosap chechemeni ewe Achau om lenien op. Nge ka fotuki eu tanipi pwe kopwe fel ngeni eman koten ekis lon.

Aisea 57:11

Iwe, ewe Samol mi Lapalap a apasa, “Iö oua niueiti pwe oua chofana ngeniei, ousap pwal chechemeniei ika ekieki usi? Ifa usun, sap ren ai fanafanala ngenikemi fansoun langatam, iei popun ousap niueitiei?

Aisea 61:10

Üpwe fokun pwapwa ren ewe Samol mi Lapalap, ngüni epwe mwänek ren ai Kot. Pun a aüföüfa ngeniei manau, a pwal pwilitalong woi pwüng pwe ina üfei. Üa wewe ngeni eman mwän apwüpwülü söfö, a foutei ngeni foutan, üa pwal wewe ngeni eman fin apwüpwülü söfö, a mwärämwär mwärin fau aüchea.

Jeremaia 13:10

Ekei aramas mi ngau, resap mochen aleasochisiei. Ra chök ülöförea le chei mochenin letiper. Ra fel ngeni pwal ekoch kot o angang ngeniir. Iei mine repwe wewe ngeni ei achök mi lomotongau.

Jeremaia 13:25

Iei usun mine epwe fis ngonuk, iei wisom a aükü ngonuk, pun ka manlükala Kot o lükü ekewe anümwäl. Iei alon ewe Samol mi Lapalap.

Jeremaia 18:15

Nge nei aramas ra fen manlükieila. Ra keni apach mi pwokus ngeni ekewe uluulun anümwäl. Ra chepetek lon ar kewe al, pun resap chüen fetal won ekewe alen lom, nge ra rikila ngeni pwal ekoch al lükün ewe alelap.

Jeremaia 2:11

Esap wor chon eu mwü mi ekesiwili ar kewe kot, nge ir resap wesewesen kot. Nge nei aramas ra ekesiwiliei ngang ar we Kot mi ling ngeni pwal ekoch kot mi lomotongau.

Jeremaia 2:33

Israel, ka fokun silelap le kütta alen om kamwet. Pwal ekewe fefin mi fokun ingau ra tongeni kaiö senuk.

Jeremaia 23:27

Ra ekieki pwe nei aramas repwe manlükieila ren ar apworausafeili leir ar kewe tan, usun ar kewe lewo ra manlükieila o kul ngeni ewe anü Paal.

Jeremaia 3:21

Aramas ra rongorong mwelien ekewe chon Israel won ungen ekewe chuk, ra kechü o tütüngormau, pun ra föri chomong tipis o manlükala ewe Samol mi Lapalap ar we Kot.

Isikiel 22:12

Oua pwal angei lifangen amichimich pwe oupwe nimanauei aramas. Iwe, oua awattela winnen nöümi moni ika angei manauan seni chon arumi fän pöchökül, nge oua manlükieila,” iei alon Kot ewe Samol mi Lapalap.

Osea 8:14

Chon Israel ra aüetä imwen king, nge ra manlükala Ewe mi Föriir. Ekewe chon Juta ra achomonga ar kewe telinimw mi pöchökül tittir. Nge ngang üpwe tinala ekkei wor, epwe kenala ar kewe imwen king me ar kewe telinimw.”

Tuteronomi 32:15

Nge Jesurun a kitinupula o rochongau, a kitinupula, a wattela o misimis. Mürin a likitala Kot ewe mi föri, a turunufasei ewe Achau an Chon Amanau.

Pwärätä 21:2

Iwe, üa küna ewe Telinimw mi Pin, ewe Jerusalem mi fö, a feitiu me läng seni Kot, a molotä usun eman fin apwüpwülü söfö a tolong lon foutan pwe epwe apwüpwülü ngeni pwülüan.

Soukapwüng 8:34

Iwe, ekewe aramasen Israel resap chüen angang ngeni ewe Samol mi Lapalap ar we Kot mi amanaueer seni chon oputer meinisin mi nom pwelin ünükür.