Jeremaia 2:3 - Chuukese Bible

³ Israel, en ka pin fän itei, ngang echök üa nöünuk. Chokewe meinisin mi afeiengauok üa ariaföüür o afeiengaueer. Ngang ewe Samol mi Lapalap üa kapas.”

Jeremaia 2:3 Iomraidhean Croise

Ekistos 22:29

Kosap amanga le uwato rei mwen uän kiniom wiich, pwal mwen ungutiom wain. Iwe, kopwe ngeniei noum mwänichi.

Ekistos 23:16

Iwe, oupwe föri eu chulapen fansoun kinikin mwen uän fotämi irä seni mine oua fotuki lon ämi mälämäl. Oupwe pwal föri eu chulapen fansoun ionalong leamüchülan ier, lupwen oua ionifengeni uän fotämi irä seni ämi mälämäl.

Aisea 41:11

Chokewe ra songeituk repwe itengau me säw, nge chokewe mi fiu ngonuk repwe mäfeiengau o rosola.

Aisea 47:6

Iwe, üa songeiti nei aramas o atolongeer lon itengau, üa pwal asechirelong lepoum, nge en kosap tongeer. Ka fen uwätä efoch waas mi fokun chou won afaren ekewe chinlap.

Jeremaia 12:14

Iwe, ewe Samol mi Lapalap a apasa, “Mi wor mine üa mochen apasa fän äsengesin chon arun Israel mi atai ewe fanü üa ngeni nei aramasen Israel pwe fanüer. Ngang üpwe ütti ekei aramasangau seni fanüer, usun eman a üttätä efoch irä. Nge üpwe amanaua chon Juta seni lepöür.

Jeremaia 2:4

Oupwe aüseling alon ewe Samol mi Lapalap, ämi mwirimwirin Jakop, ämi chon ekewe ainangen Israel meinisin.

Jeremaia 30:16

Nge iei chokewe meinisin mi arosakemiila repwe pwal rosola, ekewe chon ü ngenikemi meinisin repwe oola, chokewe mi ariaföüükemi repwe riaföü, nge chokewe mi angei pisekimi fän pöchökül, aramas repwe pwal angei pisekir fän pöchökül.

Jeremaia 50:7

Meinisin mi küneer ra ocheer. Chon oputer ra apasa, ‘Esap wor ach tipis ren mine sia föri, pun ir ra tipis ngeni ewe Samol mi Lapalap. Ar kewe lewo ra apilükülükü ewe Samol mi Lapalap, nge itä pwal ir repwe allükülük ngeni.’

Sowel 1:3

Oupwe asile ngeni nöümi usun, nge ir repwe asile ngeni nöür seni eu täppin aramas tori eu täppin.

Amos 6:1

Feiengauemi ämi mi nonomöch lon Sion, ämi mi mefi kinamwe lon Samaria, pwal ämi mwän mi iteföüla mi nom lon eu mwü mi iteföüla, ämi chokewe chon Israel ra feito remi pwe repwe kütta alilisir senikemi.

Apakuk 1:11

Mürin ra sä seniir usun asepwäl o feila. Ir aramas mi tipis, pun ra eäni kot ar pöchökül.”

Sekaraia 1:15

Nge üa fokun song ngeni chon ekewe mwü mi nom fän kinamwe. Pun lupwen üa ekis song ngeni nei aramas, ir ra alapala ar afeiengaueer.

Sekaraia 2:8

Iwe, iei alon ewe Samol mi Unusen Manaman, a tiniei ren an ling ngeni chon ekewe mwü mi angei pisekimi fän pöchökül, pun chokewe mi atapakemi ra atapa fituken lon mesan,

Numperis 18:12

Üa pwal ngenikemi öchün apüra me öchün wain meinisin, pwal öchün föün wiich meinisin aramas ra fang ngeniei pwe ar mwen ua.

Nöün Paulus Toropwe ngeni ekewe Souläng lon Rom 11:16

Are a pin och kinikinin pilawa eman a eäni asor ngeni Kot, unusen ewe pilawa a pwal pin. Nge are eman a eäni asor waren efoch irä ngeni Kot, palan kana ra pwal pin.

Nöün Paulus Toropwe ngeni ekewe Souläng lon Rom 16:5

Pwal ai kapong ngeni ewe mwichefel mi chufengen lon imwer. Ai kapong ngeni chienei mi achengicheng Epänetus, i ätewe mi akomwen lükü Kraist lon ewe fanü Asia.

Efisos 1:4

Kot a afilikich lon Kraist me mwen än fanüfan esamwo fis, pwe sipwe pin o unusöch me mwen mesan.

Tuteronomi 14:2

Pun ämi eu mwichen aramas mi pin fän iten ewe Samol mi Lapalap ämi we Kot. I a afilikemi me lein ekewe mwichen aramas meinisin mi nom won fanüfan, pwe oupwe nöün aramas.”

Tuteronomi 26:19

Epwe seikikemiitä won ekewe mwü meinisin i a afisiretä, pwe aramas repwe mwareitikemi o aitöchükemi, repwe pwal alingakemi. Iwe, oupwe eu mwichen aramas mi pin fän iten ewe Samol mi Lapalap ämi we Kot, usun a fen pwon ngenikemi.”

Tuteronomi 7:6

Pun ämi eu mwichen aramas mi pin fän iten ewe Samol mi Lapalap ämi we Kot. A afilikemi seni lein ekewe aramas meinisin mi nom won fanüfan, pwe epwe nöünikemi.

James 1:18

Ren püsin letipan a afisikich ren ewe kapas mi let, pwe sipwe nöün mwänichi lein förian kana meinisin.

1. Petrus 2:9

Nge ämi eu ainang mi fil, eu mwichen souasor än ewe king, eu mwün aramas mi pin, nöün Kot kewe aramas, oua fil pwe oupwe arongafeili än Kot kewe föför mi manaman, i ewe mi körikemiiwu seni rochopwak, pwe oupwe tolong lon an saram mi amwarar.

Pwärätä 14:4

Ir chokewe mi püsin tümwünüür pwe resap alimengauer ren ar tipis ngeni fefin, ra usun chök föpwül resamwo tori mwän. Ra tapwela mürin ewe Lam ekis meinisin ia a feila ie. Ra fen küna manau me lein ekewe aramasen fanüfan, pwe ir ekewe mweinöü fän iten Kot me ewe Lam.