Jeremaia 2:26 - Chuukese Bible

²⁶ Usun eman chon solä a itengau lupwen a oo, iei usun ämi chon Israel oupwe itengau: Ämi me ämi kewe king, pwal nöümi kewe nöüwis, nöümi kewe souasor me soufos.

Jeremaia 2:26 Iomraidhean Croise

Esra 9:7

Seni fansoun äm kewe lewo tori ikenai äm aia föri chomong tipis. Nge pokiten äm kewe föföringau, äm me äm kewe king pwal äm kewe souasor aia sechilong lepöün kingen ekewe fanü. Iwe, aia küna ninni, aia oola, ra soläni pisekim fän pöchökül, aia pwal fokun säw, usun a fis tori ikenai.

Kölfel 97:7

Aramas meinisin mi fel ngeni ekewe uluulun anümwäl repwe küna säw, pwal chokewe mi aingaing won ekewe anümwäl esap wor aüchear. Ekewe kot meinisin ra chapetiu me mwen ewe Samol mi Lapalap.

Aisea 1:29

Oupwe säw pokiten ekewe irä ook mi pin oua pwapwaiti le fel ngeni, oupwe pwal mitingau ren ekewe tanipi oua filätä pwe oupwe fel ngeni ämi uluulun anü lon.

Aisea 44:11

Iwe, i me chiechian kewe meinisin repwe lichipüng o säw. Ekewe soufalafal ra aramas chök. Repwe mwichefengen meinisin o ütä lon kapwüng. Nge repwe fokun niuokus, repwe pwal lichipüng o säw.

Aisea 44:9

Iwe, ir meinisin mi föri uluulun anümwäl esap wor aüchear, esap pwal wor lomoten ekewe mettoch ra aücheani. Iwe, chon fel ngeni ekewe uluulun anümwäl ra chun o wewengau. Iei mine repwe lichipüng o säw.

Jeremaia 2:36

Pwota a fokun mecheres ngonuk om kopwe siwili alom? Kopwe lichipüng ren chon Isip, usun ka fen lichipüng ren chon Asiria.

Jeremaia 22:22

Asepwäl epwe pönala nöümi kewe chon emwen meinisin, nge peliemi kewe repwe oola. Mürin oupwe säw o itengau pokiten ämi kewe föföringau meinisin.

Jeremaia 32:32

pokiten ekewe föföringau meinisin chon Israel me chon Juta ra föri pwe repwe asongaei, ir me ar kewe king, nöür kewe nöüwis, nöür kewe souasor me soufos, ekewe re Juta me ekewe chon Jerusalem.

Jeremaia 4:9

Iei alon ewe Samol mi Lapalap, “Lon ena rän leluken ewe king me ekewe nöüwis repwe kisikisila, ekewe souasor repwe rükö, nge ekewe soufos repwe mairü.”

Jeremaia 48:27

Ifa usun, ämi chon Moap ousap ämängaua Israel? Ifa usun, Israel a pwä me lein chon solä pwe iteiten fansoun, lupwen oua kapas usun, oua elifechifechi möküremi ngeni fän ämängau?

Isikiel 16:54

pwe kopwe säw o uwei om itengau pokiten meinisin mine ka föri. Ren ei pwiüm kewe repwe küna chip.

Isikiel 22:26

Iwe, ekewe souasor ra purätiu ai kewe allük o turunufasei piseki mi pin. Resap alefila lefilen mine a pin me mine esap pin, resap pwal afata lefilen mettoch mi limengau me mettoch mi limöch. Iwe, ra apiningaua pinin ai kewe ränin sapat pwe üa itengau leir.

Sekaraia 5:4

Ewe Samol mi Unusen Manaman a apasa pwe epwe tinato ewe anümamau. Epwe tolong lon imwen ewe chon solä, pwal lon imwen ätewe mi akapelmwäl fän itan. Iwe, epwe nonom lon imwer o ataretiu, epwe ataela ekewe irä me fau.”

Nöün Paulus Toropwe ngeni ekewe Souläng lon Rom 6:21

Met sokun feiöch oua angei seni ekei föför oua föriir me lom? Iei oua säw ren, pun sopolor mäla.