Jeremaia 2:25 - Chuukese Bible

²⁵ Kopwe tümwünü pwe pecheöm esap malülü ika chiorom esap pwasapwas ren om tap me mürin pwal ekoch kot. Nge en ka apasa, ‘Üsap chüen tongeni kulsefäl. Üa echeni ekewe koten ekis, üpwe chök tapwela mürir.’

Jeremaia 2:25 Iomraidhean Croise

2. Kronika 28:22

Nge lon an riaföü, ei king Ahas a fen alapala an tipis ngeni ewe Samol mi Lapalap.

2. Kronika 28:23

A asor ngeni ekewe koten Siria mi akufu i o apasa, “Pokiten än ekewe kingen Siria kewe kot ra alisiir, ngang üpwe asor ngeniir pwe repwe pwal alisiei.” Nge ei a chök atoto feiengau won i me chon Israel meinisin.

Aisea 2:6

Ai Kot, ka pöütala noum aramas, ekewe mwirimwirin Jakop. Pun ra chök föri angangen pwee, örunien ekewe fanüen ötiu, ra pwal föri angangen souasisil usun ekewe chon Filistia o chiechi ngeni ekewe chon lükün.

Aisea 57:10

Oua malülü pokiten ämi saitam, nge ousap apasa, “Esap wor lomotan.” Ousap achanü, pun oua pöchökülsefäl iteiten fansoun.

Jeremaia 13:21

Met kopwe apasa, are chokewe ka aita ngeniir pwe chiechiom ra liapenuk o nemenuk? Ifa usun, esap cheruk cheuch usun cheuchen fam a cheri eman fefin?

Jeremaia 13:22

Nge are ka ekieki lon lelukom, “Pwota ekei feiengau ra toriei?” Pokiten watten om tipis, a fis pwe aramas ra kamwei senuk ufom o achomanauok.

Jeremaia 14:10

Iei alon ewe Samol mi Lapalap fänäsengesin ekei aramas, “Ra fokun sani ar repwe feil seniei, resap tongeni nemeni pecher. Iei mine ngang üsap etiweer. Üpwe chechemeni ar föföringau o apwüngüür pokiten ar kewe tipis.”

Jeremaia 18:12

Nge ir ra apasa, ‘Esap wor lomotan. Äm aipwe chök chei püsin äm ekiek me ülöförean lelukem mi ngau.’”

Jeremaia 2:31

Ämi aramasen Israel, oupwe aüselinga aloi. Ifa usun, üa wewe ngeni eu fanüapö me remi, ika eu fanüen rochopwak me feiengau? Pwota ämi nei aramas oua apasa, ‘Äm aipwe chök föri letipem, aisap chüen liwinsefälito reöm.’

Jeremaia 22:20

Ämi aramasen Jerusalem, oupwe feitä won ewe chuk Lepanon o puchör, oupwe alapatä mweliemi lon Pasan o siö me won ekewe chukun Moap, pun peliemi meinisin ra kuf.

Jeremaia 22:21

Üa kapas ngenikemi, lupwen oua chüen pisekisek, nge oua üra, “Aisap mochen aüseling.” Iei lapalapemi seni me lom, pwe ousap aleasochis ngeni ai kewe kapas.

Jeremaia 3:13

Oupwe chök pwärätä ämi tipis, pwe oua ü ngeniei ngang ewe Samol mi Lapalap ämi we Kot. Oupwe pwärätä pwe oua chiechi ngeni ekewe koten ekis fän ekewe irä mi mwuresires, ousap pwal aleasochisi ai kapas. Ngang ewe Samol mi Lapalap üa kapas.

Jeremaia 44:17

Nge äm aipwe fokun föri meinisin mine aia fen pwon pwe aipwe föri. Äm aipwe keni apach mi pwokus ngeni ewe kiwinen läng o ninätiu ngeni asoren ün usun äm me äm kewe lewo, äm kewe king me nöüm kewe nöüwis aia fen föri me lon ekewe telinimwen Juta, pwal lon ekewe alen Jerusalem. Pun lon ena fansoun a wor chomong enem mongö, aia fefeitä, nge aisap feiengau.

Kölün kechü 1:2

A selingüngü lepwin, chönün mesan ra suputiu won sapan. Esap wor eman me lein chokewe mi tongei me lom a achipa. Chiechian kewe meinisin ra kirikiringau ngeni, ra wiliti chon oputan.

Kölün kechü 4:4

Chönawen ekewe mönükol ra pachetä fän fongochur pokiten ar kaka, ekewe semirit ra tütüngor ener mongö, nge esap wor eman a ngeniir.

Isikiel 20:32

Iwe, ämi oua ekieki lon letipemi, pwe oupwe apirü ekewe mwün lükün o wewe ngeni aramasen ekewe ekoch fanü ren ämi fel ngeni irä me fau. Nge ei sokun ekiek esap fokun fis.

Osea 2:3

Nge ika esap ükütiu, üpwe aseleloi o föri pwe epwe usun chök an selela lon ränin an uputiu. Üpwe föri pwe neminewe epwe wewe ngeni eu fanüapö me eu fanü mi pwas, iwe, epwe mäla ren an kaka.

Osea 2:5

Iner we a kirikiringau, a nöüniir fän an föri föför mi ässäw, pun a apasa, “Üpwe tapwela mürin nei kewe kamwet mi ngeniei enei mongö me ünümei koluk, ai ülen man me mangaku mi pwechepwech, ai apüra seni föün olif me wain.”

Malakai 3:14

Ren ämi apasa, ‘A lomotongau ach angang ngeni Kot. Met lomoten ach apwönüetä an kewe allük ika ach pwärätä ach letipeta ren mine sa föri me mwen ewe Samol mi Unusen Manaman?

Lukas 15:22

Nge ewe sam a köri nöün kewe chon angang o üreniir, ‘Oupwe kaila, uwato echö üf mi fokun mürina o aüföüfa ngeni. Oupwe uwalong won aütün pöün efoch ring o aipweipwa sus.

Lukas 16:24

Iwe, a kökkötä, ‘Semei Apraham, kopwe tongeei o tinala Lasarus pwe epwe tikilong aütün lon koluk o apatapata chönawei, pun üa fokun riaföü lon ei ekkei.’

Nöün Paulus Toropwe ngeni ekewe Souläng lon Rom 8:24

Pun ren ei apilükülük sia küna manau. Nge are sia küna mine sia eäni apilükülük, ei esap wesewesen apilükülüköch. Pun iö epwe apilükülükü mine a fen küna?

Tuteronomi 28:48

Iei mine ewe Samol mi Lapalap epwe tinato remi chon oputemi, pwe oupwe angang ngeniir fän echik me kaka, fän selela me osupwangen mettoch meinisin. Iwe, Kot epwe anomu won üemi efoch waas seni mächä tori epwe arosakemiila.

Tuteronomi 32:16

Iwe, chon Israel ra kupeti leluken Kot ren ekewe koten lükün, ra asonga ren ar uluulun anümwäl mi anioput.