Jeremaia 2:23 - Chuukese Bible

²³ Pwota ka tongeni apasa, ‘Ngang üsap limengau. Ngang üsap fel ngeni ekewe anü Paal.’ Kopwe nenengeni om kewe föför ka föriir me lon ewe lemol o chechemeni mine ka föri. Ka usun chök eman liefefinin kamel mi säfeil ekis meinisin, lupwen a mochen etieti.

Jeremaia 2:23 Iomraidhean Croise

Ester 8:16

Pun iei a fis ngeni ekewe chon Juta eu fansoun apilükülüköch me pwapwa, pwal mwänek me iteüöch.

Kölfel 36:2

A lamalamtekia won inisin o ekieki pwe Kot esap tongeni küna o oput an tipis.

Kölfel 50:21

Ekei mettoch en ka föri, nge ngang üa fanafanala. Ka ekieki pwe ngang usun chök en. Nge iei üpwe apwünguk o atipisuk.

Än Salomon Fos 28:13

Eman aramas mi aopala an tipis esap fefeitä lon manauan, nge eman mi pwärätä o likitala, Kot epwe ümöümöch ngeni.

Än Salomon Fos 30:12

Mi wor aramas ra ekieki pwe ra püsin limöch, nge ra fokun limengau.

Än Salomon Fos 30:20

Iei usun föförün eman fefin mi kirikiringau ngeni pwülüan: A lisowu ngeni pwal eman, a tütü o apasa, “Üsap föri och mi ngau.”

Jeremaia 14:10

Iei alon ewe Samol mi Lapalap fänäsengesin ekei aramas, “Ra fokun sani ar repwe feil seniei, resap tongeni nemeni pecher. Iei mine ngang üsap etiweer. Üpwe chechemeni ar föföringau o apwüngüür pokiten ar kewe tipis.”

Jeremaia 16:10

Iwe, lupwen kopwe üreni ekei aramas ekei kapas meinisin, repwe aisinuk, ‘Pwota ewe Samol mi Lapalap a apwüngala ei sokun feiengau mi watte ngenikem? Met äm föföringau? Met sokun tipis aia föri ngeni ewe Samol mi Lapalap äm we Kot?’,

Jeremaia 2:36

Pwota a fokun mecheres ngonuk om kopwe siwili alom? Kopwe lichipüng ren chon Isip, usun ka fen lichipüng ren chon Asiria.

Jeremaia 3:2

Kopwe netä won ungen ekewe chuk o nenengeni. Ifa usun, epwe wor eu leni ia en kosap fangala inisum ie? Ka nissoal lepekin ekewe al o awiti ekewe kamwet ka akawit usun eman chon Arapia lon fanüapö. En ka alimengaua ewe fanü ren om föförün lisowu.

Jeremaia 31:22

Ifa ükükün fansoun om kopwe rikirikfetal, en Israel kosap allükülük? Ngang ewe Samol mi Lapalap üa afisätä och mettoch mi fö o sokola won fanüfan: Israel epwe fitipacheiti Kot.”

Jeremaia 7:31

Ra aüetä eu lenien fel itan Tofet mi nom lon ewe lemolun Hinom, pwe repwe kenala nöür ät me nengin. Ei sokun föför üsap allük ngeniir, esap pwal nom lon ai ekiek.

Jeremaia 9:14

Nge ra ülöförea o chei mochenin leluker, ra fel ngeni ekewe anü Paal usun ar kewe lewo ra aiti ngeniir.

Osea 1:2

Iwe, lupwen ewe Samol mi Lapalap a popuetä le fos ngeni Osea fän iten chon Israel, a üreni, “Kopwe feila o angei eman fin lisowu pwe pwülüom, epwe pwal nöünöü me womw, nge nöün kana repwe kirikiringau usun chök i. Pun iei usun aramasen ei fanü ra föri angangen lisowu ren ar likitieila ngang ewe Samol mi Lapalap.”

Lukas 10:29

Nge ewe Sensen Allük a mochen pwärala pwe i mi pwüng, iei mine a üreni Jesus, “Iö chon ori?”

Nöün Paulus Toropwe ngeni ekewe Souläng lon Rom 3:19

Iei sia silei pwe meinisin mine a mak lon ekewe Allük a fän iten chokewe mi nom fän ekewe Allük pwe epwe aükätiu än aramas meinisin künetipingen o atolonga unusen fanüfan fän än Kot kapwüng.