Jeremaia 2:21 - Chuukese Bible

²¹ Nge ngang üa fotukuk usun efoch irän wain mi mürina, a pwük seni föün mi unusen mürina. Pwota ka ingauala o wiliti efoch irän wain mi mwacho o lomotongau?

Jeremaia 2:21 Iomraidhean Croise

Keneses 18:19

Iwe, üa fen afili pwe epwe aiti ngeni nöün me chon leimwan me mwirimwirin kana usun ar repwe aleasochisiei o föri mine a pwüng me wenechar. Iwe, are repwe föri iei usun, ngang ewe Samol mi Lapalap üpwe atoto won Apraham mine üa fen pwon ngeni.”

Keneses 32:28

Nge ewe mwän a üreni, “Kosap chüen iteni Jakop, pwe kopwe iteni Israel . Pun ka fiu ngeni Kot me aramas, nge en ka win.”

Kölfel 105:6

ämi mwirimwirin Apraham nöün Kot we chon angang, ämi mwirimwirin Jakop kewe, ätewe mi fil me ren.

Kölfel 44:2

Ka püsin asüela chon ekewe mwü, nge ka fotukätiu äm kewe lewo lon ewe fanü. Ka ariaföüü ekewe aramas, nge ka angasa äm kewe lewo.

Kölfel 80:8

En ka uwato efoch irän wain seni Isip, ka asüela chon ekewe mwü o fotukätiu ewe irä lon fanüer.

Kölfel 80:9

Ka limeti eu leni fän iten ewe irä pwe epwe tongeni märitä. A tötiu waran fän pwül lealolol, a pwal amasoua ewe fanü.

Ekistos 15:17

Ai Samol mi Lapalap, en kopwe emwenirelong lon ewe fanü o fotukiretiu won chukum, ewe leni ka püsin föri pwe kopwe nonom lon, ewe leni mi pin ka afisätä ren poum, ai Samol mi Lapalap.

Aisea 1:21

Ewe telinimw mi pwüng me lom a usun chök eman fefin mi föri föförün lisowu. Me lom aramas mi pwüng ra imweimw lon, nge ikenai chon niela aramas ra choni.

Aisea 27:2

Lon ena fansoun Kot epwe apasa, “Oupwe kölü ewe tanipin wain mi mürina.

Aisea 41:8

Nge en Israel nei chon angang, en mwirimwirin Apraham, chiechiei we üa filuketä,

Aisea 5:4

Ifa usun, a chüen wor och angang üsamwo föri fän iten ai tanipin wain? Pwota a chök afisätä ua mi ngau, lupwen üa witiwiti an epwe afisätä ua mi öch?

Aisea 60:21

Mürin, noum aramas meinisin repwe föri mine a pwüng. Repwe fanüeni ewe fanü tori feilfeilachök, pun üpwe fotukiir ikenan ren püsin pei, pwe üpwe küna ling rer.

Aisea 61:3

Üpwe ngeni chokewe mi letipeta lon Sion epa mwärämwär siwilin falangen won mökürer, pwapwa siwilin kechü, pwal kölün mwareiti siwilin letipeta. Iwe, repwe wewe ngeni irä ewe Samol mi Lapalap a püsin fotuki, repwe föri mine a pwüng pwe Kot epwe küna ling ren.

Jeremaia 11:16

Me lom, ngang ewe Samol mi Lapalap üa aita ngeniir pwe ir efoch irä olif mi märöch a uani ua mi mürina. Nge ren ngüngün eu mölümöl mi watte ngang üpwe kenala chön o kupi palan kewe.

Jeremaia 11:17

Ngang ewe Samol mi Unusen Manaman, üa fotuki Israel me Juta. Nge iei üpwe awarato feiengau wor pokiten ekewe föför mi ngau ra föri. Ra asongaei ren ar asor ngeni ewe anü Paal.”

Jeremaia 5:10

Üpwe tinala chon oputeer ren ar kewe tanipin wain pwe repwe ataela ar kewe irän wain, nge resap unusen atarela. Repwe pöküetiu palan kewe, pun resap ai.

Kölün kechü 4:1

Ewe kolt a toputopula, ewe kolt mi mürina esap chüen molupolup. Föün ewe imwenfel ra toropasala lon ekewe al.

Isikiel 15:2

“Nöün aramas, ren met ewe irän wain a aüchea seni ekewe lusun irän lein wöllap?

Mateus 21:33

Iwe, Jesus a üra, “Oupwe rongorong ngeni pwal eu pworausen awewe: A wor eman soufanü mi fotuki eu tanipin wain, a föri eu tit ünükün, a tuw eu pwang fän iten ewe lenien üchüch föün wain o aüetä eu imwen mamas mi tekia lon. Mürin a awisa ekoch chon mälämäl pwe repwe tümwünü an tanipin wain. Iwe, a saila lon eu fanü toau.

Markus 12:1

Mürin Jesus a kapas ngeniir lon pworausen awewe: “A wor eman mwän a fotuki eu tanipin wain. A föri eu tit ünükün, a tuw eu pwang fän iten ewe lenien üchüch föün wain o aüetä eu imwen mamas mi tekia lon. Mürin a awisa ekoch chon mälämäl, pwe repwe tümwünü an tanipin wain. Iwe, a saila toau.

Lukas 20:9

Mürin Jesus a apworausa ngeni ekewe aramas ei pworausen awewe, “A wor eman mwän a fotuki eu tanipin wain. Iwe, a awisa ekoch chon mälämäl pwe repwe tümwünü, mürin a saila lon eu fanü toau.

Johannes 15:1

“Ngang wesewesen ewe irän wain, nge Semei ewe chon tümwünü ewe tanipin wain.

Tuteronomi 32:32

Iwe, ar irän wain a feito seni ekewe irän wain lon Sotom, pwal seni ekewe tanipi lon Komora. Ar kewe föün irän wain ra poison, umwur ra maras.

Tuteronomi 4:37

Iwe, pokiten a echeni ämi kewe lewo o afili mwirimwirir, a emwenikemiiwu seni Isip ren an nonom ngenikemi, pwal ren an manaman mi lapalap.

Josua 24:31

Iwe, chon Israel ra angang ngeni ewe Samol mi Lapalap lon ränin manauen Josua meinisin, pwal lon ränin manauen ekewe souakom mi manauatam seni Josua, ir mi silei ekewe föför meinisin ewe Samol mi Lapalap a föri fän iten Israel.