Jeremaia 2:2 - Chuukese Bible

² pwe üpwe feila o aronga ngeni chon Jerusalem alon, “Israel, üa chechemeni om angangöch ngeniei leföpwülum we, pwal om echeniei, lupwen sa kärän pwüpwülü. Üa chechemeni usun om etifeiliei lon ewe fanüapö, lon eu fanü esap wor eman a fofot ie.

Jeremaia 2:2 Iomraidhean Croise

Kölfel 129:1

Israel epwe apasa, “Chon oputaei ra fokun ariaföüüei seni leküküni.

Ekistos 14:31

Lupwen ekewe chon Israel ra küna än ewe Samol mi Lapalap manaman a föri ngeni ekewe re Isip, ra meniniti ewe Samol mi Lapalap, ra pwal lükü i me nöün we chon angang Moses.

Ekistos 16:8

Moses a pwal üra, “Ewe Samol mi Lapalap epwe ngenikemi fituk lekuniol pwe oupwe ochoch, nge lesosor epwe ngenikemi pilawa ükükün ämi mochen, pun a rongorong ämi lal ngeni. Pun iö äm? Ousap lal ngenikem, pwe oua lal ngeni ewe Samol mi Lapalap.”

Än Salomon Fos 1:20

Tipachem a osomong le kökkö lon ewe al, a alapatä mwelian lon ekewe lenien amwicheich,

Än Salomon Köl 3:11

Oupwe towu, ämi föpwülün Sion, pwe oupwe nengeni ewe king Salomon mi mwärini ewe mwärämwär inan a amwärämwära ngeni lon ränin an apwüpwülü, lon ewe rän letipan a fokun pwapwa.

Än Salomon Köl 3:6

Met ewe a feitä seni lon fanüapö usun eu ötüöt mi ötütä, a pwokus ren säfei mi aüchea me apach mi pwokus, pwal ren sokun osiroi mi pwokus itan mör chon amömö ra amömöla?

Aisea 58:1

Ewe Samol mi Laplap a apasa, “Kopwe kökkö fän leüömong, nge kosap säw. Kopwe alapätä mweliom usun eu rappwa o pwärätä än nei aramas ekewe mwirimwirin Jakop pupungau me tipis.

Jeremaia 11:6

Iwe, ewe Samol mi Lapalap a üreniei, “Kopwe asilefeili ekei kapas me lon ekewe telinimwen Juta, pwal lon ekewe alen Jerusalem: Oupwe aüselinga kapasen ei pwon o apwönüetä.

Jeremaia 19:2

Oupwe towu me lon ewe Asamalapen Mökkün Sepi o feila lon ewe lemolun Hinom. Ikenan kopwe asile ngeniir ekewe kapas üpwe ürenuk.

Jeremaia 2:1

Iwe, ewe Samol mi Lapalap a üreniei,

Jeremaia 2:6

Resap ekiekiei, nge ngang üa fen amanaueer seni ewe fanü Isip o emwenirela lon ewe fanüapö. Ei fanüapö eu fanü mi pön o pwokurokur, eu fanü esap püngütiu üt won, a chök wor feiengau lon, eu fanü esap wor eman a nom ie, esap pwal wor eman a mochen pwerela won.

Jeremaia 3:4

Nge iei ka üreniei, ‘En semei, ka tongeei seni leküküni.

Jeremaia 7:2

pwe epwe feila o ütä leasamalapen ewe imwenfel. Epwe aronga ekei kapas ngeni ekewe chon Juta meinisin mi feito pwe repwe fel ngeni ewe Samol mi Lapalap,

Isikiel 16:22

Nge lon om kewe föför mi anioput me om lisowu meinisin kosap chechemeni lekükünum, lupwen ka fokun selela o fares lon chaom.”

Isikiel 16:60

Nge ngang üpwe chechemeni ai we pwon ngonuk lupwen lekükünum, üpwe pwal afisätä eu pwon esemüch lefilach.

Isikiel 16:8

Lupwen üa pwal pwereto, üa küna pwe a tori fansoun om kopwe tongeni pwüpwülü. Iwe, üa ameresala üfei womw o pwölüela om selela, üa pwal pwon ngonuk pwe üpwe tongeek. Ewer, üa eäni eu pwon fän akapel ngonuk pwe sipwe pwüpwülü. Iwe, ka wiliti pwülüei,” iei alon Kot ewe Samol mi Lapalap.

Isikiel 23:19

Nge a chök alapala an amömö inisin fän iten lisowu, pun a chechemeni fansoun an föpwül, lupwen a amömö inisin lon ewe fanü Isip.

Isikiel 23:3

Ra amömö inisir fän iten lisowu lon Isip, lupwen ra chüen föpwül. Ikenan mwän ra atapa oupwur o urumwotiti.

Isikiel 23:8

Esap likitala an amömö inisin fän iten lisowu, a fen föri lon Isip, lupwen mwän ra kon ren lon fansoun an föpwül, lupwen ra urumwotiti oupwun o awesi ar mocheisou ngeni.

Osea 11:1

Ewe Samol mi Lapalap a apasa, “Lupwen Israel a eman semirit, ngang üa tongei. I nei mwän üa körawu seni Isip.

Osea 2:15

Me ikenan üpwe aliwinisefäli ngeni an kewe tanipin wain o föri pwe ewe lemolun Akor epwe wiliti eu asamen Apilüköch. Ikenan epwe kul letipan ngeniei usun chök leföpwülün, usun chök lon ewe fansoun lupwen a towu seni ewe fanü Isip.

Osea 2:17

Üpwe aükätiu me lon awan iten ekewe anü Paal, pwe esap chüen föüni iter.

Osea 2:7

Epwe tapwela mürin nöün kewe kamwet, nge esap toriir. Epwe kütteer, nge esap küneer. Mürin epwe apasa, “Üpwe liwiniti pwülüei akom, pun üa feiöch me mwan lap seni iei.”

Osea 8:1

Iwe, ewe Samol mi Lapalap a üra, “Kopwe ettiki ewe rappwa. Ekewe chon oputen Israel repwe feito usun eman ikel o maun ngeni nei aramas, pun nei aramas ra atai ai we pwon ngeniir o purätiu ai we allük.

Osea 9:10

Iwe, ewe Samol mi Lapalap a üra, “Lupwen üa küna Israel me lom, a usun chök ai küna föün irän wain lon fanüapö. Lupwen üa küna ämi kewe lewo, a usun chök ai küna mwen uän ewe irä fik. Nge lupwen ra tori Paal-peor, ra popuetä le fel ngeni ewe anü Paal o wiliti och minen anioput usun chök ekewe anümwäl ra echeni.

Sona 1:2

“Kopwe ütä o feila Ninifa ewe telinimw mi lapalap, pwe kopwe apwüngü aramasan, pun üa küna ar föför mi fokun ngau.”

Mateus 11:15

Iö a wor selingan epwe rongorong.

Lukas 12:13

Iwe, a wor eman mwän me lon ewe mwichen aramas a üreni Jesus, “Sense, kose mochen kopwe üreni pwii pwe epwe ineti mettochum me won semem.”

Tuteronomi 2:7

Iwe, ewe Samol mi Lapalap ämi we Kot a afeiöchü angangen pöümi meinisin. I a tümwünü ämi saifetal lon ewe fanüapö mi watte. Ewe Samol mi Lapalap ämi we Kot a etikemi lon ekei faik ier, pwe ousap osupwang ren och mettoch.

Tuteronomi 33:3

Ellet, a tongei nöün aramas. Nöün chon pin ra nom lepöün. Iwe, ra chapetiu arun pechen o angei an öüröür,

Tuteronomi 8:2

Oupwe chechemeni usun än ewe Samol mi Lapalap ämi we Kot emwenikemiila lon ewe fanüapö lon ekewe faik ier ra la. A awarato weires womi pwe epwe atekisonakemi o sotunikemi, pwe epwe silei met mi nom lon lelukemi, ika oupwe aleasochisi an kewe allük ika ousap.

James 4:4

Ämi aramas mi kirikiringau! Ousap silei pwe chiechi ngeni fanüfan wewen fiu ngeni Kot? Iö a mochen chiechi ngeni fanüfan, i ewe aramas mi fiu ngeni Kot.

Pwärätä 2:4

Nge iei met üpwe pölüenuk won: Iei kosap chüen echeniei, usun om echeniei me lepoputän.