Jeremaia 2:19 - Chuukese Bible

¹⁹ Püsin om kewe föföringau repwe apwünguk, nge om kul seniei epwe atipisuk. Kopwe mefi pwe a ingau o weires ngonuk om kopwe likitieila, ngang ewe Samol mi Lapalap om we Kot. Esap wor menini me reöm. Ngang ewe Samol mi Lapalap, ewe Kot mi Unusen Manaman üa kapas.”

Jeremaia 2:19 Iomraidhean Croise

1. King 18:18

Nge Elias a üreni, “Sap ngang üa atolonga Israel lon feiengau, ngei en me chon leimwen semom, pun oua aleasolap ngeni än ewe Samol mi Lapalap kewe allük o fel ngeni ekewe uluulun anü Paal.

2. Kronika 12:5

Mürin, ewe soufos Semaia a feila ren Rehopoam me ekewe samolun Juta mi chufengen lon Jerusalem, pokiten ra sü me mwen Sisak. Iwe, a üreniir, “Iei alon ewe Samol mi Lapalap ngenikemi: Ämi oua pöütieila, iei mine üa asechikemiilong lepöün Sisak.”

2. Kronika 21:10

Iei usun chon Etom ra ütä, nge resap chüen nom fän nemenien Juta tori ikenai. Lon ewe chök fansoun Lipna a pwal ütä won mwün, pun Jehoram a likitala ewe Samol mi Lapalap än an kewe lewo we Kot.

2. Kronika 25:16

Nge lupwen a chüen kapas, ewe king a üreni, “Ifa usun, äm aia awisok pwe kopwe nöün ewe king chon öüröür? Kopwe ükütiu le fos. Ika kosap ükütiu, kopwe mäla.” Iei mine ewe soufos a ükütiu le fos, nge a üra, “Iei üa silei pwe Kot a fokun ekiekin niikela, pun ka föri ei, nge kosap aüselinga mine üa öüröüra ngonuk.”

Kölfel 36:1

Tipis a nom lon leluken eman aramasangau o kapas ngeni. Esap wor an meniniti Kot.

Ekistos 33:6

Iei mine ekewe aramasen Israel resap chüen fouteer seni ewe fansoun ra nom ren ewe chuk Horep.

Än Salomon Fos 1:31

iei mine oupwe kini uän ämi föför, oupwe notä ren mine oua püsin ekiekietä.

Än Salomon Fos 1:32

Pun ekewe chon wewemang repwe mäla ren ar kul seniei, nge ekewe chon tiparoch repwe feiengau ren püsin ar tümwününgau.

Än Salomon Fos 5:22

Än ewe aramasangau föföringau ra püsin likatupu i, a oo lon püsin an tipis.

Aisea 3:9

Wowon won meser a pwärätä ar lapalapangau, ra tipis usun chon Sotom, nge resap aopala. Feiengauer! Pun ra püsin atoto feiengau wor.

Aisea 5:5

Iwe, iei üpwe asile ngenikemi mine üpwe föri ngeni ai tanipi. Üpwe ütti ekewe irä mi tii ünükün ewe tanipi o ataela ewe tit pwe ekewe manmwacho repwe tolong. Repwe eni ekewe irän wain o puriretiu.

Aisea 50:1

Iei alon ewe Samol mi Lapalap, “Ifan ewe toropwen mwüfesen üa pöütala inemi ren? Üa amömökemiila ngeni iö pokiten ai liwinimang ngeni? Nengeni, oua püsin amömökemiila pokiten ämi kewe tipis, nge pokiten ämi kewe pupungau inemi a mwü.

Jeremaia 1:16

Üpwe apwüngü nei aramas pokiten ar föföringau meinisin. Ra likitieila, ra asor ngeni pwal ekoch kot o fel ngeni mine ra püsin föri ren pöür.

Jeremaia 13:22

Nge are ka ekieki lon lelukom, “Pwota ekei feiengau ra toriei?” Pokiten watten om tipis, a fis pwe aramas ra kamwei senuk ufom o achomanauok.

Jeremaia 2:17

Ifa usun, sap püsin en Israel ka awarato womw ei feiengau ren om likitieila ngang ewe Samol mi Lapalap, lupwen üa emwenukela won ewe al?

Jeremaia 3:22

Oupwe liwinto, ämi meinisin mi kul seni ewe Samol mi Lapalap, i epwe awesi ämi kirikiringau. Nge ämi oupwe apasa, “Ewer, äm aipwe liwinto ren ewe Samol mi Lapalap, pun i äm we Kot.

Jeremaia 4:18

Om kewe lapalap me om kewe föför ra awarato ei feiengau womw. Iei popun ka küna apwüng ren, eu apwüng mi fokun aweires. A fokun küw lelukom.

Jeremaia 5:22

Ngang ewe Samol mi Lapalap, pwota ousap meninitiei? Pwota ousap chechech me fän mesei? Üa anomu pi pwe kiännin matau, eu epet mi nom fochofoch esap tongeni tö ren sät. Inamwo ika ekewe no ra watte, resap tongeni lu seni ewe kiä, inamwo ika a wor öütöüt, nge esap tongeni atai.

Jeremaia 5:24

Ousap ekieki lon lelukemi, ‘Ousipwe meniniti ewe Samol mi Lapalap ach we Kot, mi fang ngenikich üt lon fansoun öch, mi fang ngenikich ewe ütten lefen me ütten leres o awarato ngenikich ewe fansoun kinikin iteiten ier.’

Jeremaia 5:6

Iei mine eman laion seni ewe wöllap epwe niirela, eman wolif seni ewe fanüapö epwe afeiengaueer. Eman manmwacho itan lepart a operi ar kewe telinimw, epwe atatakisi ekewe aramas mi towu me lor, pokiten chomongun ar tipis me watten ar tokola seni Kot.

Jeremaia 7:19

Ifa usun, ngang ewe ra ariaföüü? Apwi, püsin ir, ra pwal püsin atoto säw wor.

Jeremaia 8:5

Pwota chök ämi nei aramasen Jerusalem oua tokofochofochola, nge ousap fokun kulsefäl? Oua kamwöchünuk won ämi kewe uluulun anümwäl, nge ousap fokun mochen liwinsefäl.

Isikiel 23:30

ra atoto womw ei feiengau. Ka amömö inisum fän iten lisowu ngeni ekewe mwü, ka pwal püsin alimengauok ren ar kewe uluulun anümwäl.

Isikiel 39:24

Iwe, üa liwini ngeniir ükükün ar limengau me ar pupungau o amona mesei seniir.”

Osea 11:7

Nei aramas ra oucho le kul seniei. Inamwo ika ra siö ngeniei, üsap fokun angaseer.

Osea 13:9

Üpwe afeiengauakemi, ämi chon Israel, pun oua ü ngeniei ngang ewe chon alisikemi.

Osea 14:1

Ämi chon Israel, oupwe liwiniti ewe Samol mi Lapalap ämi we Kot. Oua chepetek o turula pokiten ämi kewe tipis.

Osea 4:16

Chon Israel ra ülöförea usun eman nienifön kow mi ülöförea. Ifa usun, ngang ewe Samol mi Lapalap üpwe tongeni amongöör usun ai amongöü apanen sip lon eu maasies?

Osea 5:5

Än Israel lamalamtekia a püsin sapeiti. Chon Israel repwe chepetek ren ar tipis, pwal chon Juta repwe etiir le chepetek.

Osea 7:2

Nge resap ekieki pwe üa chechemeni ar kewe föföringau meinisin. Iei ar kewe tipis ra pweli ünükür, ra nom fän mesei iteiten fansoun.

Osea 9:1

Ämi chon Israel, ousap meseik, ousap ingemwar usun chon ekewe mwü. Pun oua kirikiringau ngeni ämi we Kot o kul seni. Won unusen ewe fanü oua amömöla inisimi ngeni ewe anü Paal usun mine eman fin lisowu a föri, oua efich ewe wiich oua ekieki pwe ewe anü a liwini ngenikemi.

Amos 8:10

Üpwe awili ämi kewe fansoun chulap ngeni fansoun letipeta me ämi kölün pwapwa ngeni kölün kechü. Üpwe föri pwe ämi meinisin oupwe üföüf üf seni tuk o räisöüla möküremi. Lon ena fansoun üpwe föri pwe oupwe letipeta usun eman a letipeta ren nöün aleman mi mäla. Meinisin mine a fis epwe sopolong lon riaföü.

Mika 1:5

Ekei mettoch meinisin repwe fis pokiten än mwirimwirin Jakop kewe pupungau me än chon Israel kewe tipis. Iö popun än mwirimwirin Jakop pupungau? Sap ekewe chon Samaria? Iö a fel ngeni ekewe uluulun anümwäl me lon Juta? Sap ekewe chon Jerusalem?

Sekaraia 7:11

Nge ir resap mochen rongorong, ra kulu sökürür o pinei selinger pwe resap tongeni rongorong.

Nöün Paulus Toropwe ngeni ekewe Souläng lon Rom 3:18

resap pwal silei ar repwe niuokusiti Kot.”

Soukapwüng 10:13

Nge oua chök likitieila o angang ngeni pwal ekoch kot. Iei mine üsap chüen amanauakemi.