Jeremaia 2:18 - Chuukese Bible

¹⁸ Met om feiöch ren om feila Isip pwe kopwe ün seni kolukun ewe chanpupu Nil? Ika met om feiöch ren om feila Asiria pwe kopwe ün seni kolukun ewe chanpupu Oifrat?

Jeremaia 2:18 Iomraidhean Croise

2. Kronika 28:16

Lon ena fansoun ewe king Ahas a titi Tiklat-pileser ewe kingen Asiria pwe epwe alisi.

Aisea 23:3

ra uwato remi wiich seni Sihor me resin ewe chanpupu Nil. Leniemi a eu lenien amömö fän iten chon fanüfan meinisin.

Aisea 31:1

Feiengauen chokewe ra kütta alilisir seni Isip. Ra lükülük won oris me woken pokiten chomongur, ra pwal lükülük won chon wawa oris pokiten ra fokun pöchökül, nge resap kütta alilisir me ren ewe Samol mi Lapalap, Ewe mi Pin lon Israel, resap pwal anomu ar apilükülük won.

Aisea 7:20

Lon ena fansoun ewe Samol mi Lapalap epwe satani eman chon räisö seni pekilan ewe chanpupu Oifrat, pwe epwe räisöw möküremi me pechemi pwal alusemi. Iwe, ewe räisö fokun ewe kingen Asiria.

Jeremaia 2:36

Pwota a fokun mecheres ngonuk om kopwe siwili alom? Kopwe lichipüng ren chon Isip, usun ka fen lichipüng ren chon Asiria.

Jeremaia 31:22

Ifa ükükün fansoun om kopwe rikirikfetal, en Israel kosap allükülük? Ngang ewe Samol mi Lapalap üa afisätä och mettoch mi fö o sokola won fanüfan: Israel epwe fitipacheiti Kot.”

Kölün kechü 4:17

Sa weires le nenefetalei ika eman epwe alisikich, nge esap wor lomotan. Sa akawitiwiti ach alilis seni eu mwü esap tongeni amanauakich.

Kölün kechü 5:6

Äm aia feila Isip me Asiria o tüngor enem mongö pwe aipwe tongeni manau.

Isikiel 16:28

Iwe, pokiten kosap menemenöch, ka pwal amömö inisum ngeni chon Asiria. Ewer, ka lisowu ngeniir, iei mwo nge kosap pwal menemenöch ren.

Isikiel 17:15

Nge ewe kingen Juta a ütä ngeni ewe kingen Papilon o tinala nöün chon künö Isip, pwe epwe tüngor seni oris me sounfiu mi chomong. Ifa usun, epwe pwäk ngeni? Ifa usun, eman aramas mi föri ei sokun esap angei liwinin an föför? Ifa usun, a tongeni atai eu pwonen atipeeu, nge esap angei liwinin?

Isikiel 23:30

ra atoto womw ei feiengau. Ka amömö inisum fän iten lisowu ngeni ekewe mwü, ka pwal püsin alimengauok ren ar kewe uluulun anümwäl.

Osea 5:13

Iwe, lupwen Israel a küna an samau o Juta a küna kinasan, mürin Israel a feila Asiria o tüngor än ewe king mi lap alilis. Nge i esap tongeni alisiir ika amoela kinaser.

Osea 7:11

Chon Israel ra wewe ngeni eman lisom, ra tupukai, esap pwal wor ar mirit. Ra siö ngeni Isip, mürin ra pwal feila Asiria.

Josua 13:3

Ewe fanü seni ewe chanpupu Sihor mi nom ötiuen Isip pwere ngeni efeng tori kiännin Ekron, iei fanüen chon Kanaan. Nge mi wor limman sounemenemen chon Filistia, ra nom lon Kasa, Astot, Askelon, Kat me Ekron. Ousamwo pwal liapeni fanüen chon Aw mi nom ör,