Jeremaia 2:17 - Chuukese Bible

¹⁷ Ifa usun, sap püsin en Israel ka awarato womw ei feiengau ren om likitieila ngang ewe Samol mi Lapalap, lupwen üa emwenukela won ewe al?

Jeremaia 2:17 Iomraidhean Croise

1. Kronika 28:9

Nge en Salomon nei mwän, kopwe lükü än semom we Kot, kopwe pwal angang ngeni ren unusen lelukom me mochenin letipom. Pun ewe Samol mi Lapalap a etittina letip meinisin o weweiti iteiten akot me ekiek. Are ka kul ngeni Kot, i epwe etiwok, nge are ka likitala i, i epwe pöütukela tori feilfeilachök.

2. Kronika 15:2

A towu seni ewe telinimw pwe epwe churi Asa. Iwe, a üreni, “Oupwe aüselingaei, Asa me chon Juta me Peniamin meinisin. Ewe Samol mi Lapalap a etikemi, lupwen oua eti i. Are oua kütta i, oupwe küna, nge are oua pöütala i, epwe pöütikemiila.

Hiop 34:27

pun ra kul seni ar tapwela mürin, nge resap afäli an kewe allük.

Hiop 4:8

Iei usun mine üa küna: Chokewe mi fotuki tipis o amworafeili föför mi ngau repwe chök kini mine ra fotuki.

Kölfel 107:7

A emwenirela won efoch al mi wenechar tori ra tori eu telinimw pwe repwe imweimw lon.

Kölfel 136:16

A emweni nöün kewe aramas lon ewe fanüapö, an tong ellet a nonom tori feilfeilachök.

Kölfel 77:20

Ka emweni noum aramas ren Moses me Aaron usun eman chon mas a emweni eu pwiin sip.

Än Salomon Fos 15:10

Mi wor eu apwüng mi chou fän iten ätewe mi föri mine a ngau, nge ätewe mi oput kapasen fön epwe mäla.

Aisea 1:4

Ämi eu täppin aramas mi tipis, oua fokun föföringau, nau mi lükümach chök. Oua pöütala ewe Samol mi Lapalap, oua turunufasei Ewe mi Pin lon Israel o kul seni.

Aisea 59:13

Äm aia ü ngonuk o pöütukala, en äm Samol mi Lapalap, aia pwal kul senuk, en äm Kot. Iwe, aia ariaföüü aramas o pälüenuk, aia pwal ekieki mine a ngau o apasätä kapas chofana.

Jeremaia 13:22

Nge are ka ekieki lon lelukom, “Pwota ekei feiengau ra toriei?” Pokiten watten om tipis, a fis pwe aramas ra kamwei senuk ufom o achomanauok.

Jeremaia 19:4

Üpwe föri ei, pun ekewe aramas ra likitieila. Ra apiningaua pinin ei leni ren ar keni apach mi pwokus ngeni pwal ekoch kot, sokun kot ir me ar kewe lewo pwal ekewe kingen Juta resap sileer. Ra aura ei leni ren chan chokewe esap wor ar tipis.

Jeremaia 2:13

Pun nei aramas ra föri ruu tipis: Ra likitieila, ngang ewe puächen kolukun manau, nge ra tuw chönüttu fän iter, sokun chönüttu mi sangang, esap tongeni mwöch koluk lor.

Jeremaia 2:19

Püsin om kewe föföringau repwe apwünguk, nge om kul seniei epwe atipisuk. Kopwe mefi pwe a ingau o weires ngonuk om kopwe likitieila, ngang ewe Samol mi Lapalap om we Kot. Esap wor menini me reöm. Ngang ewe Samol mi Lapalap, ewe Kot mi Unusen Manaman üa kapas.”

Jeremaia 4:18

Om kewe lapalap me om kewe föför ra awarato ei feiengau womw. Iei popun ka küna apwüng ren, eu apwüng mi fokun aweires. A fokun küw lelukom.

Jeremaia 44:3

pokiten ekewe föför mi ngau ekewe aramas ra föriir. Ra asongaei ren ar keni apach mi pwokus, pwal ren ar fel ngeni pwal ekoch kot, ir me ämi pwal ämi kewe lewo ousap fel ngeniir me mwan.

Jeremaia 5:25

Ämi kewe föför mi ngau ra atoka senikemi ekei fansoun öch, ämi tipis ra amwöchü senikemi ekei feiöch.

Isikiel 39:24

Iwe, üa liwini ngeniir ükükün ar limengau me ar pupungau o amona mesei seniir.”

Osea 13:9

Üpwe afeiengauakemi, ämi chon Israel, pun oua ü ngeniei ngang ewe chon alisikemi.

Mika 1:5

Ekei mettoch meinisin repwe fis pokiten än mwirimwirin Jakop kewe pupungau me än chon Israel kewe tipis. Iö popun än mwirimwirin Jakop pupungau? Sap ekewe chon Samaria? Iö a fel ngeni ekewe uluulun anümwäl me lon Juta? Sap ekewe chon Jerusalem?

Numperis 32:23

Nge are ousap apwönüetä ämi pwon, oua tipis ngeni ewe Samol mi Lapalap. Oupwe silei pwe liwinin ämi tipis epwe fokun torikemi.

Tuteronomi 32:10

Kot a küneer me lon eu fanü mi pön, me lon eu leni mi pön o uren sokun wörüwör. A pwelifeiliir o foleniir, a tümwünüür usun chök fituken lon mesan.

Tuteronomi 32:19

Lupwen ewe Samol mi Lapalap a küna ar föför, a song o pöütala nöün mwän me fefin.