Jeremaia 2:16 - Chuukese Bible

¹⁶ Pwal ekewe aramasen Memfis me Tapanes ra reipöpöla meten möküran.

Jeremaia 2:16 Iomraidhean Croise

2. King 18:21

Ewer, ka apilükülükü Isip ewe liwo mi kupukai, epwe pwangeni pöün eman a itetä won. Iei usun lapalapen Farao ewe kingen Isip ngeni chokewe mi anomu ar apilükülük won.

2. King 23:33

Iwe, Farao Neko a fötekini Joahas me lon Ripla lon ewe fanü Hamat, pwe esap chüen tongeni nemeni Juta. A pwal angei takises seni chon Juta ükükün fisu ngeröü limepükü paun silifer me fik me limu paun kolt.

Aisea 19:13

Iwe, ekewe samolun Soan ra wiliti chon umwes, ekewe samolun Memfis ra ruongau, ekewe samolun Isip ra emweningaua chon Isip.

Aisea 59:13

Äm aia ü ngonuk o pöütukala, en äm Samol mi Lapalap, aia pwal kul senuk, en äm Kot. Iwe, aia ariaföüü aramas o pälüenuk, aia pwal ekieki mine a ngau o apasätä kapas chofana.

Aisea 8:8

Repwe tolong lon Juta usun eu noter a tolong lon ewe fanü o pwölüela. Nge lölön epwe feitä tori üen aramas. O Emanuel , ekewe chon Asiria repwe chonifetalei unusen fanüom.”

Jeremaia 44:1

Iwe, ewe Samol mi Lapalap a kapas ngeni Jeremaia fän äsengesin ekewe chon Juta meinisin mi nonom lon ewe fanü Isip, lon Miktol, Tapanes me Memfis, pwal lon ewe fanü Patros.

Jeremaia 46:14

“Oupwe asilefeili lon Isip o arongafeili lon Miktol, Memfis me Tapanes ekei kapas, ‘Oupwe ütä o amolakemiitä, pun pisekimi meinisin epwe tala lon maun.’

Jeremaia 46:19

Ämi chon Isip, oupwe amolätä pisekimi, pun oupwe oola. Memfis epwe wiliti eu fanüapö, eu leni mi tatakis esap so.’

Jeremaia 48:45

Ekewe choisä ra üla fän nürün Hespon lon ar apwangapwang. Iwe, eu ekkei a küwu seni Hespon, eu ngetenget a ngetewu seni imwen Sihon. A kenala kiännin ewe fanü Moap me chukun ewe mwichen aramas mi sani maun.

Isikiel 30:13

Iei alon Kot ewe Samol mi Lapalap, “Üpwe ataela ekewe uluulun anümwäl o atowu ekewe uluulun anümwäl me lon Memfis. Iwe, esap chüen wor eman samol lon ewe fanü Isip. Üpwe eniwokusu aramasen unusen ewe fanü.

Isikiel 30:16

Ewer, üpwe keni Isip. Chon Pelusium repwe chechech fän niuokus, tittin ewe telinimw Thebes epwe pwangapwang, nge chon maun repwe akariaföüü chon Memfis iteiten rän.

Osea 9:6

Inamwo are ra fen sü seni feiengau, chon Isip repwe achufengeniir, nge repwe peias lon Memfis. Pötöwölingau epwe mär lon ar kewe lenien iseis pisek aüchea seni silifer, nge iräfölüföl epwe mär lon imwer.

Tuteronomi 33:20

Nge a apasa usun ewe ainangen Kat, “Oupwe mwareiti Kot mi awatteela fanüer. Kat a öüröürela usun eman laion pwe epwe nomwuti pau ika mökür.