Jeremaia 2:15 - Chuukese Bible

¹⁵ Ra leüömong le wörüwör ngeni usun laion ra wörüwör. Ra ataela fanüan, an kewe telinimw ra tatakis, nge resap chüen so.

Jeremaia 2:15 Iomraidhean Croise

Hiop 4:10

Ekewe aramasangau ra wörüwör o ngüngü usun laion, nge Kot a afanafanalaar o kupi ngiir.

Kölfel 57:4

Chon oputaei mi wewe ngeni laion mi mwäräräiti le ochei aramas ra pwelifeiliei, ngir ra usun chök siles me föün esefich, nge chönawer ra usun chök ketilas mi ken.

Aisea 1:7

Fanüemi a tala, nge ämi telinimw ra karala. Chon ekis ra mongö uän fanüemi fän mesemi. Iwe, fanüemi a ta usun chök eu fanü chon ekis ra ataela.

Aisea 24:1

Iwe, ewe Samol mi Lapalap epwe atatakisi fanüfan o apööla. Epwe ataela won o atoropasa chon.

Aisea 5:29

Iwe, ra wörüwör usun chök laion ika usun apanen laion. Ra ngüngü, lupwen ra turufi liaper o uwala ekis, nge esap wor eman a tongeni amanaua liaper kewe.

Aisea 5:9

Iwe, üa rongorong än ewe Samol mi Unusen Manaman kapasen akapel, “Ellet, ekei imw watte pwal imweöch repwe tala, nge esap chüen wor aramas lor.

Aisea 6:11

Mürin üa aisini, “Ai Samol, ifa ükükün fansoun an epwe fis ei?” Iwe, Kot a pälüeni, “Tori ekewe telinimw repwe tala o pön, pwal tori esap chüen wor aramas lon ekewe imw, nge ewe fanü epwe unusen pön.

Jeremaia 10:22

Oupwe aüseling pwe eu pworaus a war. A wor eu akürangen maun mi watte a feito seni ewe mwü mi nom efeng. An kewe sounfiu repwe ataela ekewe telinimwen Juta, pwe repwe wiliti eu leni ia ekewe kolak mi mwacho repwe nom ie.

Jeremaia 25:30

Iei mine kopwe osuni ngeniir ekei kapas meinisin o üreniir, ‘Ewe Samol mi Lapalap epwe kökkö fän leüömong seni läng, epwe alapatä mwelian seni lenian mi pin. Epwe fokun kökkö fän leüömong ngeni nöün aramas o mweir usun chokewe mi puri föün wain. Epwe apwas ngeni chon fanüfan meinisin.

Jeremaia 25:9

üpwe titila ren chon ekewe mwü meinisin mi nom efeng, pwal ren nei chon angang Nepukatnesar ewe kingen Papilon. Üpwe emwenireto pwe repwe maun ngeni ei fanü Juta me aramasan, pwal ngeni chon ekewe mwü meinisin mi nom pwelin ünükün. Üpwe fokun aroserela o föri pwe repwe och minen eniweniw, och minen turunufas me itengau tori feilfeilachök. Ngang ewe Samol mi Lapalap üa kapas.

Jeremaia 26:9

Pwota ka osuni fän iten ewe Samol mi Lapalap o üra pwe ei imwenfel epwe wewe ngeni ewe lon Silo, nge ei telinimw epwe tala pwe esap so?” Iwe, ekewe aramas meinisin ra pweliela Jeremaia me lon imwen ewe Samol mi Lapalap.

Jeremaia 33:10

Iei alon ewe Samol mi Lapalap, “Ämi oua apasa usun ei leni pwe eu fanü mi pön, esap wor aramas ika man ra nom ie. Mi pwüng pwe ekei telinimwen Juta, pwal ekewe alen Jerualem ra pönüla, esap wor aramas ika man ra nom ie. Nge lon ekei leni oupwe rongorongsefäl

Jeremaia 34:22

Üpwe allük ngeniir pwe repwe liwiniti ei telinimw, repwe maun ngeni, repwe liapeni o kenala. Üpwe föri pwe ekewe telinimwen Juta repwe pönüla, nge resap chüen so. Ngang ewe Samol mi Lapalap üa kapas.”

Jeremaia 4:7

Usun eman laion a towu seni pwangan, iei usun ewe chon atai mwü a feiliwu. A likitala lenian pwe epwe ataela fanüemi, ämi kewe telinimw repwe tatakisitiu, pwe resap chüen so.

Jeremaia 44:22

Ewe Samol mi Lapalap esap chüen tongeni engila fän ämi kewe föför mi ngau me anioput. Iei mine fanüemi a wiliti eu fanü mi ta o pön, a anümamau, nge esap chüen so, usun a fis ikenai.

Jeremaia 5:6

Iei mine eman laion seni ewe wöllap epwe niirela, eman wolif seni ewe fanüapö epwe afeiengaueer. Eman manmwacho itan lepart a operi ar kewe telinimw, epwe atatakisi ekewe aramas mi towu me lor, pokiten chomongun ar tipis me watten ar tokola seni Kot.

Jeremaia 50:17

Iei alon ewe Samol mi Lapalap, “Chon Israel ra usun chök sip mi toropas, ekewe laion ra cherela. Ewe kingen Asiria a akomwen ocheer, mürin Nepukatnesar ewe kingen Papilon a ineei chüür.

Jeremaia 51:38

Ekewe chon Papilon meinisin repwe wörüwörfengen usun ekewe laion, repwe ngüngü usun ekewe apanen laion.

Jeremaia 6:8

Oupwe miritila, ämi chon Jerusalem! Pun are ousap, üpwe kul senikemi o awili ämi telinimw ngeni eu fanüapö ia esap wor eman a nonom ie.”

Jeremaia 9:10

Nge ngang üa apasa, “Üpwe ngüngüres fän iten ekewe chuk o kechüeiti ekewe lenien fetil me lon ewe fanüapö, pun ra pwasala. Iei mine esap wor eman a pwerela lor, esap pwal wor eman a rongorong wörüwörün kow me ie. Ekewe machang me ekewe manmwacho ra sü seniir.”

Jeremaia 9:11

Ewe Samol mi Lapalap a apasa, “Üpwe föri pwe Jerusalem epwe eu ioien mettoch mi tala, eu leni ia ekewe kolak mi mwacho ra nom ie. Üpwe pwal ataela ekewe telinimwen Juta pwe resap chüen so.”

Isikiel 36:3

Iei mine kopwe osuni o asile ngeniir mine ngang Kot ewe Samol mi Lapalap üa apasa: Lupwen ekewe mwü ünükümi ra liapenikemi o atakemi, ekewe lusun mwü ra lenienikemi, ra pwal ngününgünükemi o turunufaseekemi.

Isikiel 5:14

Iwe, üpwe pwal ataokela, Jerusalem, o föri pwe kopwe eu minen turunufas me lein chon ekewe mwün lükün, pwal me ren chokewe meinisin mi pwerela ünükum.

Osea 11:10

Iwe, nei aramas repwe tapweto müri, lupwen üpwe wörüwör ngeni chon oputeer usun eman laion. Iwe, repwe müttir feito rei seni lotou.

Osea 5:14

Pun ngang üpwe usun eman laion ngeni chon Israel, pwal usun eman nienifön laion ngeni chon Juta. Ngang, fokun ngang üpwe atatakisiir o likitirela. Nge lupwen üpwe etekinirela, esap wor eman epwe tongeni amanaueer.

Amos 3:12

Iei alon ewe Samol mi Lapalap, “Usun eman chon mas a angei seni awen eman laion ruofoch pechen eman sip ika eu seling chök, iei usun ekoch chök chon Israel mi nom lon Samaria repwe küna manau me lein chokewe mi mot won ar kewe lenien mot mi pwetete lon ei fansoun.”

Amos 3:4

Ifa usun, eman laion epwe wörüwör me lein wöllap are esap wor liapan? Ifa usun, eman nienifön laion epwe ngüngü me lon pwangan are esap wor mine a liapeni?

Amos 3:8

Are eman laion a wörüwör, iö esap niuokus? Are Kot ewe Samol mi Lapalap a kapas, iö esap asilefeili an kapas?”

Nahum 2:11

Ifa chök ewe telinimw mi wewe ngeni eu pwangen laion, ewe leni ia ekewe nienifön laion ra mongö ie, ewe ia ewe ätemwänin laion me ewe liafefinin laion ra feila ie, nge apaner kewe ra kinamwe lon?

Sefanaia 1:18

Sap ar silifer ika ar kolt epwe tongeni angaseer lon ewe ränin än ewe Samol mi Lapalap lingeringer. Unusen fanüfan epwe karala ren ekkeiin an lingeringer, pun epwe müttir le awesi manauen chon fanüfan meinisin.

Sefanaia 2:5

Feiengau epwe torikemi, ämi mi imweimw aroset, ämi chon Keret. Ewe Samol mi Lapalap a apwüngala pwe epwe ataela Kanaan, ewe fanüen chon Filistia. Epwe arosakemiila tori esap chüen wor eman lusun.

Sefanaia 3:6

Iei alon ewe Samol mi Lapalap, “Ngang üa ärala chon ekewe mwü. Ar kewe imw tekia o pöchökül ra tala. Üa föri pwe ekewe al ra pön, pwe esap wor eman a fetal wor, pwal ar kewe telinimw ra tala, pwe esap wor eman aramas a nonom lor.

Sekaraia 11:3

Oupwe aüseling ngeni än ekewe chon mas ngüngüres, pun fanüer mi mürina, ia a wor ie enen man, a tala. Oupwe aüseling ngeni wörüwörün ekewe laion, pun ewe wöllapen Jortan a tala.

Soukapwüng 14:5

Mürin, Samson a etatiu saman me inan lon Timna. Nge lupwen a tori ekewe tanipin wain me lon Timna, eman nienifön laion a müttir feito o wörüwör ngeni.