Jeremaia 2:13 - Chuukese Bible

¹³ Pun nei aramas ra föri ruu tipis: Ra likitieila, ngang ewe puächen kolukun manau, nge ra tuw chönüttu fän iter, sokun chönüttu mi sangang, esap tongeni mwöch koluk lor.

Jeremaia 2:13 Iomraidhean Croise

2. King 22:17

Pokiten ra likitieila o kenala apach mi pwokus ngeni pwal ekoch kot, pwe repwe asongaei ren ar kewe uluulun anümwäl ra püsin föri. Iei mine ai song epwe watte ngeni ei leni, nge esap wesila.’

Kölfel 36:9

Pun en ewe lepopun manau meinisin, nge ren om saram äm aia küna saram.

Än Salomon Afalafal 1:14

Üa küna meinisin mine aramas ra föri won fanüfan. Iwe, üa küna pwe mettoch meinisin ra pön, a usun chök turufi asepwäl.

Än Salomon Afalafal 1:2

Pön, fokun pön chök, ewe Chon Afalafal a apasa, fokun pön chök. Mettoch meinisin pön chök.

Än Salomon Afalafal 12:8

Pön, fokun pön chök, ewe Chon Afalafal a apasa, mettoch meinisin ra pön chök.

Än Salomon Afalafal 2:11

Mürin üa nenengeni meinisin mine üa föri, pwal ewe angang weires üa föri. Iwe, üa mefi pwe meinisin a pön, a usun chök turufi asepwäl. Esap wor och feiöch lon mine chon fanüfan ra föri.

Än Salomon Afalafal 2:21

Pun fän ekoch eman aramas a angang weires ren an tipachem me silelap, nge lesopolan manauan eman aramas esap angang weires a feiöchüni feiöchün meinisin. Pwal ei pön chök, pwal eu mettoch mi fokun ngau.

Än Salomon Afalafal 2:26

Iwe, mirit me silelap me pwapwa Kot a lifang ngeni eman a chen me ren. Nge Kot a ngeni chon tipis angangen ionifengeni o achukuchukätä wöü, nge mürin a ngeni chokewe ra chen me ren pwe repwe wöüni. Pwal ei pön chök, a usun chök turufi asepwäl.

Än Salomon Afalafal 4:4

Mürin üa pwal küna popun än aramas angang weires me ar kütta met repwe fefeitä ren, pun ra lolowo ngeni chon arur. Iwe, pwal ei pön chök, a usun chök turufi asepwäl.

Aisea 1:3

Eman kow a silei an samol, nge eman aas a silei ewe sepi an samol a amongöü lon. Nge ar sile a kon lap seni än chon Israel sile, nei aramas kana esap wor ar wewe.”

Aisea 1:4

Ämi eu täppin aramas mi tipis, oua fokun föföringau, nau mi lükümach chök. Oua pöütala ewe Samol mi Lapalap, oua turunufasei Ewe mi Pin lon Israel o kul seni.

Aisea 12:3

Iwe, oupwe üfi koluk fän pwapwa seni ewe chönüttun kolukun manau.

Aisea 5:13

Iei mine oupwe oola won fanü toau mwen ämi oupwe mefi. Iwe, chokewe mi iteüöch me leimi repwe mäla ren ar echik, nge ekewe aramas repwe mäla ren ar kaka.

Aisea 55:2

Pwota oua mochen püngütiu moni fän iten mettoch ousap tongeni mongö? Pwota oua angang weires fän iten mine ousap möt ren? Oupwe fokun aüselingaei o föri mine üa ürenikemi. Iwe, epwe wor enemi mongö mi annö, oupwe pwal pwapwaiti uän ewe fanü mi fokun chomong.

Aisea 63:8

Ewe Samol mi Lapalap a apasa, “Ellet ir wesewesen nei aramas, resap eäni föförün atuputup ngeniei.” Iwe, Kot a amanaueer seni ar riaföü meinisin.

Jeremaia 1:16

Üpwe apwüngü nei aramas pokiten ar föföringau meinisin. Ra likitieila, ra asor ngeni pwal ekoch kot o fel ngeni mine ra püsin föri ren pöür.

Jeremaia 14:3

Ekewe aramas tekia ra akünööla nöür chon angang pwe repwe üfüf koluk. Ra feila ren ekewe chönüttu, nge resap künakün koluk. Ra liwinsefäl fän ar kewe pör mi pöön. Ra pwölüela mökürer ren ar apilükingau me rükö.

Jeremaia 15:6

Ämi oua likitieila, oua chök sopwela le tokola seniei. Iei mine üa aitiewu pei o afeiengauakemi. Üa chipwangela le pwetete ngenikemi.

Jeremaia 17:13

Ai Samol mi Lapalap, en än chon Israel apilükülük. Meinisin mi likitukela repwe säw, nge chokewe mi kul senuk epwe mak iter lepwül, pokiten ra likitala ewe Samol mi Lapalap ewe puächen kolukun manau.

Jeremaia 18:14

Ifa usun, ewe snow won ewe chuk Lepanon a morola? Ifa usun, ekewe öüwö mi patapat ra puwu seni ewe chuk repwe pwasatä?

Jeremaia 19:4

Üpwe föri ei, pun ekewe aramas ra likitieila. Ra apiningaua pinin ei leni ren ar keni apach mi pwokus ngeni pwal ekoch kot, sokun kot ir me ar kewe lewo pwal ekewe kingen Juta resap sileer. Ra aura ei leni ren chan chokewe esap wor ar tipis.

Jeremaia 2:11

Esap wor chon eu mwü mi ekesiwili ar kewe kot, nge ir resap wesewesen kot. Nge nei aramas ra ekesiwiliei ngang ar we Kot mi ling ngeni pwal ekoch kot mi lomotongau.

Jeremaia 2:17

Ifa usun, sap püsin en Israel ka awarato womw ei feiengau ren om likitieila ngang ewe Samol mi Lapalap, lupwen üa emwenukela won ewe al?

Jeremaia 2:26

Usun eman chon solä a itengau lupwen a oo, iei usun ämi chon Israel oupwe itengau: Ämi me ämi kewe king, pwal nöümi kewe nöüwis, nöümi kewe souasor me soufos.

Jeremaia 4:22

Ewe Samol mi Lapalap a apasa, “Nei aramas ra umwes, resap sileei. Ra usun chök semirit mi tiparoch, resap mirit. Ra sipeöch le föri mine a ngau, nge resap silei ar repwe föri föför mi öch.”

Jeremaia 5:26

Pun aramasangau ra nom lein nei aramas. Ra op usun aramas ra op lupwen ra eseichi machang. Ra föri eu sär pwe repwe liapeni aramas.

Jeremaia 5:31

Än ekewe soufos osuni a chofana, nge ekewe souasor ra nemenem fän püsin ar mochen. Nei aramas ra sani an epwe iei usun. Nge met repwe föri lon ewe fansoun sopolan?”

Isikiel 14:5

Üpwe föri ei, pwe üpwe elliapasefäli letipen ekewe chon Israel mi likitieila pokiten ar uluulun anümwäl.’

Isikiel 47:1

Mürin, ewe mwän a aliwinisefälieila ren asamalapen ewe Imwenfel. Ikenan üa küna eu koluk a puwu seni fän asamalapen ewe Imwenfel o pula ngeni ötiu, pun ewe Imwenfel a sape ngeni ötiu. Iwe, ewe koluk a putiu me peliörün ewe Imwenfel, pwal me peliörün ewe rongen asor.

Mika 2:8

Ewe Samol mi Lapalap a apasa, “Ekis chök fansoun a la, ämi nei aramas oua ütä usun chök chon oputaei. Oua angeala üfen chokewe mi pwerela, nge resap ekieki och, ir chokewe mi liwinto seni maun.

Mika 6:3

A apasa, “Ämi nei aramas, met üa föri ngenikemi? Ren met üa aweiresikemi? Oupwe pälüeniei.

Sekaraia 13:1

Lon ena fansoun eu puächen koluk epwe puächetä fän iten ekewe mwirimwirin Tafit me chon Jerusalem, pwe epwe limetiir seni ar tipis me limengau.”

Johannes 4:10

Iwe, Jesus a pölüeni, “Are kopwe chök silei än Kot lifang, pwal ätewe mi tüngor ngonuk ünüman koluk, kopwe fen tüngor ngeni, nge i epwe ngonuk ewe kolukun manau.”

Johannes 4:11

Ewe fefin a pölüeni, “Ai samol, esap wor om pokit pwe kopwe aea le üfüf, nge ei chönüttu a alolol. Ia kopwe angei me ie ewe kolukun manau?

Johannes 4:14

nge iö a ün seni ewe koluk ngang üpwe ngeni, esap chüen kakasefäl. Ewe koluk üpwe ngeni epwe wiliti eu lenien puächen kolukun manau leutun mi atoto manau esemüch.”

Johannes 7:37

Lesopolan ränin ewe chulap, iei ewe rän mi fokun aüchea, Jesus a ütä o apasa fän leüömong, “Iö a kaka epwe feito rei o ün!

Tuteronomi 31:16

Iwe, ewe Samol mi Lapalap a üreni Moses, “A arapakan om kopwe le mäla o nom ren om kewe lewo. Mürin, ekei aramas repwe föri usun chök angangen lisowu ren ar fel ngeni pwal ekoch koten ewe fanü ia repwe feila ie. Iwe, repwe likitieila o ataela ai we pwon üa föri ngeniir.

2. Petrus 2:17

Ekei mwän ra usun chök chönüttu esor koluk lon, ra usun chök kuchu mi ässila ren eu mölümöl. Kot a amolätä fän iter eu leni mi fokun rochokich.

Pwärätä 21:6

Iwe, a apasa, “Mettoch meinisin ra fisila iei. Ngang ewe Aemanün me Amüchülan, ewe Popun me ewe Sopolan. Üpwe ngeni chokewe mi kaka pwe repwe ün seni ewe puächen kolukun manau, nge resap möni.

Pwärätä 22:1

Mürin ewe chon läng a pwal aküna ngeniei ewe chanpupun kolukun manau, a kurufat usun ewe fau itan kristal, a pupu seni fän än Kot me än ewe Lam lenien motun king

Pwärätä 22:17

Iwe, Ngünmifel me ewe Fin apwüpwülü söfö ra apasa, “Etto!” Ir meinisin mi rongorong ekei kapas repwe apasa, “Etto!” Iwe, iö mi kaka epwe etto, nge iö a mochen epwe ünümi ewe kolukun manau, nge esap möni, epwe etto.

Soukapwüng 10:13

Nge oua chök likitieila o angang ngeni pwal ekoch kot. Iei mine üsap chüen amanauakemi.

1. Samuel 12:10

Mürin ra siö ngeni ewe Samol mi Lapalap o apasa, ‘Äm aia tipis, pun aia likitukela en äm Samol mi Lapalap o angang ngeni ekewe uluulun Paal me Astarot. Nge iei kopwe angasakem seni chon oputakem. Iwe, äm aipwe angang ngonuk.’