Jeremaia 19:8 - Chuukese Bible

⁸ Üpwe ataela ei telinimw pwe epwe eu mettoch aramas repwe turunufasei. Meinisin mi pwerela ünükün repwe mairü o turunufasei pokiten ekewe feiengau meinisin ra tori.

Jeremaia 19:8 Iomraidhean Croise

1. King 9:8

Iwe, ei imwenfel epwe wiliti eu ioien fau, nge meinisin mi pwereto lükün repwe mairü ren o turunufasei, repwe pwal ais, ‘Pwota ewe Samol mi Lapalap a föri ei sokun föför ngeni ei fanü me ei imwenfel.’

Jeremaia 18:16

Ra ataela püsin fanüer, pwe aramas repwe turunufasei tori feilfeilachök. Meinisin mi pwerela ünükün ra fokun mairü ren mine ra küna o alefechefechi mökürer.

Jeremaia 25:18

Üa aünü ngeni Jerusalem me ekewe telinimwen Juta, ngeni ar kewe king me nöür kewe nöüwis, pwe ekewe leni repwe wiliti eu leni mi ta o pöön, aramas repwe rükö rer, repwe turunufaseer o eäniir kapasen ottek, usun a chüen fis tori ei fansoun.

Jeremaia 49:13

Üa pwon fän akapel itei pwe ewe telinimw Posra epwe wiliti och minen eniweniw me eu leni mi pön, aramas repwe turunufasei o leaweni lon ar kapasen ottek. Nge ekewe telinimw ünükün repwe pönüla tori feilfeilachök. Ngang ewe Samol mi Lapalap üa kapas.”

Jeremaia 50:13

Pokiten ai lingeringer, Papilon esap so, nge epwe eu fanü mi fokun pönüla. Aramas meinisin mi pwerela ünükün repwe rükö, repwe turunufasei pokiten an tatakis.

Isikiel 27:36

Ekewe chon amömö seni ekewe mwün fanüfan ra ngäruk ren om feiengau, pun ka tori sopolomw mi afeiengau, nge kosap chüen nom tori feilfeilachök.”

Lifitikos 26:32

Ewer, üpwe fokun ataela fanüemi, pwe chon oputakemi mi lefanüla lon repwe mairü ren.

Mika 6:16

Ei epwe fis, pokiten oua apirü än Omri me chon leimwen Ahap föför mi ngau. Oua pwal sopwela le eäni örünier kewe. Iei mine üpwe ataala fanüemi, nge ekewe aramasen lon repwe och minen turunufas. Oupwe mwärelong fän itengau me ren chon ekewe mwü.”

Sefanaia 2:15

Iei usun mine epwe fis ngeni ewe telinimw mi tekia o nükünük. Aramasen lon ra ekieki pwe ar telinimw a iteföüla seni ekewe telinimwen fanüfan meinisin. Iei epwe wiliti eu leni mi fokun pönüla, eu leni ia manmwacho ra nom ie. Iteiten eman me eman mi pwere seni epwe ngäri o itiitini.

Tuteronomi 28:37

Aramas repwe mairü ren mine a fis ngenikemi, repwe leawenikemi ren kapasen ämängau me kapasen turunufas me lein chon ekewe mwü, ia ewe Samol mi Lapalap epwe emwenikemiila ie.

Tuteronomi 29:22

Iwe, ekewe täppin aramas repwe up me mürin, ir mwirimwirimi kewe me ekewe chon ekis mi feito seni fanü toau repwe küna feiengauen ewe fanü me samaun chon, ewe Samol mi Lapalap epwe aworato wor.