Jeremaia 19:7 - Chuukese Bible

⁷ Iwe, lon ei leni üpwe atai än chon Juta me chon Jerusalem akot. Üpwe föri pwe ekewe aramas repwe kuf ren chon oputer o mäla lon maun. Üpwe aochocha ngeni ekewe machang me ekewe manmwacho ekewe somä.

Jeremaia 19:7 Iomraidhean Croise

2. King 21:14

Üpwe pöütala chokewe mi chüen manau seni lein nei armas o asechirelong lepöün chon oputer. Iwe, repwe wiliti liapen me choon wokun chon oputer meinisin,

Än Salomon Fos 21:30

Än aramas tipachem, mirit me kapasen öüröür resap tongeni üpalü ngeni ewe Samol mi Lapalap.

Aisea 29:14

Iei mine üpwe förisefäli mettoch mi amwarar o amairü lein ekei aramas. Iwe, nöür kewe soutipachem repwe umwesila, nge ekiekin nöür kewe souekiek epwe lomotongau.”

Aisea 8:10

Oupwe pwüngüpwüngfengen, nge ousap fokun pwäk ngeni och. Oupwe pwal apwüngala och, nge esap fokun fis, pun Kot ailem.

Jeremaia 15:2

Nge are repwe aisinuk, ‘Ia aipwe feila ie?’ kopwe üreniir, ‘Iei alon ewe Samol mi Lapalap: Chokewe mi feil ngeni ar repwe mäla ren mätter repwe mäla ren mätter, chokewe mi feil ngeni ar repwe mäla lon maun repwe mäla lon maun, chokewe mi feil ngeni ar repwe mäla ren lengita repwe mäla ren lengita, nge chokewe mi feil ngeni ar repwe oola repwe oola.’

Jeremaia 15:9

Neminewe mi nöüni füman mwän, nge ra mäla, a apwangapwangala o kükünüla an ngasangas. An saram a wiliti rochopwak, a säw o itengau. Nge ekewe ekoch mi chüen manau, üpwe föri pwe chon oputer repwe nirela. Ngang ewe Samol mi Lapalap üa kapas.”

Jeremaia 16:4

Repwe mäla ren samau mi afeiengau. Esap wor eman epwe kechü wor, resap pwal peias, nge repwe usun chök kiten mongö won pwül. Repwe mäla lon maun pwal ren lengita, nge ekewe machang me ekewe manmwacho repwe ochei somär.

Jeremaia 18:21

Nge iei kopwe asechalong nöür kewe lon lengita, kopwe likitiir pwe repwe mäla lon maun. Ekewe fefin repwe lipichsefäl, esap pwal chüen wor nöür. Ekewe mwän repwe mäla ren mätter, ekewe alüal repwe mäla lon maun.

Jeremaia 21:7

Mürin, üpwe föri pwe en Setekia ewe kingen Juta fiti noum kewe nöüwis me aramasen ei telinimw, ir ekewe mi chüen manau seni mätter, seni maun me lengita, oupwe sechilong lepöün Nepukatnesar ewe kingen Papilon, pwal lepöün chon oputemi mi mochen angei manauemi. Nepukatnesar epwe nikemiila, nge esap tongeekemi ika achikakemi ika ümöümöch ngenikemi. Ngang ewe Samol mi Lapalap üa kapas.’”

Jeremaia 22:19

Aramas repwe peiaseni usun ar peiaseni eman aas, repwe etekenawu o aturawu lükün asamalapen ewe telinimw Jerusalem.”

Jeremaia 22:25

o asechukolong lepöün chokewe mi mochen angei manauom, lepöün chokewe ka niuokusitiir, fokun lepöün Nepukatnesar ewe kingen Papilon me nöün kewe sounfiu.

Jeremaia 32:28

Iei mine ngang ewe Samol mi Lapalap üa apasa: Üpwe atolonga ei telinimw lepöün Nepukatnesar ewe kingen Papilon me nöün sounfiu pwe repwe liapeni.

Jeremaia 34:20

Üpwe asechirelong lepöün chon oputer, chokewe mi mochen nirela. Ekewe machang me ekewe manmwacho repwe ochei somär.

Jeremaia 46:26

Üpwe asechirelong lepöün chokewe mi mochen nirela, lepöün Nepukatnesar ewe kingen Papilon me nöün kewe meilapen sounfiu. Nge ekoch fansoun mürin, Isip epwe sosefäl usun lon ekewe fansoun lom. Ngang ewe Samol mi Lapalap üa kapas.

Jeremaia 7:33

Iwe, ekewe machang me ekewe manmwacho repwe ochei fituken ekei somä, nge esap wor eman epwe eniweer.

Jeremaia 8:2

Iwe, repwe toropas fän akkar me maram pwal fän ekewe fün läng meinisin. Pun ikei ekewe mettoch ekewe aramas ra echeniir o angang ngeniir, ra pwal angei ar öüröür me rer o fel ngeniir. Esap wor eman epwe ionifengeni ekewe chü o peiaseniir. Repwe usun chök kiten mongö me won pwül.

Jeremaia 8:8

Pwota oua tongeni apasa, ‘Sia tipachem, pun än ewe Samol mi Lapalap allük a nom rech?’ Nengeni, ekewe allük ra siwil ren ekewe soumak mi chofana.

Jeremaia 8:9

Ekewe aramas mi tipachem repwe säw, repwe rükö o oo. Are ra pöütala ai kewe kapas, met sokun tipachem ra eäni?

Kölün kechü 3:37

Iö a tongeni kapas, nge a fisitä ika ewe Samol esap tipeeu ngeni?

Lifitikos 26:17

Üpwe ü ngenikemi, nge oupwe kuf ren chon oputakemi. Chokewe mi oputakemi repwe nemenikemi. Iwe, ämi oupwe sü, ngei esap wor eman a tapwerikemi.

Lifitikos 26:25

Üpwe awarato maun womi, pwe iei chappen ämi atai ewe pwon. Nge are oua sülong lon ämi kewe telinimw, üpwe tinala mätter leimi. Oupwe tolong fän nemenien chon oputakemi.

Nöün Paulus Toropwe ngeni ekewe Souläng lon Rom 3:31

Ifa usun, wewen pwe ren ei lükülük sipwele pöütala ekewe Allük? Apwi, esap fokun ina, nge sia fen anüküchara ekewe Allük.

Nöün Paulus Toropwe ngeni ekewe Souläng lon Rom 4:14

Pun are än Kot pwon a fän iten chök chokewe mi aleasochisi ekewe Allük, mürin än aramas lükülük esap wor aüchean, nge än Kot pwon esap wor lomotan.

1. Samuel 17:46

Ikenai ewe Samol mi Lapalap epwe atolongok lepei, nge ngang üpwe niikela o pöküela üom. Üpwe pwal ngeni ekewe machang me ekewe manmwacho somän ekewe sounfiun Filisita. Mürin, aramasen fanüfan meinisin repwe silei pwe mi wor eman Kot lon Israel.