Jeremaia 19:5 - Chuukese Bible

⁵ Ra pwal senätä rongen asor won ekewe leni tekia fän iten ewe anü Paal, pwe repwe keni nöür ät pwe ar asoren kek ngeni. Ei üsap allük ngeniir, esap pwal tolong lon ai ekiek.

Jeremaia 19:5 Iomraidhean Croise

2. King 17:17

Iwe, ra kenala nöür ät me nöür nengin pwe ar asor ngeni ekewe koten ekis, ra pwal föri pwee me roong o püsin fangala inisir, pwe repwe föri mine a ngau me fän mesen ewe Samol mi Lapalap o asonga.

2. King 21:6

Iwe, a kenala nöün ät pwe eu asor, a pwal föri angangen souasisil me souwo o churi watawa me sourong. Manasa a föri chomong sokun föför mi ngau me fän mesen ewe Samol mi Lapalap o asonga i.

2. Kronika 28:3

Iwe, a keni apach mi pwokus lon ewe lemolun Pen-hinom, a pwal mwo nge keni nöün kewe ät pwe an asor ngeni ekewe uluulun anümwäl, usun än chon ekewe mwü föför mi anioput, ekewe mwü ewe Samol mi Lapalap a asürela me mwen ekewe aramasen Israel.

Jeremaia 32:35

Ra senätä rongen asor fän iten ewe anü Paal lon ewe lemolun Hinom, pwe repwe eäni asor nöür ät me nengin ngeni ewe anü Molok. Üsap allük ngeniir, esap pwal tolong lon ai ekiek, pwe repwe föri ei sokun föför mi anioput o emweni chon Juta ngeni tipis.”

Isikiel 16:36

Iei alon Kot ewe Samol mi Lapalap, “Ka pwilitawu üfom usun eman fefin mi amömö inisin. Ka fangala inisum ngeni noum kewe kamwet, pwal ngeni om kewe uluulun anümwäl mi anioput. Iwe, ka pwal niela noum kana o eäniir asor ngeniir.

Isikiel 20:26

Üa pwal asechirela, pwe repwe alimengaueer ren püsin ar asor, lupwen ra eäni asoren kek nöür mwänichi. Ren ei üa apwüngüür, pwe repwe silei pwe ngang ewe Samol mi Lapalap.’

Isikiel 38:10

Iei alon Kot ewe Samol mi Lapalap ngeni Kok, “Lon ena rän kopwe aüfarafarätä ekiekin lelukom usun angangen rawangau.

Taniel 2:29

Ai king, lupwen ka kon won om peet, ka kon ekimongei lon letipom usun mine epwe fis me mürin. Nge ewe mi pwäri monomon a pwäri ngonuk mine epwe fis.

Lifitikos 18:21

Iwe, kosap eäni asor eman noum ngeni ewe kot itan Molok. Ren ei ka turunufasei itei, pun ngang ewe Samol mi Lapalap om we Kot.

Numperis 22:41

Nge sorotän ewe rän Palak a emwenato Palam won ewe chuk Pamot-paal, ia a tongeni küna me ie eu kinikinin ewe mwichen chon Israel.

Tuteronomi 12:31

Ousap fokun fel ngeni ewe Samol mi Lapalap ämi we Kot usun ir ra fel ngeni ar kewe kot. Pun lon ar fel ngeni ar kewe kot ra föri sokun föför mi anioput ewe Samol mi Lapalap a oput. Ra fen mwo nge keni nöür ät me nengin ngeni ar kewe kot.