Jeremaia 19:2 - Chuukese Bible

² Oupwe towu me lon ewe Asamalapen Mökkün Sepi o feila lon ewe lemolun Hinom. Ikenan kopwe asile ngeniir ekewe kapas üpwe ürenuk.

Jeremaia 19:2 Iomraidhean Croise

2. King 23:10

Iwe, ewe king Josia a pwal atai pinin Tofet ewe lenien fel ngeni anü mi nom lon ewe lemolun Pen-hinom, pwe esap chüen wor eman epwe tongeni kenala nöün ät ika nöün nengin pwe eu asor ngeni Molok.

2. Kronika 28:3

Iwe, a keni apach mi pwokus lon ewe lemolun Pen-hinom, a pwal mwo nge keni nöün kewe ät pwe an asor ngeni ekewe uluulun anümwäl, usun än chon ekewe mwü föför mi anioput, ekewe mwü ewe Samol mi Lapalap a asürela me mwen ekewe aramasen Israel.

2. Kronika 33:6

Iwe, a kenala nöün ät pwe eu asor lon ewe lemolun Hinom, a pwal föri angangen souasisil me souwo me sourong o churi watawa me souawarawar. Manasa a föri chomong sokun föför mi ngau me fän mesen ewe Samol mi Lapalap o asonga i.

Nehemia 3:29

Satok nöün Imer we mwän a senisefälietä ewe kinikin ünükün senier awenewenen püsin imwan. Nge Semaia nöün Sekania we mwän, ewe chon mamasa ewe asamalap mi nom ötiu, a senisefälietä ünükün.

Jeremaia 1:7

Nge ewe Samol mi Lapalap a üreniei, “Kosap apasa pwe en eman mi chök ier kükün. Pun kopwe feila ren chokana meinisin üpwe tinukela rer, nge kopwe apasa meinisin mine üa akünö ngonuk.

Jeremaia 11:6

Iwe, ewe Samol mi Lapalap a üreniei, “Kopwe asilefeili ekei kapas me lon ekewe telinimwen Juta, pwal lon ekewe alen Jerusalem: Oupwe aüselinga kapasen ei pwon o apwönüetä.

Jeremaia 18:2

“Kopwe feila lon imwen ewe chon föri sepi seni pwül. Ikenan üpwe asile ngonuk ai kewe kapas.”

Jeremaia 26:2

“Kopwe ütä lon ewe leni lükün ewe imwenfel o kapas ngeni chon ekewe telinimwen Juta meinisin mi feito pwe repwe fel lon ewe imwenfel. Kopwe üreniir meinisin mine üa allük ngonuk, nge kosap likiti eu kapas.

Jeremaia 3:12

Kopwe feila o aronga ekei kapas ngeni chon Israel, ‘Oupwe liwinto, ämi chon Israel mi kirikiringau. Üsap chüen wowoon song ngenikemi, pun üa eäni ümöümöch, nge üsap song ngenikemi tori feilfeilachök.

Jeremaia 32:35

Ra senätä rongen asor fän iten ewe anü Paal lon ewe lemolun Hinom, pwe repwe eäni asor nöür ät me nengin ngeni ewe anü Molok. Üsap allük ngeniir, esap pwal tolong lon ai ekiek, pwe repwe föri ei sokun föför mi anioput o emweni chon Juta ngeni tipis.”

Jeremaia 7:2

pwe epwe feila o ütä leasamalapen ewe imwenfel. Epwe aronga ekei kapas ngeni ekewe chon Juta meinisin mi feito pwe repwe fel ngeni ewe Samol mi Lapalap,

Sona 3:2

“Kopwe ütä o feila Ninifa ewe telinimw mi lapalap, pwe kopwe aronga ngeni aramasen lon ewe pworaus üa aiti ngonuk.”

Mateus 10:27

Met ngang üa ürenikemi lon kiroch, oupwe apasatä lon saram. Nge met üa möngününgünülong lon selingemi oupwe asilefeili me won ungen ekewe imw.

Föför 20:27

Pun ngang üa apworausa ngenikemi unusen ekiekin Kot, nge üsap amwöchü och senikemi.

Föför 5:20

“Oupwe feila o ütä lon ewe imwenfel o afalafala ngeni ekewe aramas meinisin usun ei manau mi fö.”

Josua 15:8

Mürin, ewe kiä a feitä ren ewe lemolun Hinnom tori peliörün me won ekewe chukun Jepus, ia ewe telinimw Jerusalem a nom ie. Iwe, a pwal feitä tori won ungen ewe chuk mi nom sasape ngeni ewe lemolun Hinnom me pelilotou pwal amüchülan ewe lemolun Refaim me peliefeng.