Jeremaia 19:13 - Chuukese Bible

¹³ Ekewe imw lon Jerusalem pwal imwen ekewe kingen Juta repwe limengau usun ewe leni Tofet, fokun ekewe imw meinisin aramas ra keni apach mi pwokus wor ngeni ekewe fün läng, ra pwal ninätiu asoren ün ngeni pwal ekoch kot.’”

Jeremaia 19:13 Iomraidhean Croise

2. King 17:16

Ra aleasolap ngeni ekewe allük meinisin än ewe Samol mi Lapalap ar we Kot o föri ruu uluulun kow seni piras, ra pwal föri uluulun ewe anüfefin Asera pwe repwe fel ngeniir, ra pwal fel ngeni ekewe fün läng o angang ngeni ewe anü Paal.

2. King 23:10

Iwe, ewe king Josia a pwal atai pinin Tofet ewe lenien fel ngeni anü mi nom lon ewe lemolun Pen-hinom, pwe esap chüen wor eman epwe tongeni kenala nöün ät ika nöün nengin pwe eu asor ngeni Molok.

2. King 23:12

Iwe, ewe king Josia a ataela ekewe rongen asor ekewe kingen Juta ra senätä won ewe rumwen Ahas mi nom asan. A pwal ataela ekewe rongen asor Manasa a senätä lon ekewe ruu leni mi nom mwen imwen ewe Samol mi Lapalap. A atatakisiir o moneela pipir lon ewe lemolun Kitron.

2. King 23:14

Ewe king Josia a atatakisi ekewe ür mi pin o pöküetiu ekewe uluulun ewe anüfefin Asera, a pwal amasoua lenier kewe ren chün aramas.

Kölfel 74:7

Ra ataela imwom imwenfel o kenala, ra apiningaua ewe leni ia aramas ra fel ngonuk ie.

Kölfel 79:1

Ai Kot, chon ekewe mwü ra tolong lon fanüom. Ra apiningaua pinin imwom we mi pin o atatakisi Jerusalem.

Aisea 22:1

Iei än Kot kapas usun ewe lemolun pwärätä: Met popun ämi meinisin oua tötä won imwemi?

Jeremaia 19:12

Iei usun mine üpwe föri ngeni ei leni, pwal ngeni chokewe mi imweimw lon. Üpwe föri pwe ei telinimw epwe usun chök Tofet.

Jeremaia 32:29

Ekewe chon Papilon mi maun ngeni ei telinimw repwe tolong lon o kenala. Repwe kenifengeni me ekewe imw chon Juta ra keni apach mi pwokus wor ngeni ewe anü Paal, ia ra pwal ninätiu ie asoren ün ngeni pwal ekoch kot pwe repwe asongaei.

Jeremaia 44:18

Nge seni ewe fansoun aia ükütiu le keni apach mi pwokus ngeni ewe kiwinen läng o kaüla le ninätiu ngeni asoren ün, aia osupwangen mettoch meinisin, aramas ra mäla lon maun pwal ren lengita.”

Jeremaia 52:13

Iwe, a kenala imwen ewe Samol mi Lapalap me imwen ewe king, pwal ekewe imw meinisin lon Jerusalem. Iteiten imw mi aüchea a kenala.

Jeremaia 7:18

Ekewe semirit ra os mwüch, ekewe sam ra soni ewe ekkei, nge ekewe fefin ra öüwa pilawa pwe repwe föri nokop fän iten ewe anü fefin ra aita ngeni kiwinen läng. Ra pwal ninätiu asorun ün ngeni pwal ekoch kot, pwe repwe ariaföüüei.

Jeremaia 8:2

Iwe, repwe toropas fän akkar me maram pwal fän ekewe fün läng meinisin. Pun ikei ekewe mettoch ekewe aramas ra echeniir o angang ngeniir, ra pwal angei ar öüröür me rer o fel ngeniir. Esap wor eman epwe ionifengeni ekewe chü o peiaseniir. Repwe usun chök kiten mongö me won pwül.

Isikiel 20:28

Iwe, üa emwenirelong lon ewe fanü, üa pwon fän akapel ngeniir me mwan pwe üpwe ngeniir. Nge lupwen ra küna ekewe chukutekia, ra föri ar asor won, pwal fän ekewe irä mi mwuresires. Ikenan ra asongaei ren ar kewe asor ra keni, pwal ren ar ninala ar kewe lö mi pwokus me ar asoren ün.

Sefanaia 1:5

Üpwe ärala chokewe mi fel ngeni akkar me maram me ekewe fü me won ekewe imw. Üpwe pwal ärala chokewe mi fel ngeniei o eäni itei lon ar pwon fän akapel, nge ra pwal eäni iten ewe kot Milkom lon ar pwon fän akapel.

Föför 10:9

Iwe, sorotän ewe rän lupwen ar sai o ra arap ngeni Joppa, Petrus a tötä won ewe imw leoloas pwe epwe iotek.

Föför 7:42

Iei mine Kot a kul seniir o asechiirela pwe repwe fel ngeni ekewe füün läng, usun a fen mak lon ekewe puken soufos: ‘Ämi chon Israel! Ifa usun, ämi oua uwato rei asor me lifang lon ekewe faik ier me lon ewe fanüapö?

Tuteronomi 4:19

Oupwe tümwünükemi, pwe lupwen oupwe netä läng o küna akkar me maram me fü kana pwal masouen fän läng meinisin ousap tupula o fel ngeniir ika pwal angang ngeniir. Pun ewe Samol mi Lapalap ämi we Kot a mwütätä ngeni chon ekewe mwü won fanüfan ekei mettoch pwe repwe fel ngeniir.