Jeremaia 19:11 - Chuukese Bible

¹¹ o üreniir, ‘Iei alon ewe Samol mi Unusen Manaman: Usun eman a amökkü eu pör mi för seni pwül, nge esap wor eman epwe tongeni achufengenisefäli, iei usun üpwe atai ei telinimw o afeiengaua ekei aramas. Iwe, aramas repwe peiaseni ekewe somä lon Tofet, pun esap chüen wor lenien peias ekis meinisin.

Jeremaia 19:11 Iomraidhean Croise

Kölfel 2:9

Kopwe atarela ren efoch wokomächä, kopwe amökkükisiretiu usun eu sepi mi för seni pwül.”

Än Salomon Fos 6:15

Iei mine riaföü epwe müttir tori, lon eu chök otun epwe feiengau, nge esap chüen tongeni pöchökülsefäl.

Aisea 30:14

Iwe, epwe möküla usun chök eu sepi seni pwül, eman a amökkü fän pöchökül, pwe esap wor emök mökkün eman a tongeni aea le tukei molien ekkei seni eu lenien um, ika aea le üfi koluk seni lon eu chönüttu.”

Jeremaia 13:14

Mürin üpwe atatakisifengeniir eman ngeni eman, ekewe sam ngeni nöür kewe, usun eman a amökkü eu pör ngeni pwal eu. Üsap tongeer ika achikeer, üsap eäni ümöümöch ngeniir, nge üpwe aroserela.”

Jeremaia 19:12

Iei usun mine üpwe föri ngeni ei leni, pwal ngeni chokewe mi imweimw lon. Üpwe föri pwe ei telinimw epwe usun chök Tofet.

Jeremaia 19:6

Iei mine ngang ewe Samol mi Lapalap üa apasa: Epwe war ewe fansoun, pwe ei leni esap chüen iteni Tofet ika lemolun Hinom, ngei epwe le iteni lemolun Ninni.

Jeremaia 25:34

Ämi chon mas, oupwe kechü o ngüngüres, ämi souemwenin nei aramas, oupwe asokopälakemi lon pwül. Pun fansoun ämi ninni a war. Oupwe turutiu o tatakis usun eu pör mi mürina.

Jeremaia 48:38

Won imwen chon Moap meinisin pwal lon ekewe lenien amwicheich, aramas ra chök kechü. Pun üa amökkü Moap usun eman a amökkü eu pör esap aücheani.

Jeremaia 51:63

Nge lupwen ka wes le aleani ei toropwe ngeni ekewe aramas, kopwe föti ngeni eföü fau o aturalong lukalapen ewe chanpupu Oifrat,

Kölün kechü 4:2

Ekewe alüalün Jerusalem mi aüchea ra wewe ngeni kolt mi mürina me lom, nge iei ra wewe ngeni sepi seni pwül, förien eman chon för sepi seni pwül.

Föför 21:11

A feito rem, a angei än Paulus pelit o föti ngeni pöün me pechen, iwe, a üra, “Iei met ewe Ngünmifel a apasa: ‘Ekewe chon Juta mi nom lon Jerusalem repwe föti ätewe mine an ei pelit lon ei lapalap, repwe pwal atolonga lepöün ekewe chon lükün Israel.’”

Pwärätä 2:27

usun chök ngang üa angei ai nemenem seni Semei. Epwe nemeni ir ren efoch wokomächä, epwe atatakisiiretiu usun sepi mi för seni pwül.