Jeremaia 19:1 - Chuukese Bible

¹ Iei alon ewe Samol mi Lapalap, “Kopwe feila o kamö eu pör mi för seni pwül. Mürin oupwe mwinela me ekoch lein ekewe souakomwen ekewe aramas, pwal ekoch souasor chinlap.

Jeremaia 19:1 Iomraidhean Croise

2. King 19:2

Nge a tinala Eliakim ewe meilapen chon tümwünü imwen ewe king, Sepna ewe seketeri, pwal ekewe souakom lein ekewe souasor, pwe repwe churi ewe soufos Aisea nöün Amos we mwän, nge ra üföüf üf seni tuk.

Aisea 30:14

Iwe, epwe möküla usun chök eu sepi seni pwül, eman a amökkü fän pöchökül, pwe esap wor emök mökkün eman a tongeni aea le tukei molien ekkei seni eu lenien um, ika aea le üfi koluk seni lon eu chönüttu.”

Jeremaia 13:1

Iwe, ewe Samol mi Lapalap a üreniei, “Kopwe feila o kamö echö achök seni mangaku mi pwechepwech o rietä won wänukum, nge kosap otuwolong lon koluk.”

Jeremaia 26:17

Iwe, ekoch me lein ekewe souakomwen ewe fanü ra ütä o kapas ngeni ekewe aramas meinisin mi mwichefengen,

Jeremaia 32:14

‘Ewe Samol mi Unusen Manaman ewe Koten Israel a allük pwe üpwe angei ekewe toropwen atipeeuin kamö, ewe mi appach o impwang me ewe mi suk, o atolongeer lon eu pör mi för seni pwül, pwe repwe tongeni nonom fansoun langatam.

Kölün kechü 4:2

Ekewe alüalün Jerusalem mi aüchea ra wewe ngeni kolt mi mürina me lom, nge iei ra wewe ngeni sepi seni pwül, förien eman chon för sepi seni pwül.

Isikiel 4:1

Iwe, Kot a üreniei, “Nöün aramas, kopwe angei eu pilak seni pwül, kopwe anomu fän mesom o aliosu ewe telinimw Jerusalem won.

Isikiel 5:1

Iwe, Kot a üreniei, “Nöün aramas, kopwe angei efoch ketilas mi seisei o nöünöü le räisöü mökürom me alüsom. Mürin kopwe angei eu kilo o kiloni, pwe kopwe ineti meten mökürom me ülöülen alüsom lon ülüngat kinikin.

Isikiel 9:6

Oupwe fokun niela chinlap mwän me alüal me föpwül, pwal semirit me fefin, nge ousap atapa chokewe mi eäni ewe asisil. Iwe, oupwe popuetä me lon leniei mi pin.” Iei mine ra popuetä le niela ekewe souakom ra nom lükün ewe imwenfel.

Numperis 11:16

Iwe, ewe Samol mi Lapalap a üreni Moses, “Kopwe körato rei fik mwän seni lein ekewe souakomwen Israel, chokewe ka sileer pwe ir souakom me sounemenemen ekewe aramas. Kopwe emwenireto ren ewe imw mangaku ia aramas ra churiei ie, pwe repwe etuk le ütä ikenan.

Mateus 26:3

Iwe, ekewe souasor mi lap me ekewe souakom ra mwichfengen lon imwen ewe Souasor mi Lap Kaifas.

Mateus 27:1

Iwe, lupwen a ränila, ekewe souasor mi lap meinisin me ekewe souakom ra pwüngüpwüngfengen usun ar repwe niela Jesus.

Föför 21:11

A feito rem, a angei än Paulus pelit o föti ngeni pöün me pechen, iwe, a üra, “Iei met ewe Ngünmifel a apasa: ‘Ekewe chon Juta mi nom lon Jerusalem repwe föti ätewe mine an ei pelit lon ei lapalap, repwe pwal atolonga lepöün ekewe chon lükün Israel.’”

2. Korint 4:7

Nge a wor rem ei feiöch mi aüchea lon sepi mi för seni pwül, pwe epwe pwä pwe ei tufich mi somwola a pop seni Kot, nge esap pop senikem.