Jeremaia 18:8 - Chuukese Bible

⁸ Nge are chon ewe mwü üa kapas usun ra kul seni ar föför mi ngau, ngang üpwe siwili ai ekiekin afeiengaueer.

Jeremaia 18:8 Iomraidhean Croise

2. Kronika 12:6

Mürin, ekewe samolun Israel me ewe king ra mefi ar tipis o apasa, “A pwüng mine ewe Samol mi Lapalap a föri.”

Kölfel 106:45

A chechemeni an pwon fän äsengesiir, lon an tong ellet mi lapalap a liamamala ren mine a föri ngeniir.

Kölfel 135:14

Pun ewe Samol mi Lapalap epwe alletätä pwüngün nöün kewe aramas o eäni tong ngeni nöün kewe chon angang.

Kölfel 90:13

Ai Samol mi Lapalap, kopwe kul ngenikem. Ifa ükükün fansoun kopwe song ngenikem? Kopwe tongei noum kewe chon angang.

Ekistos 32:12

Ifa usun, ka mochen pwe ekewe chon Isip repwe apasa, ‘A chök emwenirewu, pun a ekiekin afeiengaueer. A mochen nirela won ekewe chuk o aroserela seni won fanüfan?’ Kopwe likitala om song mi pöchökül, kopwe pwal siwili om ekiekin afeiengaua noum kewe aramas.

Ekistos 32:14

Mürin, ewe Samol mi Lapalap a siwili an ekiekin afeiengaua nöün aramas.

Jeremaia 12:16

Iwe, are repwe etiwa än nei aramas lamalam ren unusen leluker o eäni akapel, ‘Mwo manauen ewe Samol mi Lapalap,’ usun ra aiti ngeni nei aramas pwe repwe eäni akapel iten Paal, mürin repwe fefeitä me lein nei aramas.

Jeremaia 15:6

Ämi oua likitieila, oua chök sopwela le tokola seniei. Iei mine üa aitiewu pei o afeiengauakemi. Üa chipwangela le pwetete ngenikemi.

Jeremaia 26:13

Iei mine oupwe siwili ämi kewe lapalap me ämi kewe föför o aleasochis ngeni alon ewe Samol mi Lapalap ämi we Kot, mürin ewe Samol mi Lapalap epwe siwili an ekiekin afeiengauakemi usun a fen apasa.

Jeremaia 26:19

Ifa usun, ewe king Hiskia me chon Juta meinisin ra niela Mik? Ifa usun, Hiskia esap niuokusiti ewe Samol mi Lapalap o kütta an ümöümöch me ren? Ifa usun, ewe Samol mi Lapalap esap siwili an ekiekin afeiengaueer a fen kapas usun? Nge iei kich sipwele awarato feiengau watte woch.”

Jeremaia 26:3

Eli repwe rongorong o kul seni ar kewe lapalap mi ngau, pwe ngang üpwe siwili ai ekiekin afeiengaueer üa ekiekin föri ngeniir pokiten ar kewe föför mi ngau.

Jeremaia 36:3

Eli ika chon Juta repwe rongorong usun ekewe feiengau meinisin üa ekiekin föri ngeniir, repwe kul seni ar föför mi ngau. Mürin, ngang üpwe amusala ar föföringau me tipis.”

Jeremaia 42:10

‘Are oupwe nomotiu lon ei fanü, mürin ngang üpwe aükemiitä, nge üsap ataakemiitiu. Üpwe fotukikemi, nge üsap üttikemiitä. Pun üa lolilenäsini ai üpwe afeiengauakemi.

Isikiel 18:21

“Nge are eman aramasangau a ükütiu le föri tipis, are a apwönüetä ai kewe allük meinisin o eäni pwüng me wenechar, epwe fokun manau, nge esap mäla.

Isikiel 33:11

Iwe, kopwe üreniir: Mwo manauei, aloi ngang Kot ewe Samol mi Lapalap, üsap pwapwaiti mälan eman chon föföringau, nge üa mochen pwe ewe chon föföringau epwe kul seni an tipis o manau. Ämi chon Israel, oupwe ükütiu seni ämi föföringau. Pun pwota oua mochen mäla?

Isikiel 33:12

Iwe, en nöün aramas, kopwe üreni aramasom: Are eman chon pwüng a tipis, an kewe föförün pwüng resap tongeni amanaua. Nge are eman chon föföringau a ükütiu le föföringau, an kewe föföringau resap afeiengaua. Iwe, are eman chon pwüng a föri tipis, esap tongeni küna manau ren an kewe föförün pwüng a föri me lom.

Isikiel 33:13

Are üa pwon ngeni eman chon pwüng pwe epwe fokun manau, nge i a chök apilükülükü püsin an pwüng o föri tipis, an kewe föförün pwüng meinisin üpwe manlükala, nge epwe chök mäla pokiten förian kewe tipis.

Isikiel 33:14

Iwe, are üa apasa ngeni eman chon föföringau, ‘Kopwe fokun mäla,’ nge i a ükütiu le tipis o föri mine a pwüng me wenechar,

Osea 11:8

Ifa usun ai üpwe tongeni fangatä, en Israel? Ifa usun ai üpwe tongeni likitukela? Ifa usun ai üpwe ataakela usun ai ataela Atma? Ifa usun ai üpwe tongeni föri ngonuk usun mine üa föri ngeni Sepoim? Letipei a siwil, ai tong a pwichikar o nüküchar.

Amos 5:15

Oupwe oput mine a ngau o efich mine a pwüng. Oupwe eäni wenechar me lon kapwüng. Eli Kot ewe Samol mi Unusen Manaman epwe ümöümöch ngeni chokewe mi chüen manau me lein chon Israel.

Sona 4:2

Mürin a iotek ngeni ewe Samol mi Lapalap o apasa, “Ai Samol mi Lapalap, ifa usun, sap iei usun mine üa apasa pwe kopwe föri, lupwen üa chüen nonom won fanüei? Iei popun ai süla Tarsis, pun üa silei pwe en eman Kot mi ümöümöch o lukpwetete, ka pwal songomang o tongotam. Iwe, üa pwal silei pwe ka tipemecheres le siwili om ekiekin afeiengaua aramas kana.

Tuteronomi 32:36

Pun ewe Samol mi Lapalap epwe apwüngü nöün aramas o tongeäsini nöün kewe chon angang, lupwen a küna pwe esap chüen wor ar pöchökül, esap pwal chüen wor eman lusun, ese lifilifil ika ir amanau ika chon ngas.

Soukapwüng 2:18

Iwe, iteiten fansoun, lupwen ewe Samol mi Lapalap a filätä soukapwüng fän iter, a eti ewe soukapwüng o amanaua ekewe aramas seni chon oputeer lon ükükün ränin manauen ewe soukapwüng. Pun ewe Samol mi Lapalap a tongeäsiniir pokiten ar riaföü ren chokewe mi ariaföüür o aweiresiir.