Jeremaia 18:21 - Chuukese Bible

²¹ Nge iei kopwe asechalong nöür kewe lon lengita, kopwe likitiir pwe repwe mäla lon maun. Ekewe fefin repwe lipichsefäl, esap pwal chüen wor nöür. Ekewe mwän repwe mäla ren mätter, ekewe alüal repwe mäla lon maun.

Jeremaia 18:21 Iomraidhean Croise

2. Kronika 36:17

Iwe, Kot a tinala ren ekewe chon Juta ewe kingen Papilon, pwe epwe maun ngeniir. Ätei a niela nöür alüal ren ketilas me lon ar imwenfel, nge esap tongei alüal ika föpwül, chinlap mwän ika chon apwangapwang. Kot a atolongeer meinisin fän nemenien Nepukatnesar.

Kölfel 63:10

repwe mäla lon maun, nge kolak mi mwacho repwe ochei fituker.

Kölfel 63:11

Nge ewe king epwe meseik ren Kot. Meinisin mi eäni iten Kot le pwon fän akapel repwe mwänek, nge awen ekewe chon chofana repwe pinela.

Ekistos 22:24

Üpwe fokun song ngenikemi o nikemi lon maun pwe pwülüemi repwe lipichsefäl, nge nöümi repwe mäsen.

Aisea 13:18

Repwe niela ekewe alüal ren ar likapich, resap tongei ekewe mönükol, resap pwal kirikiröch ngeni semirit.

Aisea 9:16

Pun chokewe ra emweni ekei aramas ra atokerela, nge chokewe mi tapwela mürir repwe feiengau.

Aisea 9:17

Iei popun ewe Samol esap echika nöür alüal, esap pwal tongei chokewe mi mäsen me ekewe fefin mi mä pwülüer. Pun ir meinisin resap niueiti Kot, ra pwal föföringau, nge kapasen awer a ngau. Iwe, lon ekei feiengau än Kot song esap kisikisila, nge pöün a chüen afeiengaueer.

Jeremaia 12:3

Nge en ai Samol mi Lapalap, ka sileei, ka künaei o sotuni ai ekiek ngonuk. Kopwe nukiela ekewe aramasangau usun sip ra nukunuk ngeni ar repwe ninnila, kopwe aimwürela fän iten ewe ränin ninnila.

Jeremaia 14:16

Nge ekewe aramas ir ra osuni ngeniir repwe ninnila usun chök ekewe soufos. Somär repwe koturulong lon ekewe alen Jerusalem, nge esap wor eman epwe peiaseniir. Ei epwe fis ngeniir meinisin fiti pwülüer me nöür mwän me fefin. Pun üpwe awarato wor liwinin püsin ar föföringau.

Jeremaia 15:7

Üpwe söfölükemiila ren efoch söföl mi keang me lon asamalapen ekewe telinimwen ei fanü. Üpwe niela nöümi kewe o arosakemiila, pun ousap ükütiu seni ämi kewe föför mi ngau.

Jeremaia 15:8

Üpwe föri pwe ekewe fefin mi mä pwülüer repwe chomong seni ekewe föün pien aroset. Üpwe awarato eman chon kata leoloas, pwe epwe afeiengaua inen ekewe alüal. Üpwe müttir apüngätiu wor riaföü me niuokus watte.

Jeremaia 50:30

Iei mine nöün kewe alüal repwe mäla lon ekewe alen ewe telinimw, nge nöün kewe sounfiu meinisin repwe rosola lon ena ränin. Ngang ewe Samol mi Lapalap üa kapas.”

Jeremaia 9:21

Pun mäla a tötä me lon asamwachon imwach o tolong lon ekewe imwen king. A ärala ekewe semirit me won ekewe al me ekewe alüal lon ekewe lenien amwicheich.

Kölün kechü 1:15

Ewe Samol mi Lapalap a esita nei kewe sounfiu mi pwora meinisin mi nom rei. A tinato eu mwichen sounfiu pwe repwe afeiengaua nei kewe alüal Ewe Samol mi Lapalap a puri nei aramas, usun eman a puri föün irän wain.

Kölün kechü 5:3

Äm aia wiliti chon mäsen, esap wor semem. Inem kewe ra usun chök fefin mi mä pwülüer.

Isikiel 16:38

Iwe, üpwe apwünguk fän iten om lisowu me nimanau. Üpwe apwünguk fän ai song me lingeringer, pwe kopwe ninnila.

Isikiel 22:25

Ekewe samol mi nom lon ra föri ar rawangau. Usun eman laion mi wörüwör a ochei liapan, ina usun ra ochei aramas. Ra angei wöür me pisekir mi aüchea fän pöchökül, ra pwal achomonga ekewe fefin mi mä pwülüer me lon.

Amos 4:10

Üa tinato mätter leimi usun üa föri me lon Isip. Üa niela nöümi kewe alüal lon maun o angeala nöümi kewe oris. Üa aura pwötümi ren pwomachen ekewe somä me lon leniemi. Iei mwo nge ämi ousap liwinto rei.

Tuteronomi 32:25

Iwe, aramas repwe mäla ren maun lon alen ekewe telinimw, nge lon ekewe imw epwe fis niuokus watte. Alüal me föpwül repwe rosola, pwal mönükol mi chüen oup me chinlap.

2. Timoty 4:14

Aleksanter, ätewe mi föri pisek seni mächä, a fokun ariaföüüei. Ach Samol epwe ngeni chappen an föför ngeniei.

1. Samuel 15:33

Nge Samuel a apasa, “Usun noum ketilas a niela nöün chomong inelap pwe esap chüen wor nöür, iei usun epwe pwal fis ngeni inom, pwe esap chüen wor nöün.” Iwe, Samuel a pökükisietiu Akak fän mesen ewe Samol mi Lapalap me lon Kilkal.