Jeremaia 18:16 - Chuukese Bible

¹⁶ Ra ataela püsin fanüer, pwe aramas repwe turunufasei tori feilfeilachök. Meinisin mi pwerela ünükün ra fokun mairü ren mine ra küna o alefechefechi mökürer.

Jeremaia 18:16 Iomraidhean Croise

1. King 9:8

Iwe, ei imwenfel epwe wiliti eu ioien fau, nge meinisin mi pwereto lükün repwe mairü ren o turunufasei, repwe pwal ais, ‘Pwota ewe Samol mi Lapalap a föri ei sokun föför ngeni ei fanü me ei imwenfel.’

2. Kronika 29:8

Iei mine ewe Samol mi Lapalap a song ngeni chon Juta me chon Jerusalem o föri pwe ir eu lenien eniweniw me ämäirü me turunufas, usun oua püsin küna ren mesemi.

Kölfel 109:25

Ngang eman mi küna turunufas me ren chon atipisiei, lupwen ra künaei, ra elifechifechi mökürer.

Kölfel 22:7

Meinisin mi künaei ra turunufaseei, ra akopea awer o alifechefechi mökürer ngeniei.

Kölfel 44:14

Ka föri pwe chon ekewe mwü ra leawenikem lon ar kapasen turunufas, ra elifechefech ren ar ämängauakem.

Aisea 37:22

ngang ewe Samol mi Lapalap üa aloni ekei kapas usun Sanherip: Ekewe chon Jerusalem ra takiriik o turunufaseek.

Aisea 6:11

Mürin üa aisini, “Ai Samol, ifa ükükün fansoun an epwe fis ei?” Iwe, Kot a pälüeni, “Tori ekewe telinimw repwe tala o pön, pwal tori esap chüen wor aramas lon ekewe imw, nge ewe fanü epwe unusen pön.

Jeremaia 19:8

Üpwe ataela ei telinimw pwe epwe eu mettoch aramas repwe turunufasei. Meinisin mi pwerela ünükün repwe mairü o turunufasei pokiten ekewe feiengau meinisin ra tori.

Jeremaia 25:9

üpwe titila ren chon ekewe mwü meinisin mi nom efeng, pwal ren nei chon angang Nepukatnesar ewe kingen Papilon. Üpwe emwenireto pwe repwe maun ngeni ei fanü Juta me aramasan, pwal ngeni chon ekewe mwü meinisin mi nom pwelin ünükün. Üpwe fokun aroserela o föri pwe repwe och minen eniweniw, och minen turunufas me itengau tori feilfeilachök. Ngang ewe Samol mi Lapalap üa kapas.

Jeremaia 29:18

Üpwe tapweriir fän maun, fän lengita me mätter. Üpwe föri pwe repwe och minen eniweniw ngeni chon ekewe mwü meinisin won fanüfan. Aramas repwe leaweniir lon ar ottek, repwe enniw o küna turunufas me itengau me lein chon ekewe mwü meinisin ia üa asürela ie.

Jeremaia 42:18

Pun iei alon ewe Samol mi Unusen Manaman, ewe Koten Israel, ‘Usun üa song me lingeringer ngeni ekewe chon Jerusalem, iei usun üpwe song me lingeringer ngenikemi, lupwen oupwe feila Isip. Aramas repwe leawenikemi lon ar ottek, oupwe wiliti och minen eniweniw o küna turunufas me itengau, nge ousap chüen künasefäli ei leni.’

Jeremaia 44:12

Üpwe niela ekewe chon Juta mi chüen manau, ir chokewe mi fokun ekiekin feila Isip pwe repwe nonom ikenan. Repwe rosola meinisin me lon Isip ren maun ika lengita seni ekewe mi kis tori ekewe mi lap. Repwe wiliti och minen eniweniw o küna turunufas me itengau, aramas repwe leaweniir lon ar ottek.

Jeremaia 48:27

Ifa usun, ämi chon Moap ousap ämängaua Israel? Ifa usun, Israel a pwä me lein chon solä pwe iteiten fansoun, lupwen oua kapas usun, oua elifechifechi möküremi ngeni fän ämängau?

Jeremaia 49:13

Üa pwon fän akapel itei pwe ewe telinimw Posra epwe wiliti och minen eniweniw me eu leni mi pön, aramas repwe turunufasei o leaweni lon ar kapasen ottek. Nge ekewe telinimw ünükün repwe pönüla tori feilfeilachök. Ngang ewe Samol mi Lapalap üa kapas.”

Jeremaia 49:17

Ewe Samol mi Lapalap a apasa, “Etom epwe wiliti och minen eniweniw. Meinisin mi pwerela ünükün repwe fokun niuokus o turunufasei pokiten an feiengau meinisin.

Jeremaia 50:13

Pokiten ai lingeringer, Papilon esap so, nge epwe eu fanü mi fokun pönüla. Aramas meinisin mi pwerela ünükün repwe rükö, repwe turunufasei pokiten an tatakis.

Jeremaia 51:37

Papilon epwe wiliti eu ioien mettoch mi tala, eu leni ia kolak mi mwacho ra nom ie. Epwe och minen eniweniw me och minen turunufas, eu leni esap so.

Jeremaia 51:43

Ekewe telinimw ra wiliti och minen eniweniw, ra wiliti eu leni mi pwas o pön, eu leni ia esap wor eman aramas a nom ie, esap pwal wor eman a pwerela lon.

Jeremaia 9:11

Ewe Samol mi Lapalap a apasa, “Üpwe föri pwe Jerusalem epwe eu ioien mettoch mi tala, eu leni ia ekewe kolak mi mwacho ra nom ie. Üpwe pwal ataela ekewe telinimwen Juta pwe resap chüen so.”

Kölün kechü 1:12

“Ifa usun, ämi meinisin mi pwerela ünüki ousap ekieki usun ei feiengau? Oupwe nenengeni o küna, ika mi wor och riaföü usun ei riaföü ewe Samol mi Lapalap a atoto woi lon ewe ränin a fokun song ngeniei.

Isikiel 12:19

Kopwe üreni aramasen ei fanü, ‘Iei alon Kot ewe Samol mi Lapalap usun ekewe chon Jerusalem mi nom lon ewe fanü Israel: Repwe mongö ener fän niuokus watte o ünümi ünümer fän apilükingau, pun fanüer epwe unusen pöla, pokiten chon ewe fanü ra chök föri föförün mwänewüs.

Isikiel 27:36

Ekewe chon amömö seni ekewe mwün fanüfan ra ngäruk ren om feiengau, pun ka tori sopolomw mi afeiengau, nge kosap chüen nom tori feilfeilachök.”

Isikiel 36:3

Iei mine kopwe osuni o asile ngeniir mine ngang Kot ewe Samol mi Lapalap üa apasa: Lupwen ekewe mwü ünükümi ra liapenikemi o atakemi, ekewe lusun mwü ra lenienikemi, ra pwal ngününgünükemi o turunufaseekemi.

Isikiel 6:14

Iwe, üpwe aitiela pei ngeniir, pwe üpwe atai ewe fanü ekis meinisin ia ra nonom ie, pwe epwe tala o pön seni ewe fanüapö mi nom ör tori Ripla mi nom efeng. Mürin repwe silei pwe ngang ewe Samol mi Lapalap.”

Lifitikos 26:32

Ewer, üpwe fokun ataela fanüemi, pwe chon oputakemi mi lefanüla lon repwe mairü ren.

Lifitikos 26:43

Nge akom ekewe aramas repwe likitala ewe fanü, pwe ewe fanü epwe pwapwaiti an kewe ierin asösö, lupwen a tala. Iwe, repwe angei chappen ar tipis, pun ra purätiu ai kewe allük o oput ai kewe pwüüng.

Mika 6:16

Ei epwe fis, pokiten oua apirü än Omri me chon leimwen Ahap föför mi ngau. Oua pwal sopwela le eäni örünier kewe. Iei mine üpwe ataala fanüemi, nge ekewe aramasen lon repwe och minen turunufas. Oupwe mwärelong fän itengau me ren chon ekewe mwü.”

Mateus 27:39

Iwe, ekewe aramas mi pwere seni Jesus ra turunufasei, ra elifechifechi mökürer

Markus 15:29

Iwe, ekewe aramas mi pwere seni ra turunufasei Jesus, ra alifechifech ngeni o apasa, “Aa! En ewe ka ekiekin atai ewe imwenfel o aüsefälietä lon ükükün ülüngat rän.

Tuteronomi 28:59

mürin, ewe Samol mi Lapalap epwe awarato ngenikemi me mwirimwirimi kana feiengau mi fokun lapalap, mi chou o müchümang, pwal samauchou mi müchümang.

Tuteronomi 29:23

Unusen ewe fanü epwe fokun tala o pönüla ren pirimston me salt, pwe esap wor eman a tongeni fotuki ika ämärätä och won, esap pwal pwük fetil won. Ewe fanü epwe usun chök Sotom me Komora, Atma me Sepoim, lupwen ewe Samol mi Lapalap a ataarala lon an song me lingeringer.