Jeremaia 18:10 - Chuukese Bible

¹⁰ Nge are chon ewe mwü ra föri föför mi ngau me fän mesei, are resap aleasochis ngeniei, mürin üpwe siwili ai ekiekin afeiöchüür.

Jeremaia 18:10 Iomraidhean Croise

Kölfel 125:5

Nge chokewe mi rikila ngeni ekewe al mi pwor kopwe asechirela fiti ekewe chon föföringau. Kinamwe epwe nom lon Israel.

Isikiel 18:24

Nge are eman aramas mi pwüng a kul seni an föför mi pwüng o föri mine a pwüngingau, are a apirü än eman aramasangau föför mi anioput, ifa usun, epwe manau? Apwi! An kewe föför mi pwüng meinisin üsap chüen chechemeniir. Pokiten an pupungau me tipis epwe mäla.

Isikiel 33:12

Iwe, en nöün aramas, kopwe üreni aramasom: Are eman chon pwüng a tipis, an kewe föförün pwüng resap tongeni amanaua. Nge are eman chon föföringau a ükütiu le föföringau, an kewe föföringau resap afeiengaua. Iwe, are eman chon pwüng a föri tipis, esap tongeni küna manau ren an kewe föförün pwüng a föri me lom.

Isikiel 33:18

Are eman aramas mi pwüng a ükütiu seni an föförün pwüng o föri mine a pwüngingau, epwe mäla ren.

Isikiel 45:20

Iei usun oupwe pwal föri lon afisuen ränin ewe maram fän iten ekewe aramas mi tipis ren ar chechengau. Ina usun oupwe limeti ewe Imwenfel.

Sefanaia 1:6

Üpwe ärala chokewe mi kul seni ar tapwela müri, chokewe resap küttaei ika resap angei öüröürer me rei.”

Numperis 14:22

esap wor eman lein ekewe mwän repwe tolong lon ewe fanü. Ra küna ai ling me ai kewe manaman üa föriir lon Isip pwal lon ewe fanüapö, nge ra chök sotuniei fän chomong, resap pwal aleasochisi aloi.

Numperis 14:23

Esap wor eman leir epwe tolong lon ewe fanü üa pwon fän akapel ngeni ar kewe lewo. Esap fokun wor eman me lein chokewe mi turunufaseei repwe tolong lon ewe fanü.

Numperis 14:34

Ükükün iteiten ekewe faik rän oua operi ewe fanü, iei ükükün ierin ämi oupwe uwei liwinin ämi föföringau. Pun eu ier epwe fän iten eu rän. Iei usun oupwe mefi weiresin ai ü ngenikemi lon ükükün faik ier.’

1. Samuel 13:13

Iwe, Samuel a üreni Saul, “Ka föri mine a umwes. Kosap aleasochisi än ewe Samol mi Lapalap om we Kot allük a allük ngonuk. Pun ika ka aleasochis, ewe Samol mi Lapalap epwe apöchöküla mwum lon Israel tori feilfeilachök.

1. Samuel 15:11

“Üa lamalamala ren ai seikätä Saul pwe epwe king, pun a kul seniei o aleasolap ngeni ai kewe allük.” Iwe, Samuel a riaföü o siö ngeni ewe Samol mi Lapalap lon unusen ewe pwin.

1. Samuel 15:35

Samuel esap chüen künasefäli Saul tori ränin an mäla. Nge Samuel a letipeta usun Saul. Iwe, ewe Samol mi Lapalap a lamalamala ren an seikätä Saul pwe epwe king lon Israel.

1. Samuel 2:30

Iei mine ewe Samol mi Lapalap ewe Koten Israel a apasa, ‘Üa pwon me lom pwe om kewe lewo me mwirimwirir repwe wiseni ewe wis tori feilfeilachök. Nge iei üa apasa pwe esap chüen ina usun. Pun chokewe mi asamoluei üpwe asamoluur, nge chokewe mi turunufaseei repwe küna turunufas.