Jeremaia 17:9 - Chuukese Bible

⁹ Letipen aramas a fokun atuputup lap seni mettoch meinisin, a unusen ingau. Iö a tongeni weweiti?

Jeremaia 17:9 Iomraidhean Croise

Keneses 6:5

Iwe, ewe Samol mi Lapalap a küna pwe än aramas föföringau a fokun wattela won fanüfan, nge ekiekin leluker a chök ngauala fansoun meinisin.

Keneses 8:21

Nge lupwen ewe Samol mi Lapalap a tini pwoöchün ewe asor, a ekieki lon lelukan, “Üsap chüen anümamaua fanüfan pokiten aramas. Üa silei pwe ekiekin leluken aramas a ngau seni lekisikisin. Üsap chüen arosala mönümanau meinisin, usun üa piin föri.

2. Samuel 11:15

Iwe, lon ewe toropwe a makei, “Kopwe akomwa Uria me mwen ewe ia ewe maun a kon pöchökül ie. Mürin kopwe kul seni pwe ekewe chon oputemi repwe niela.”

Kölfel 51:5

Ellet ngang eman chon tipis seni ai uputiu. Ngang üa uren tipis seni ewe fansoun inei a nöünieitiu.

Kölfel 64:7

Nge Kot epwe esefichi ngeniir wokun föün esefich pwe repwe müttir kinas.

Än Salomon Fos 28:26

Eman mi püsin apilükülükü, i eman chon tiparoch, nge eman mi apwönüetä än ekewe chon tipachem öüröür epwe manau.

Än Salomon Afalafal 9:3

Iei och mettoch mi ngau a fis won fanüfan, pwe eu chök lapalap a fis ngeni aramas meinisin. Letipen aramas ra uren mettoch mi ngau, ra pwal uren song lupwen ra manau, nge mürin ra chök mäla.

Aisea 1:5

Pwota oua chök sopwela le ü ngeni Kot? Ifa usun, oua mochen pwe epwe sopwela le apwüngükemi? Unusen möküremi a fen kinas, nge unusen lelukemi a apwangapwang.

Aisea 1:6

Seni fän pechemi tori möküremi esap wor pöchökül, nge inisimi a kula ren mwochol me ninipüüng me kinas mi cha. Nge kinasemi esap tüng, esap pwal finifin ika pwetete ren lö.

Aisea 6:10

Kopwe aföüala letipen ekei aramas, kopwe apüngala selinger o achunala meser, pwe resap tongeni künakün ren meser ika rongorong ren selinger ika wewe ren letiper, pwe resap kul o küna manau.”

Jeremaia 16:12

Nge ämi oua fen föri föför mi ngau lap seni ämi kewe lewo. Oua en me chei ülöförean letipan mi ngau, nge ousap fokun aleasochisiei.

Jeremaia 7:24

Iwe, resap aleasochis ika aü selinger, nge ra chei püsin ar öüröür me ülöförean leluker mi ngau. Ra fen ingauala, nge resap öchüla.

Mateus 13:15

Pun leluken ekei aramas a pöchökül, ra ükütiu le rongorong, ra amöürü meser. Pun are resap föri iei usun, repwe tongeni küna ren meser o rongorong ren selinger, letiper epwe wewe, repwe pwal kul ngeniei, pwe üpwe apöchöküleer. Iei alon Kot.’

Mateus 15:19

Pun seni lon lelukan a towu ekiek mi ngau, ekiekin ninni, lisowu, mocheisou, solä, chofona me aitengaua aramas.

Markus 2:17

Lupwen Jesus a rongorong ngeni ekei kapas a üreniir, “Esap lomot eman sousafei ngeni aramas mi pöchökül, nge a lomot ngeni chök chon samau. Ngang üsap feito pwe üpwe köri ekewe chon pwüng, pwe ekewe chon tipis.”

Nöün Paulus Toropwe ngeni ekewe Souläng lon Rom 1:21

Ikamwo ra silei usun Kot, nge resap asamolu i usun Kot, resap pwal kilisou ngeni. Ar ekiek esap fokun wor lomotan, nge letiper mi wewemang a uren rochopwak.

Nöün Paulus Toropwe ngeni ekewe Souläng lon Rom 7:11

Tipis a küna eu fansoun mi fich, o ren ewe allük tipis a atupuei o nieila.

Efisos 4:22

Iei mine oupwe likitätiu ekewe föför oua föföri lupwen oua manaueni ewe manauen lom, iei ewe manau a katala ren an kewe mochenia mi atuputup.

Ipru 3:12

Ämi pwii kana mi lükü Jesus, oupwe afälikemi pwe esap wor eman leimi epwe eäni eu leluk mi ngau o lükümang, pwe epwe tokola seni ewe Kot mi manau.