Jeremaia 17:8 - Chuukese Bible

⁸ A wewe ngeni efoch irä mi fot unupen eu chanpupu a apwükawu waran ngeni ewe koluk, nge esap niuokus lupwen pwichikar a tori, pun chön kana ra chök arauarau. Esap öürek lon fansoun pwasapwas, pun esap ükütiu le ua.

Jeremaia 17:8 Iomraidhean Croise

Hiop 29:19

Üa wewe ngeni efoch irä mi töla waran lon ekewe koluk, nge palan kewe ra chöchön ren amurenipwin.

Hiop 8:16

A wewe ngeni fetil mi märöch fän tinen akkar o pwüküfetal lon ewe tanipi.

Kölfel 1:3

Ätekewe ra wewe ngeni irä mi mär ünükün ekewe chanpupu, ra ua lon fansoun räs, nge chör resap aiolol. Meinisin mine ra föri a fisiöch.

Än Salomon Fos 11:28

Aramas mi apilükülükü püsin wöür repwe turula usun chök chön irä ra turutiu mürin leres, nge ekewe chon pwüng repwe manauöch usun chök chön irä mi arauarau.

Aisea 58:11

Iwe, ngang ewe Samol mi Lapalap üpwe emwenuk fansoun meinisin, üpwe pwal ngonuk amötum lon fanüpwas o apöchöküla inisum. Iwe, kopwe usun chök eu tanipi mi nüküchöchön, pwal usun eu puächen koluk esap mor.

Aisea 61:3

Üpwe ngeni chokewe mi letipeta lon Sion epa mwärämwär siwilin falangen won mökürer, pwapwa siwilin kechü, pwal kölün mwareiti siwilin letipeta. Iwe, repwe wewe ngeni irä ewe Samol mi Lapalap a püsin fotuki, repwe föri mine a pwüng pwe Kot epwe küna ling ren.

Jeremaia 39:18

Üpwe fokun amanauok pwe kosap mäla. En kopwe küna manau, pun ka anomu om lükülük woi. Ngang ewe Samol mi Lapalap üa kapas.”

Isikiel 31:3

Üpwe awewe ngonuk Asiria. Me lom a usun efoch irä setar won Lepanon. Iwe, palen ewe setar ra fokun mwuresires, a pwal fokun tekia pwe ülülan a tori lein kuchu.

Isikiel 47:12

Iwe, lepekin ewe chanpupu me rüepek epwe märitä chomong sokun irän mongö. Chör resap pwasala, uar resap itela, pwe epwe wor uar mi nup iteiten maram, pun ewe koluk ra manau ren a puwu seni ewe leni mi pin. Iwe, aramas repwe mongö uar, repwe pwal pöchökül seni ar samau ren chör.”