Jeremaia 17:7 - Chuukese Bible

⁷ A feiöch eman aramas mi lükü ewe Samol mi Lapalap o anomu an apilükülük won.

Jeremaia 17:7 Iomraidhean Croise

Kölfel 125:1

Chokewe mi apilükülükü ewe Samol mi Lapalap ra usun chök ewe chuk Sion, esap tongeni mwökütüküt, nge epwe chök nonom tori feilfeilachök.

Kölfel 146:5

A feiöch ewe aramas a eäni än Jakop we Kot soualilis, a anomu an apilükülük won ewe Samol mi Lapalap an we Kot,

Kölfel 2:12

Oupwe mitiri ewe nau pwe esap song, nge ämi ousap mäfeiengau. Pun a müttir fis an song. Ra feiöch ir meinisin mi eäni i lenien op.

Kölfel 20:8

Ir repwe mwaroro o turula, nge kich sipwe ütä o üwenewenetä.

Kölfel 34:8

Oupwe neni o nengeni pwe ewe Samol mi Lapalap a kirikiröch. Ra feiöch ätekewe mi eäni i lenien op.

Kölfel 40:4

A feiöch eman aramas a anomu an apilükülük won ewe Samol mi Lapalap, ätewe esap kul ngeni chon lamalamtekia, ika eti chokewe mi fel ngeni ekewe uluulun anümwäl.

Kölfel 71:5

Ai Samol mi Lapalap, en ai apilükülük, üa lükülükuk seni lesäräföi.

Kölfel 84:12

Ai Samol mi Unusen Manaman, a feiöch ewe aramas mi lükü en.

Än Salomon Fos 16:20

Eman mi aüselinga än Kot kewe kapas epwe fefeitä, nge eman mi anomu an apilükülük won ewe Samol mi Lapalap epwe feiöch.

Aisea 30:18

Nge ewe Samol mi Lapalap a witiwiti chök an epwe kirikiröch ngenikemi, a pwal molotä pwe epwe ümöümöch ngenikemi. Pun ewe Samol mi Lapalap eman Kot mi unusen pwüng. Feiöchün chokewe meinisin ra anomu ar apilükülük won.

Aisea 61:3

Üpwe ngeni chokewe mi letipeta lon Sion epa mwärämwär siwilin falangen won mökürer, pwapwa siwilin kechü, pwal kölün mwareiti siwilin letipeta. Iwe, repwe wewe ngeni irä ewe Samol mi Lapalap a püsin fotuki, repwe föri mine a pwüng pwe Kot epwe küna ling ren.

Jeremaia 39:18

Üpwe fokun amanauok pwe kosap mäla. En kopwe küna manau, pun ka anomu om lükülük woi. Ngang ewe Samol mi Lapalap üa kapas.”

Taniel 3:28

Iwe, Nepukatnesar a apasa, “Üpwe mwareiti än Satrak, Mesak me Apetneko we Kot. A tinato nöün chon läng pwe epwe angasa nöün chon angang mi lükü i. Iwe, ra purätiu ai kewe allük o fangela inisir, pun resap mochen chapetiu o fel ngeni eman kot lükün ar we Kot.

Sefanaia 3:12

Nge üpwe likiti me leimi eu mwichen aramas mi tipetekison o tipefesir, repwe anomu ar apilükülük woi.

Efisos 1:12

Iei mine kich mi akomwen apilükülükü Kraist sipwe eu lenien mwareiti lingen Kot.