Jeremaia 17:6 - Chuukese Bible

⁶ A wewe ngeni efoch iräkis lon fanüapö. Esap fokun tori och feiöch. Epwe nom lon ekewe leni mi pwasapwas me lon ewe fanüapö, lon eu fanü mi wor salt lon, eu fanü esap so.

Jeremaia 17:6 Iomraidhean Croise

2. King 7:2

Mürin, ewe meilap, ätewe mi wisen tümwünü ewe king, a üreni Elisa, “Inamwo are ewe Samol mi Lapalap epwe püsin suki asammwachon läng o tinato mongö, ei mettoch esap tongeni fis.” Nge Elisa a üreni, “Kopwe püsin küna ren mesom, nge kosap mongö seni.”

Hiop 20:17

Esap manau ngeni an epwe küna ekewe chanpupu mi apuowu apüra seni föün olif, ika ekewe öüwö mi apuowu chönün chunen me milik.

Hiop 39:6

Ngang üa ngeni ewe aas ewe fanüapö pwe fanüan, o mwüt ngeni pwe epwe nom lon ewe maasies ia a wor salt ie.

Kölfel 1:4

Nge ekewe aramasangau resap iei usun. Pun ra wewe ngeni pipi asepwäl a ässala.

Kölfel 107:34

A awili eu fanü mi pwülüöch ngeni eu fanüapö mi uren salt, pun chon ewe fanü ra föföringau.

Kölfel 92:7

Inamwo are ekewe aramasangau ra mämäritä usun fetil, nge ekewe chon föföringau meinisin ra aümanau, repwe chök fetal ngeni feiengau esemüch.

Aisea 1:30

Iwe, oupwe wewe ngeni efoch irä ook mi pwas chön, oupwe pwal wewe ngeni eu tanipi esap wor eman a achöchönü ren koluk.

Jeremaia 29:32

iei mine üpwe apwüngü Semaia seni Neelam me mwirimwirin kana. Esap wor eman me lein aramasan epwe manau o küna ewe feiöch üpwe ngeni nei aramas, pun a üreni ekewe aramas pwe repwe ü ngeniei. Ngang ewe Samol mi Lapalap üa kapas.’”

Jeremaia 48:6

Oupwe sü. Oupwe kütta manauemi. Oupwe sä usun eman aas mi mwacho lon fanüapö.

Isikiel 47:11

Nge ekewe warawar me pwakak esap fis manau lon, pwe salt epwe chök nom lon.

Sefanaia 2:9

Mwo manauei, ekewe fanü Moap me Amon repwe tala usun Sotom me Komora, repwe wiliti eu fanüen pötöwölingau me pwangen salt, repwe eu fanüapö tori feilfeilachök. Nei aramas mi chüen manau repwe angei pisekir fän pöchökül o fanüeni fanüer.”

Tuteronomi 29:23

Unusen ewe fanü epwe fokun tala o pönüla ren pirimston me salt, pwe esap wor eman a tongeni fotuki ika ämärätä och won, esap pwal pwük fetil won. Ewe fanü epwe usun chök Sotom me Komora, Atma me Sepoim, lupwen ewe Samol mi Lapalap a ataarala lon an song me lingeringer.

Soukapwüng 9:45

Mürin, Apimelek a maun ngeni ewe telinimw lon unusen ewe rän tori a liapeni o niela aramasen lon. A pwal atai ewe telinimw o amorafeili salt won.