Jeremaia 17:4 - Chuukese Bible

⁴ Oupwe fangatä fanüemi üa ngenikemi, nge ngang üpwe föri pwe oupwe angang ngeni chon oputakemi me lon eu fanü ämi ousap silei. Pun ai song a usun chök ekkei mi pulopul tori feilfeilachök.”

Jeremaia 17:4 Iomraidhean Croise

1. King 9:7

mürin üpwe ärawu chon Israel seni lon ewe fanü üa ngeniir. Iwe, ei imwenfel üa apini fän itei üpwe aturawu me fän mesei, nge aramas repwe leaweni chon Israel ren kapsen ämängau me kapasen turunufas me lein chon ekewe mwü meinisin.

2. King 25:21

Nge ewe kingen Papilon a awateer o nirela me lon Ripla lon ewe fanü Hamat. Iei usun chon Juta ra oola seni fanüer.

Nehemia 9:28

Nge lupwen ra kinamwe, ra försefäli mine a ngau me fän mesom. Mürin ka asechisefälirelong lepöün chon oputeer pwe repwe nemeniir. Nge lupwen ra ekieksefäl o siö ngonuk, ka aüselingeer seni läng. Fän chomong ka angaseer lon om ümöümöch.

Aisea 14:3

Lupwen ewe Samol mi Lapalap epwe angasakemi seni ämi riaföü me fitikoko me angang weires ra achouu ngenikemi,

Aisea 30:33

Pun eu lenien ekkei a amol seni me lomlom. Ewer, a amol fän iten ewe kingen Asiria. Iwe, pwangen ewe lenien ekkei a alolol pwal chölap, a pwal ur ren chomong amüch me ekkei. Enienin ngasangasen ewe Samol mi Lapalap mi usun chök ütten primston epwe fisi.

Aisea 5:25

Iei mine ewe Samol mi Lapalap a fokun song ngeni nöün aramas o aitiela pöün pwe epwe apwüngüür. Iwe, ekewe chuk repwe chechech, nge ekewe somä repwe nonom won ekewe al usun chök pipi. Iei mwo nge än Kot song esamwo kul seniir, pöün a chüen afeiengaueer.

Aisea 50:11

Nge ämi mi rawangauei chon arumi pwe repwe feiengau, oupwe püsin feiengau ren ämi rawangau. Iei usun mine ewe Samol mi Lapalap epwe föri ngenikemi. Epwe atolongakemi lon riaföü.

Aisea 66:24

“Iwe, lupwen repwe towu, repwe nengeni somän ekewe aramas mi ü ngeniei. Ekewe möttö mi eniir resap mäla, nge ewe ekkei mi keniir esap kunula. Iwe, aramas meinisin repwe nioputäsiniir.”

Jeremaia 12:7

Iwe, ewe Samol mi Lapalap a üra, “Ngang üa likitala ekewe chon Israel o pöütala nei aramas. Üa asechala chokewe üa echeniir lepöün chon oputer.

Jeremaia 15:14

Üpwe föri pwe repwe angang ngeni chon oputer me lon eu fanü resap silei. Pun ai song a usun chök ekkei mi pulopul tori feilfeilachök.”

Jeremaia 16:13

Iei mine üpwe aturukemiiwu seni ei fanü o aturukemiilong lon eu fanü ämi me ämi kewe lewo ousap silei me mwan. Ikenan oupwe angang ngeni pwal ekoch kot lerän me lepwin, pun ngang üsap kirikiröch ngenikemi.’”

Jeremaia 18:23

Nge en, ai Samol mi Lapalap, ka silei usun ar rawangauaei, pwe repwe niei. Kosap amusala ar föföringau, kosap pwal amoela ar tipis. Repwe tur o kuf, kopwe ukun ngeniir ar föför lon fansoun om song.”

Jeremaia 2:14

Ifa usun, Israel eman amanau? Ifa usun, a upulong lon eu familien chon angang? Pwota chök chon oputan ra liapeni?

Jeremaia 21:12

ämi ekewe mwirimwirin Tafit: Oupwe eäni kapwüng fän wenechar iteiten rän, oupwe angasa ekewe mi riaföü seni ekewe chon ariaföüür. Pun are ousap föri ei, ai lingeringer epwe kü usun ekkei esap tongeni kunula, pokiten ämi föföringau.

Jeremaia 22:28

Ifa usun, ei mwän Jehoiachin esap wewe ngeni eu pör mi mök o pöütüla, esap wor eman a mochen eäni? Pwota i me nöün kana ra oola lon eu fanü resap sisilei?

Jeremaia 5:19

Iwe, lupwen ekewe aramas repwe ais, ‘Pwota ewe Samol mi Lapalap ach we Kot a föri ngenikich ekei mettoch meinisin?’, mürin en Jeremaia kopwe üreniir, ‘Usun oua likitala Kot o angang ngeni pwal ekoch koten ekis me lon fanüemi, iei usun ämi oupwe angang ngeni chon ekis me lon eu fanü sap fanüemi.’

Jeremaia 5:29

Ifa usun, ngang ewe Samol mi Lapalap üsap apwüngüür pokiten ekei föför? Ifa usun, üsap ngeni chon ei sokun mwü chappen ar föför.

Jeremaia 7:20

Iei mine ngang Kot ewe Samol mi Lapalap üpwe awarato ai song me lingeringer won ei leni, won aramas me man, won ekewe irän lemäl, pwal won uän ekewe irän lepwül. Ai song epwe kü, nge esap tongeni kunula.”

Kölün kechü 1:12

“Ifa usun, ämi meinisin mi pwerela ünüki ousap ekieki usun ei feiengau? Oupwe nenengeni o küna, ika mi wor och riaföü usun ei riaföü ewe Samol mi Lapalap a atoto woi lon ewe ränin a fokun song ngeniei.

Kölün kechü 5:2

Fanüem a nonom fän nemenien wasöla, nge ekewe chon ekis ra nom lon leniem.

Isikiel 21:31

Üpwe awarato ai song womi, üpwe wusi ngenikemi choun ai lingeringer o asechikemiilong lepöün aramas mi mwänewüs o silelap le kata.

Isikiel 7:24

Üpwe awarato chon ekewe mwü mi ngau seni meinisin, pwe repwe imweni imwer kana. Üpwe awesi än ekewe chon pwora lamalamtekia, nge ar kewe leni mi pin repwe küna turunufas.

Tuteronomi 28:25

Iwe, ewe Samol mi Lapalap epwe föri pwe oupwe kuf ren chon oputemi. Oupwe feila won efoch al pwe oupwe maun ngeniir, nge oupwe sü me mwer won fufoch al. Chon ekewe mwü meinisin won fanüfan repwe fokun niuokus, lupwen repwe küna mine a fis ngenikemi.